"Син Асаева түгел, Араева, чөнки гел акырасың!" Гөлназ Асаева рус эстрадасына нинди исем белән танылмакчы?

Популяр җырчы Гөлназ Асаева сәхнә исемен тәкъдим итте. Хәзер ул - Джаннат, ягъни Җәннәт. Эш шунда ки, Гөлназны Мәскәүгә чакырганнар. Ул хәзер татарча һәм башкортча гына түгел, рус телендә дә җырлаячак. Ләкин продюсеры Гөлназның үз исеме белән чыгуына каршы килгән.

“Мәскәү продюсеры белән өч елга килешү төзедек. Ул - танылган җырчы Сати Казанованың продюсеры. Русча акцент белән җырлавымны да, тышкы кыяфәтемне дә ошаткан. Мине шәрык кызы образында күрүен белдерде. Шул сәбәпле, чәчемне яңадан кара төскә буярга туры килде. Беренче иҗат җимешебез - “Украду” исемле җыр. Тиздән Казахстанда диск яздырырга җыенабыз”, - дип сөйләде Интертатка Гөлназ Асаева.

Җырчы хәзер күп вакытын Мәскәүдә, студиядә үткәрә икән. “Татар эстрадасыннан китәргә уйламыйсыңдыр бит?” - дигән сорауга ул: “Юк, әлбәттә! Татарча җырлар да иҗат ителәчәк. Алар минеке булачак, ә рус телендә яздырылачак җырлар – продюсерныкы”, - дип аңлатты Гөлназ.

Гөлназны татар эстрадасында Гөлназ Асаева дип белсәләр, рус эстрадасында ул Джаннат буларак танылачак. Продюсеры аңа барлык афишларына ике исемен дә язарга киңәш иткән. “Холкымның җиңел түгеллеген продюсерым да аңлап өлгерде инде. Уртак танышыбызга “холкы бик авыр” дигән. Ә бервакыт смс-хәбәрдә “Араева” дип язган. “Мин – Араева түгел, Асаева” дигәч, “Араева! Чөнки гел акырасың”, - диде”, - ди Гөлназ Асаева.

чыганак: http://intertat.tatar/shou-biznes-yanalyklary/sin-asaeva-t-gel-araeva-ch-nki-gel-akyrasy-g-lnaz-asaeva-rus-estradasynda-nindi-isem-bel-n-tanylmakch/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Шушы ук темага
Хәзер укыйлар
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    8130
    1
    105
  • 8659
    2
    57
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    9668
    1
    54
Реклама
Соңгы комментарийлар
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...