Әни шәхси тормышын төзи, мин җәфаланам


Әни белән генә үстем. Әти миңа 10 яшь булганда бездән китте. Әни әтигә минем белән аралашырга рөхсәт бирмәде. 16 яшемдә әтине эзләп табып, аның белән якынаерга тырыштым. Гаиләдән китү сәбәбен аңларга теләдем. Ул бар гаепне әнигә ташлады. Ничек кенә тырышсак та, җылы мөнәсәбәтләр кора алмадык. Аның башка гаиләдә балалары бар иде. Мин үземне ким итеп хис иттем. Әтинең мәхәббәте икенче гаиләдәге балаларына зуррак кебек тоелды. Аннан соң һаман әнине гаепләве дә ошамады.Әйе, әнинең холкы шикәр түгел, әмма аңа сүз дә әйттерәсем килмәде. Ул бит мине тәрбияләп үстерде!


Туема әтине чакырмадым. Минем гаилә тормышы башланды. Улыбыз тугач, ярдәм итәргә дип, әни безгә килә башлады. Әмма ул оныгын гына түгел, ирем белән мине дә тәрбияләргә тотынды. Куна кала башлады. Ул шундый каты булышты ки, ирем белән аерылыштым...


Улым белән әни янына күчендем. Миңа бала үстерергә кирәк иде. Әни белән сөйләштек тә ул эшеннән чыкты, мин ике эшкә урнаштым. Улыма өч яшь тулгач та, әни аны балалар бакчасына бирүемә каршы килде. «Баланы үзем тәрбиялим», – диде. Һәм чынлап та миннән яхшырак карады. Төрле түгәрәкләргә йөртте, оныгы белән һаман паркларга йөрде. Барысы да идеаль кебек иде. Әмма көннәрдән беркөнне әни тиздән Сочига ял итәргә китәчәге турында әйтте. Баксаң, социаль челтәрләрдә бер ир белән танышкан. Берничә тапкыр паркта әни оныгы белән һава сулап йөргән чакта очрашканнар. Ул аны ял итәргә чакырган. «Ә бала белән кем утырачак соң?» – дигән соравыма, аның җавабы кыска булды: «Йә няна ялла, йә балалар бакчасына бир. Минем дә шәхси тормышым булырга тиеш. Сезгә генә хезмәт итеп яшәргә тиеш түгелмен!»


Күпме генә сөйләшеп карарга тырышсам да, ул кызлар кебек башын югалткан иде, берничә тапкыр күрешкән кеше белән диңгезгә китте дә барды. Миңа үз хисабыма ял алып, баланы тиз арада бакчага урнаштырырга туры килде. Ел уртасында кем безгә муниципаль балалар бакчасында урын бирсен, шәхси учреждениегә бирергә туры килде. Ә бу өстәмә 25 мең сум чыгым дигән сүз!


Ун көн үтүгә әни кайтып төште. Күрүгә үк аның күктән төшкәнен аңладым. Ул ир әни күз аллаганча, яхшы кеше булмаган икән. Әни гафу үтенде, безне ташлап киткәненә үкенүен әйтте. Бар да элекке хәлгә кайтты. Әмма баланы бакчадан алмадык. Дөрес, ул бик еш авырды. Әни булгач, миңа эштән калырга туры килмәде.
 Ярты елдан әни кабат шәхси тормышы турында сөйли башлады. Ул социаль челтәрләрдә танышып, әле бер, әле икенче ир белән очрашуга барды. Бу очрашу бик еш кына баланы бакчадан аласы вакытка туры килде. Миңа кайбер чакны эштән иртәрәк китәргә туры килде. Эш белән бакча арасында чабып йөрдем. Хәтта бер юлы ул оныгын алырга оныткан. Миңа: «Сез балагызны бүген бакчадан аласызмы?» – дип шалтыраткач, оятымнан җир тишегенә кереп китә яздым. Чираттагы «ухажер»ы очрашуга чакырган да, әни вакытны онытып җибәргән. Әни кабат гафулар үтенде.

Әмма мондый очрашулар бик еш кабатлана. Аңлыйм, аңа шәхси тормыш төзергә кирәктер. Әмма бала бар бит. Минем дә эштән соң өйгә чабып кайтасы урынга, бераз күңел ачасым килә. Мин бит күпкә яшьрәк. Әни шәхси тормышын уйлаудан кайчан туктар микән дип көтәм хәзер. Бәлки, бер туктар әле. Оныгы белән баласы тормыш кыйммәтләре исемлегендә беренче урында булыр, шәт.

                                                                                                                                                                                                                  Эльвира.

