Җырчы Алсуның улын да күрдек!

Алсу ире Ян Абрамов белән өч бала үстерәләр. Кызлары Сафина белән Микелладан соң 2016 елда Алсу Израильдә өченче баласын – улын тапты. Күп бала әнисе Алсу инстаграм битенә Сафина белән Микелла фотоларын еш урнаштырса да, моңарчы өч яшьлек улы Рафаэльне күрсәтми иде. «Микелланы – 5, Сафинаны 6 яшендә генә күрделәр. Моңа беркем дә гаҗәпләнмәде. Ә улымны башкаларга күрсәтергә мин әзер түгел әле. Ул бик  кечкенә, бераз үсә төшсен, башкаларны да сәламләрлек булсын. Аңынчы ник, нигә, кайчан дип сорамагыз да», – дигән иде Алсу. 1 июнь көнне исә инстаграмга өч баласы белән дә төшкән фотоны элде. Постында: «Весь смысл моей жизни, весь мой мир – в одном фото! С Днем защиты детей! Берегите друг друга», – дип язып куйган.  Бу фотода да улы камерага арка белән борылган. Үзе, әнисен кочып, аңа сыенган.

Подписчиклары: «Красивая семья! Приятно увидеть со всеми вашими детками! Рафаэльчик красавчик даже со спины!))) Наверно он похож на вас Алсу», «Ой, класс. Рафаэль красавчик. Вижу даже с затылка», «Какое фото. Красивая мама красивые дети» дигән комментрийлар калдырган. (Пунктуация һәм орфогрфия сакланып бирелә.)

Фото: @alsou_a