Данир Сабиров сыйлый: «Шулпасыз пешергән аш»



Кайчандыр  Казан мәдәният институтының хореография факультетыннан татар эстрадасы бүлегенә тәвәккәлләп күчмәсә, бүген, бәлки, Данир Сабиров атлы артистны белмәс тә идек. Хәер, җырчы булмаса, мөгаен, биюче яки данлыклы көрәшче булыр иде ул. Ә бәлки... баянчы?! Әйе, әйе, болары да җырчы һәм пародияләр остасы Данир Сабировның һөнәрләре. Бию дә, көрәш тә (2006 елда Азнакайда үткән республика чемпионатында Татарстан чемпионы исеменә лаек була) аның кечкенәдән яратып шөгыльләнгән хоббие. Ә баян – анысы инде бабасы киңәшен тотып. 

Күпләр өчен Данир САБИРОВ иң элек пародияләр остасы. Иң беренче эшләреннән булган «Пионерлар» пародиясен хәтерлисезме? Бүген Данир Сабиров татар тамашачысына үз репертуарын, үз өслүбен, үз төркемен булдырган танылган артист. Яңарак кына җиденче концерт программасы белән Себер якларыннан урап кайттылар. Яңа программалары «Гаилә» дип атала. Сере бар: гаиләләренең унъеллык юбилее быел. Хатыны Миләүшә, кызлары Мәрьям белән Дания (кызлар икесе дә нәфис гимнастика белән шөгыльләнә, Мәрьям «Беренче канал»ның «Лучше всех» тапшыруында да катнашты) – Данирның иҗатына илһам өрүчеләр. Ерак гастрольләрдән кайткач, ул якыннарына бәйрәм ясарга ярата. Беркая ашыкмыйча, каен утынының мичтә чертләгәнен тыңлый-тыңлый, үзе генә белгән рецепт белән пешерә торган ашы бар аның. «Дубайга баргач, Илшат дустымнан өйрәнеп кайткан идем. Исеме дә юк үзенең, ләкин бик тәмле», – ди Данир. Әйдәгез, бергәләп пешерик әле шул ашны! 

 

Кирәк: 



500 г сөяксез ит; 

3-4 баш суган; 

5-6 эре бәрәңге; 

5-6 эре помидор; 

2 баллы борыч; 

1-2 баклажан; 

1 кечерәк ташкабак; 

ярты уч зира; 

тоз-борыч; 

0,5 стакан үсемлек мае; 

өстен каплар өчен кәбестә яфрагы.  

 

Эш барышы: 

бу ашның иң кызыгы шунда: бөтен ингредиентлар да бер-бер артлы салкын казанга тутырыла. Казан булмаса, калын төпле кәстрүл дә ярый.  

 

Итне уртача зурлыкта итеп шакмаклап турыйбыз да коры казан төбенә салып, тәменчә тоз, борыч сибәбез һәм яхшылап болгатабыз. Аннары ярты уч зира өстибез. 



Суганны ваклап турап, ит өстенә түшибез. Суган итне тулысынча капларга тиеш. 

Суган өстенә эрерәк шакмаклап туралган бәрәңге, аның өстенә помидор (помидор аз булмасын, шулпаны нәкъ менә помидор бирә), аннары баклажан, ташкабак һәм баллы борыч салына.  







.Савыт тирәли әйләндереп, үсемлек мае агызабыз. Өстен кәбестә яфраклары белән томалыйбыз. 





Казанның капкачын каплап, учакка эләбез. Тоз да, шулпа да өстәргә кирәкми. Учакта аш искиткеч хуш исле булып, изрәп пешә.  

Учакта пешерү мөмкинлеге булмаса, плитә өстендә генә дә пешерергә була.  

Сәгать ярым талгын гына утта пешкәннән соң, аш әзер.  

Казанны уттан алып, өстәге яфракларын ачабыз. Теләсәгез, аларны да турап ашка кушарга була.  

Ашны сак кына болгатып, тирән тәлинкәләргә бүләбез. Өстенә мул итеп яшел аш тәмләткеч үләннәр сибәбез. М-м-м! Тәмле! 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (2)
Cимвол калды:
  • 27 февраль 2021 - 22:13
    Без имени
    Домлэмэ дилэр моны безнен Узбэкстаннан кайткан туганнар
  • 27 февраль 2021 - 22:13
    Без имени
    Бу дэмлэмэне куптэн пешерэбез инде, учак остендэ дэ, газ плитэсендэ дэ.
Хәзер укыйлар
  • Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
    7559
    1
    105
  • Хәшәрәт – Әни, без Фәридә белән өйләнешергә булдык. Син каршы түгелсең бит, әйеме? Зөлфия, улының бу хәбәренә күптән әзер булса да, каушап калды. Бу минутта теленнән нинди генә сүз төшсә дә, ничектер урынсыз, ялгыш булыр кебек тоелды.
    5814
    1
    93
  • Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
    4803
    4
    76
  • Салават Илсөянең гомерен коткарып калган Җырчы Илсөя Бәдретдинова Салаватка: «Минем гомеремне коткарып калучым», – ди. Болай әйтүенең сәбәбе белән кызыксындык. 
    12968
    4
    65
  • Гомернең ике яры Бездә бүген – дебют! Гөлнур Сафиуллинаның дебюты! Ниһаять!.. Аның хикәяләр яза башлавын бик көткән идек без. Хәер, Гөлнурның журналист язмалары ук чын хикәя итеп кабул ителә: йә елмаеп, йә күз яшьләрен тыярга тырышып укыйсың... Ә геройлары үзенә охшаган: тыйнак, акыллы, сизгер күңелле, серле... Кечкенә генә бер сүзе, карашы, хәрәкәте белән дөньяларны үзгәртә, гап-гади тормышны ямьгә төрә белгән... Менә шулай! Хикәяләрендә – фәлсәфә, хисләр, сизгер хатын-кыз йөрәге, тагын әллә ниләр – кыскасы, өр-яңа халәт!
    3996
    5
    45
Реклама
Соңгы комментарийлар
  • 25 февраль 2021 - 18:08
    Без имени
    Урыска кияъгщ чыкмаган инде ул , чыкса . ьщллщп тормас иде . Щнисе хат язган бит , алып кайтма авылга диеп . Димщк , рус егетенщ чыкмыйча , икенче берщъгщ , яратмаган кешесенщ чыккан кияъгщ дщ . Яратмаган кешесе булгач . улында яратмый инде , оныгында . Щ язылышы , чыннан да , килделе - киттеле . икенче тцрлерщк . матур итеп язарга була иде .
    Язмыш җиле
  • 25 февраль 2021 - 19:23
    Без имени
    Мило
    «Әни, син мине әллә Парижда дип беләсеңме?!»
  • 25 февраль 2021 - 05:31
    Без имени
    Бик матур язылган. Нэжибэ апа шул. Э карт бик кызганыч. Ник балалары шулай михербансыз булган?!. Анлашылмый. Кузгэ яшьлэр килдеее.
     Тукталыш
  • 24 февраль 2021 - 11:47
    Без имени
    Еладым….
    Вәгъдә йөзеге
  • 24 февраль 2021 - 11:48
    Без имени
    Хэзер шарлатаннар куп, элек настоящийлар булган
    «Фәрештәләр төшемдә дога өйрәтте»
Реклама
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...