Карьера ясыйсыгыз киләме? - 10

Соңармагыз 

Җыелышка билгеләнгән вакытка берүк соңга калып килә күрмәгез. Ниндидер ваемсызлык һич килешми бу очракта. Миңа соңга калып йөрүчеләрне күп күрергә туры килде.  5-10 минутка, кайчак озаккарак та соңга калалар. 

Командировкада булсагыз, йокыдан иртәрәк торыгыз. «Йоклап калганмын» дип аклану бер кысага да сыймый. Будильник куегыз. Кунакханәдә дежурныйдан шакып уятуын сорагыз. Кирәкле вакытта кирәкле урында була белергә кирәк. 

Җаваплы киңәшмәгә соңга калып килү бик зур хилафлык булачак! Нинди киңәшмә икәнен чамалыйсызмы? Анда сезнең босс, боссыгызның боссы утыра... Киңәшмәләр залының ишекләре, соңга калучыларны фаш итеп, туктаусыз дөпелдәп ачыла. Залдагылар дәррәү ишеккә борыла. «Гаеплене» энә күзеннән үткәрәләр. Кичтән тамчы да эчмәгән булсагыз да, алдагы көнне шактый бәйрәм иткән икән дип уйлаячаклар. 

 Кирәк икән, өч будильник куегыз, дустыгыз иртән шалтыратып уятсын. Вакытында торыгыз, вакытында киңәшмәгә килегез. 

 Телефоныгыз шалтыраса, җавапсыз калмагыз 

Телефоныгыз шалтыраса, трубканы алыгыз. Топ-менеджер телефонын үзе алса, кешеләр хәтта гаҗәпкә кала. Ә бу исә «Сәлам, мин сөйләшүгә әзер!» яки «Мин булышырга әзер» дигәнне аңлата. 

Сүз дә юк, кайчак телефоннан ялыктыргыч коммерсантлар белән дә аралашырга туры килә. Мин үзем тыныч карыйм моңа: һәркемнең үз эше инде. Андыйларга, кагыйдә буларак, ярты минут вакытымны бүләм: тәкъдимнәре мине кызыксындырырлык булмаса, итагать белән генә саубуллашу ягын карыйм. 

Җавапсыз калган шалтырауның нинди мөһим буласын беркайчан белмисең бит. 

Аванс отчетларыгызны күпертмәгез 

Легитим чыгымнарны каплауны гына таләп итегез. Үз компаниягезнең бухгалтерия кагыйдәләрен өйрәнегез һәм кабул ителгән нормалардан тайпылмагыз. 

Компания аванс отчетларын тикшерү өчен аудиторлар чакырганда сез кристаллдай чиста булырга тиеш. Аудиторлар үз эшенең осталары, алар беркайчан да күз буяуларга юл куймаячак. 

Аванс отчеты сезнең намуслылыкка имтихан ул. 

Теги: Карера

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Шушы ук темага
Хәзер укыйлар
Соңгы комментарийлар
  • 3 июль 2020 - 09:28
    Без имени
    Эниегез рэхмэтле булып бакыйлыкка киткэн.Бик саваплы булгансыз,урыны ожмахта булсын🙏🙏🙏
    «Әни җырлап китте...»
  • 3 июль 2020 - 11:46
    Без имени
    Гомере буе яратып яшэгэннэргэ сокланам!Чын мэхэббэт шундый буладыр ул.
    «Без аерылышмас идек...»
  • 30 июнь 2020 - 17:44
    Без имени
    Алабугада, Сарманда яшэгэн апаларыгызны бер дэ анламадым. Кыз балалары бит алар, энилэрен алар юындырып, тэрбиялэп карап торырга тиеш иде. Э алар энелэреннэн юындыртканнар энилэрен, оялмаганнар. Э сезгэ афэрин, дияргэ кала. Югалып калмагансыз, эниегезне сонгы коненэ кадэр карагансыз.
    «Әни җырлап китте...»
  • 30 июнь 2020 - 19:04
    Без имени
    Атай кеше йаш баласы булгас ,нисек эшка йорой,кемга калдырырга уйлаган энисе улгас атайга отпуск бирмагандарме
    «Ташлама мине»
  • 30 июнь 2020 - 19:24
    Без имени
    Шулай уҡ хәл, тик минем ир йораты яшел йылан белән дуҫ шул
    Бәхетле булыр өчен гаилә кирәкме?
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...