Камыр ашлары

Зур бәлеш

Кирәк:

* 2 йомырка;

* 1 стакан сөт;

* 2 аш кашыгы шикәр комы;

* 100 г атлан май;

* 1 чәй кашыгы тоз;

* 3-4 стакан он.

Эчлек өчен:

Ит белән бәрәңгене табаның күләменә карап әзерләдем;

* зур суган;

* тоз;

* борыч.

Бәлешне тавык, каз, сыер һәм башка итләр белән пешерергә була.

Эш барышы:

Бисмилләәһир-рахмәәнир-рахииим.

1. Төче камыр әзерлибез. Савытка сөт, йомырка, шикәр комы, тоз, атланмай салып яхшылап туглыйм, аннан он өстәп, камыр кулга ябышмый башлаганчы басам да, 20 минут ял иттерәм.

2. Ит, бәрәңге, суганны вак итеп турадым. Тәменчә тоз белән борычны салып болгаттым. Эчлек әзер булгач. Камырны 3 өлешкә бүлеп, берсен зуррак итеп бәлеш төбенә, икесен бер төсле кечерәк итеп бәлешнең капкачына һәм капкач өстен бизәр өчен калдырдым.

3. Бәлеш төбенә дигән камырны җәеп майлаган табага салдым, камыр таба читеннән асылынып калырга тиеш. Җәйгән камырга өеп эчлекне салдым, камырның күтәреп, бөрдем. (Таба читеннән артык калган камырны кисеп, бәлеш өстенә бизәк ясарга калдырдым). Шулпа салам.

4. Шуннан соң капкач өчен калдырган камырны жәеп бәлеш өстенә каплап, читен ябыштырдым.

5. Капкач өстен бизәр өчен тагы шул зурлыкта камыр җәйдем, фотосүрәтләр аша аңлаганмыздыр, ничек кунада килеш, уртага таба 12 кисем ясаганны, мин сәгать формасында кистем.