Логотип
Салатлар

Гөлназ Сәфәровадан помидор тозлау рецепты

Уңган да инде бу Гөлназ! Әле әбисе янына кунакка кайта, җиләккә бара, челтәрләр юа...

Уңган да инде бу Гөлназ! Әле әбисе янына кунакка кайта, җиләккә бара, челтәрләр юа... Инде менә үзенең инстаграм битендә помидор тозлау рецепты белән бүлешә. 
«Кыяр-помидор тозлау – ул кышка җәйге кәефне тутырып кую кебек! Матур көннәрен, хуш исләрен, күңелле мизгелләрен, якты төсләрен!
Миннән помидор тозлау рецепты:
(Ике 2 литрлы банкага исәпләнгән)
1.    Помидорларны юып киптерергә.
2.    Банканың астына 2 зонт укроп, 1 лавр яфрагы, ике канәфер, 10 данә борчаклы кара борыч салырга.
3.    Помидорларның сабак ягыннан шырпы белән тишеп чыгарга (бер тишек җитә).
4.    Помидорларны банкаларга тутырабыз да, өстенә яңа гына кайнап чыккан су салабыз, өстенә капкач каплап, 15 минутка калдырабыз.
Рассол:

  • 1,5 литр салкын су;
  • 1 аш кашыгы тоз;
  • 6 аш кашыгы шикәр комы;
  • 4 аш кашыгы томат пастасы.
  • Болгатабыз, кайнатып чыгарабыз, сүрән утта 5 минут кайнатабыз. 

Помидорлар өстенә салып чыгабыз.
Чиста капкачлар белән каплап, йөзтүбән әйләндереп куярга, банкалар суынганчы өсләрен җылы әйбер белән каплап торырга.» 
Тәмле булсын, кыш көне ашап куанырга язсын!                                                                                                                                                                                                                                                                                                                                                                                                                                                                                 

Следите за самым важным и интересным в Telegram-каналеТатмедиа

Комментарий юк

Хәзер укыйлар