Укучыга таба яңа адым: «Сөембикә»нең февраль санын тәкъдим иттек
Кичә Татарстан милли китапханәсенең яңартылган бинасында Сөембикә» журналының февраль санын тәкъдим итү кичәсе булып узды.
Җылы, ихлас кичә булды ул!
Кунаклар итеп журналның февраль санын бизәүче геройларыбыз чакырылды. Алар арасында «Хатлар йорты» проекты авторы Энҗе Садыйкова, шагыйрә Шәмсия Җиһангирова, Г. Камал исемендәге Татар дәүләт академия театры артисты Илдус Әхмәтҗановлар бар иде.
Февраль саны белән укучыларыбызга бүләк – открытка килде. Әлеге уңайдан, «Сөембикә» журналының бу айдагы тышлыгын бизәгән Энҗе Садыйкова: «Журналның тарихи саны чыкты дияргә була, чөнки әлегә кадәр журнал эчендә конверт белән тәбрикләмә-хат килгәне юк иде. Бу безнең өчен дә зур вакыйга, журнал индустриясе өчен дә яңа сулыш», – диде. Әлеге тәбрикләмә күпләрне хат язышуга этәрер, илһамландырыр дип өметләнә ул.
Кунаклар арасында редакциябезнең күптәнге дусты, җырчы һәм җәмәгать эшлеклесе, Татарстанның халык артисты Гөлзадә ханым Сафиуллина да бар иде. Ул үзенең иҗаты һәрвакыт «Сөембикә» битләрендә яктыртылып килүе турында әйтте. Сүз уңаеннан, 2021 елның тышлыклар галереясен аның кызы, галимә Резеда Сафиуллина башлап җибәрде.
Тәкъдим итү кичәсенә килүчеләр Шәмсия Җиһангированың шигырь укуын, җырлавын, яшь, өметле җырчы, Халыкара бәйгеләр лауреаты, Г. Тукай исемендәге татар дәүләт филармониясе солисты Илгиз Мөхетдинов чыгышын, Татарстанның атказанган җырчысы, фестивальләр лауреаты Гөлшат Имамиеваның җырлавын яратып тыңладылар. Илдус Әхмәтҗанов укыган шигырьләр һәрвакыттагыча йөрәкләргә үтеп керерлек булды.
Февраль санының тагын бер герое – җырчы Илсөя Бәдретдинова белән кунаклар экран аша очрашты.
Фикер алышулар вакытында сүз кабат бу санның төп темасына – хатларга әйләнеп кайтты. Редакциябездә ике дистә елдан артык эшләгән язучы Марат Әмирханов үзе алган беренче хатны искә төшерде. Аны барыбыз да елмаеп тыңладык:
Беренче класста укыган чагым иде, – диде ул. – Сыер сакларга барган җирдә күрше кызы кулыма хат тоттырып китте. Өйгә кайткач, ачып укыдым. «Мин сине яратам!» – дип язган. Чәчәкләр ясаган... Миннән дә бәхетсез кеше булмагандыр бу минутта. Оятын кая куясың – кызлар хат язсын әле... Инде бу хатны кая куярга дип аптырадым. Утын әрдәнәсенә чыгарып яшердем, аннан башка җиргә күчердем. Ахырда әнкәй күрмәгәндә утка яктым...
Шагыйрә Гөлзадә Бәйрәмова да кичәгә килер алдыннан көне буе хатлар укыган – хәтирәләр белән яшәгән:
– Әнинең үземә язган хатларын саклыйм, – диде ул. – Бүген шул хатларны кабат укыдым. Сагынулар яңарды... Әнинең миңа бүләк иткән брошкасы бар. Күптәнге инде ул. 70-80 еллар бардыр аңа... Шуна тагып килдем әле...
«Сөембикә» журналының баш мөхәррире Лариса Маликова кичәне башлап җибәргәндә үк: «Мондый очрашулар хәзер даими булыр, дип өметләнәбез, – диде. – 1970 елларда «Азат хатын» журналы редакциясе каршында «Кызыклы очрашулар клубы» эшләп килгән. Аны журналның ул чактагы баш мөхәррире Асия Хәсәнова оештырган. Казанның һәркемгә билгеле кафеларның берсендә узган ул. Без шул традицияне яңартырга телибез».
Гөлнур ХӘСӘНШИНА
Фото: Анна Арахамия
-
Җиңги Без – ишле гаилә. Әти үлгәч, әни сигез бала белән ялгыз калды. Шунда әни: «Унынчы кеше булып шушы өйгә киләсен беләме? Ашау-эчүнең дә такы-токы икәнен чамалыймы? Ике-өч ел башка чыга алмаганыгызны әйттеңме? Аерылып китеп кеше көлдермәссезме?» – дип сорауларын тезде генә. Соңыннан: «Белмим инде, улым, ул кыз йә бик тәүфыйклыдыр, йә бик тәүфыйксыздыр», – дип, сүзен түгәрәкләп куйды...
-
Упкынга төшкәндә – 1 Биш ел буе балага уза алмаган хатынның ирен онытып, үзен генә кайгырткан, мендәргә капланып елаган чаклары күп булды. Узып та күтәрә алмаган ике баласын югалту ачысын да берүзе күтәрде. Аннары беренче кызлары туу шатлыгы ирнең эчеп йөрүен тагын икенче планга күчерде...
-
Упкынга төшкәндә - 2 Кызының чәч араларын иснәп башыннан үпте дә, урамга чыгып китте Айрат. Лапаска керде дә мәчеттә үк тыеп килгән күз яшьләренә ирек биреп рәхәтләнеп елады...
-
Әти кайтты Әти кайтты... 22 елдан соң... Киселгән икмәк ябышмый, диләр. Әти булгач, ябыша икән...
-
Ни өчен безнең өстәлдә тозлы кәбестә гел булырга тиеш? Рушания ханым Минсәгыйрова: «Безнең өстәлдән тозлы кәбестә беркайчан өзелеп торырга тиеш түгел», – ди. Ни өчен икәнен дә аңлата.
-
30 сентябрь 2023 - 16:51Без именичын татар комментарие: хәтәр булган икән"🤣🤣🤣Ирләрнең дә җаны бар
-
29 сентябрь 2023 - 20:08Без имениСезнен язмаларны укып сокланам.«Дөнья буйлап инәй тавышын эзләп йөрим...»
-
29 сентябрь 2023 - 14:53Без имениБөтенләй бармагыз, кадерегезне белмәгәч. Вакыт күрсәтер, алла тигезли ул. Ирегез әйбәт, шунысына сөенегез. Әнисеннән күрмәгән җылыны бирегез аңа.Ялган ана
-
28 сентябрь 2023 - 19:23Без имениАлла бирманк бездэ Хэзер урысларда эйтэКазан кешеләре шундый икән...