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (8)
Cимвол калды:
  • 12 гыйнвар 2023 - 18:55
    Без имени
    Баланы кем эчен таптын сон?
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
  • 17 март 2022 - 19:13
    Без имени
    Сезнеңчә, бар проблемаларыгызда әниегез генә гаепле. Ирдән аерылганга ул гаепле. Үз башыгыз юкмени? Сез бала карамаганга да ул гаепле.
  • 16 март 2022 - 10:54
    Без имени
    Баштан ук шәхси тормышыгызга әниегезне артыграк кысылдыргансыз шул.һәркем үз урынын белсә генә бу дөнья көйле бара.
  • 20 сентябрь 2021 - 22:01
    Без имени
    Бу йортта бала кайгысы юк: әбисе дә, әнисе дә үз тормышларын көйләүне хуп күрәләр. Анасына карап, кызын коч, дип юкка әйтмиләр...
  • 20 сентябрь 2021 - 21:43
    Без имени
    Уз балагызны узегез карагыз,без дэ мэтэлэ-кадала чаптык эшкэ дэ,садикка да,аерым яшэгкз эниегездэ,ул вакытта салынырга кешегез булмас.Эниегез бн ял вакытында гына очрашыгыз,кадерлерэк булыр
  • 20 сентябрь 2021 - 21:36
    Без имени
    Ул баланы ния таптыгыз хун? Аниегез осенме? Ярзам иткэненэ шокэр итеп ултырыгыз, хеззен тоже гулять итке килэ, аниегеззен тоже...в итоге бала страдать итэ бит
Хәзер укыйлар
  • «Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
    14944
    1
    84
  • «Төшләремдә  ак күлмәктән син...» – «Шевроле круз» машинасында йөри торган малаегыз бармы? – дип сорыйлар Иршат абыйдан. – Әйе. – Авария булган, килегез... Өс-башларына нәрсә туры килә, шуны киеп, кайнанасы Галиябану апага берни әйтмичә өйдән атылып чыгып китәләр...
    11269
    1
    61
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    5526
    3
    48
  • Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
    5038
    3
    41
Реклама
Соңгы комментарийлар
  • 31 гыйнвар 2023 - 16:29
    Без имени
    Дөрес эшләгәннәр, дип язучыга җавап бирәсе килә. Аларны яратмаган кешегә өйләнергә, кияүгә чыгарга кем мәҗбүр иткән? Яратмыйча яшәгәч, нигә шул гомер яшәгәннәр? Нигә баштарак аерылмаганнар? Бу очракта азгынлык бу! Әгәр алар бер-берсе бн очрашканчы мәхәббәтсез яшәү авыр, дип аерылган булсалар, аңлап булыр иде. Ә бу очракта хыянәт бу! Димәк, азгынлык!
     «Мин аны  сыйныфташлар очрашуыннан алып кайттым...» 
  • 31 гыйнвар 2023 - 13:57
    Без имени
    Хыянэт итмэгэн ирлэр бар микэн ул? Мин иремэ шулай дип эйткэч, э ирлэр кемнэр белэн хыянэт итэ сон хатыннарына,хатын-кыз белэн тугелме диде. Монда ирлэрне генэ дэ гаеплэп булмыйдыр, муеннарына асылынгач, постельгэ сойрэп яткыргач, нишлэсен инде алар? Ир-ат табигатьтэ нэсел калдыручы, самец бит инде ул. Э хатын-кыз тотнаклырак булса, хыянэтлэр дэ булмас иде. Уз ирлэре белэн яши алмаган, азып-тузып йоруче хатын-кызлар( хатын-кыз димэсэн, хэтерлэре калыр) этэрэ ир-атларны хыянэткэ. Ойлэнгэн ир икэнен белэ торып, анын белэн очрашып йору бернинди кысаларга да сыймый.
    «Йөремсәк» хатын
  • 31 гыйнвар 2023 - 18:16
    Без имени
    Аллаһ Тәгалә сынауларның ин олысын биргэн,димэк ин яраткан колларыннандыр...Куркэм сабырлык белэн уткэреп жибэрергэ насыйп булсын.Мэрхэмэтле,шэфкатьле иманлы кеше тап итсен.Ялгызлыкка караганда,янэшэндэ яхшы кеше торса,авырлыкны жинэргэ жинелрэк булыр.Балаларның уз юлы. Аллаһ хэерле юлын узе курсэтер ин ша Аллаһ.
    Киләбез дә китеп югалабыз...
  • 30 гыйнвар 2023 - 20:45
    Без имени
    Мин дэ сезнен кебек исерек ирне 18 ел тузеп яшэдем. Хэзер исемэ тошкэн саен, жулэр булганмын дип уйлыйм. Аерылышканыбызга елдан артык, хаман эчэ, эчендэ чыкмаган жаны гына калган инде. Кеше ни эйтер дип тузэбез шул, узебезне уйламыйбыз. Эгэр бер фикергэ килэ алмасагыз, психолог белэн кинэшегез. Мина ярдэме тиде. Игътибарыгыз очен рэхмэт.
    Эчкече иргә сабыр итәргәме?
  • 30 гыйнвар 2023 - 17:52
    Без имени
    Бэхетегезгэ куз тимэсен, матурларым.
    Икесе — бербөтен (видео)
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр