Гүзәлем белән Салават изге сәфәрдә

Салават белән Гүзәлем зур изге сәфәргә киткәннәр.

«Безне югалтмагыз. Гомеребезнең иң зур сәфәре – Аллаһ йортына юл тоттык. Ул безне кунакка чакырды. Исән-сау әйләнеп кайтырга насыйп итсен. Хаҗларыбызны кабул итсен, Амин. Ихластан һәрберебезгә шундый ук бәхет насыйп булуын телибез!» – дип яза Гүзәлем соцчелтәрдә. Гүзәлемгә язылучыларның күбесе, Салават белән Гүзәлем өчен сөенеп, аларга иң изге теләкләр теләгән. Коллегалары Алсу Фазлыева, Ландыш Нигъмәтҗанова, Ләйсән Гыймаевалар: «Молодцы!», «Хәерле юллар» дигән комментарийлар калдырганнар.

Без дә ул теләкләргә кушылабыз. Исән-сау әйләнеп кайтырга язсын аларга. Хаҗлары кабул булсын!