Әни белән нишләргә?

Нәтиҗәне баштан ук чыгарып куям: үзегез эшләгән акчага тапкан мал гына чын-чынлап сезнеке була ала икән, башкага өмет итмәскә... 
20 яшемә әни миңа фатир бүләк иткән иде. Озак кына вакыт мин анда үзем генә яшәдем. Әнием апамнар белән бергә яшәде, чөнки аңа кечкенә балаларын карарга булышырга кирәк иде. Оныклар үсеп җитте, дәү әни белән җитәкләшеп мәктәпкә, балалар бакчасына йөргән вакытлар узды. Апамның балаларына дәү әни игътибары, киресенчә, комачаулый гына башлады. Әлбәттә, әниебезнең аерым яшәр җире – үз өе дә бар. Әмма ул ялгыз тормышны кичерә алмый, үзе генә яшәргә ияләнмәгән иде. Шуңа күрә ул миңа күчеп киләсе итте.


Ә мин әле япь-яшь хатын-кыз. Театр-концертларга да барасым, дус-кызларым белән очрашып каһвә эчеп утырасым да килә. Аннан соң, шәхси тормышны да кайгыртыр вакыт. Тик менә утызга җиткәндә мин яңадан әни канаты астында калдым. Ә бу яшьтә инде әни таләпләрен кабул итәсе, ай-һай, авырга туры килә икән ул!
Башта әни миңа кунакка гына килде. Икебез дә бер-беребезне бик сагынган идек. Сөйләштек, серләштек, бергәләп кибетләргә чыктык, әнигә яңа киемнәр сатып алдык.  Инде җиденче ай китте, әни әле һаман миндә кунакта... Ике атна элек кенә ул минем белән яшәү бик уңайлы булуын, үз өенә китеп ялгыз гына яшәргә теләмәвен әйтте. Әни фатирда мебельләрнең урынын үзе теләгәнчә алыштырып куйды, кичә әнә үзе сайлаган тәрәз пәрдәләрен алып кайтып элгән. Эштән кайтып ашарга әзерли башласам да ачулана, «мин өйдә бит, нишләп мин әзерләгәнне генә ашамыйсың?» – дип үпкәсен белдерә. Көнкүрештәге мәсьәләләр буенча әнинең үпкәләре шактый инде. Мин аның күңелен рәнҗетмәскә тырышам, олы кеше бит, дим. Әмма, аңлыйсызмы икән, әни килгәннән бирле  шәхси тормышыма бөтенләй урын калмады. 
Дус кызыма чәйгә барган идем. Сөйләшеп, зарланышып, көлешеп утырдык. Ә өйгә кайткач, әни миңа озаклап, хатын-кыз организмына чәйнең ничек начар тәэсир итүе турында озы-ы-ын лекция укыды.  Менә шулай итеп, дус кызыма чәй эчәргә барганга гаепле булып калдым инде. 
Бервакыт эштәге кызлар белән зурлап бәйрәм иттек. Без таралышканда төнге өч тулып килә иде инде. Кайтсам, әни йокламыйча аш бүлмәсендә утыра. Үзе генә йокларга ята алмый икән, эче поша, ди. Мин иртәрәк кайткан булсам, күптән йоклыйсы булган да бит... Ә икенче көнне йокысы туймаганга башы авыртудан зарланып, иртәдән кичкәчә уф-пуф итеп йөрде.  
Миңа бүләк ителгән чәчәк букетларыннан әнидә аллергия башлануын, мине каядыр чакырганнарын алдан белсә, ул көнне иртәдән авыруга сабышуларын язып тору кирәкме икән инде?!


Түзмәдем, беркөнне тәмле чәй өстәле әзерләдем дә, әнигә хәлемне аңлаттым. Икебезгә дә үзгәрергә кирәк, дидем. Һәм беләсезме ни булды? Әни миңа үпкәләде. Гомере буе апа белән мине караганын, бар булганын безгә биргәнен, безнең аркада үзен бер тамчы да кайгыртмавын, инде беркемгә дә кирәкмәвен бәйнә-бәйнә сөйләп елады да елады. Олы кешегә ялгыз яшәү куркыныч икәнен дә әйтергә онытмады, апамның ире, балалары бар, ә аның мине ялгызы гына калдырасы килми икән... (Тормыш болай дәвам итсә, ялгыз каласым көн кебек ачык инде!)
Юридик яктан караганда, мин үз өемдә, һәм нәрсә теләсәм шуны эшли алам. Ә чынлыкта мин бернәрсә дә эшли алмыйм! Фатирны миңа әни бүләк итте һәм аңа акча табар өчен бар тырышлыгын куеп эшләде. Мин аның өчен үземне әнигә бурычлы саныйм. Әниемне үзен генә калдырырга ярамаганын да яхшы аңлыйм! Әмма бу яшемдә  гаепле кыз булып әни кочагында утырасым да килми инде. 
Әни белән ничек аңлашырга? Чыннан да гаеплеме соң мин?

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (2)
Cимвол калды:
  • 29 ноябрь 2020 - 18:24
    Без имени
    Эе. Мин уземдэ почти шул хэлдэ. Квартираны узебез телэгэнч э узгэрттек. Мин энинен7 дэн 1 исэн калган баласы. Ин олосо. Энинен хэтере узен тотошо узгэргэч энигэ кайтып анда яшэргэ булдык. Хэсрэт бетергэндер. Эти б, ндэ 25ел тороп калдылар. 6 Ир баланы югалту да зур кайгы. Хэзер иялешэбез инде. Дэшмичэ торсан утэ. Алар узлэренчэ барында эшлисе килэ. Чирлим дип эйтсэ давлениесн тикшереп температурсн тикшерэ башласам авыртмый инде ди. Берэр жиргэ бара башласак какая китэсез озаккамы ди. Уземгнэ чыгып китсэм звонить итэ. Кая йорисен дип.сораулар Ява. Эйтерсен усмер чак. Гаилэ дуслары на барсак мин каламмы ди. Беренче айларны авыр булды. Акылларыда узгэрэ. Яшедэ оло 80.ихтибарны узлэренчэ жылы караш хормэтне нык телилэр. Хэтеремдэ югала. Начарлык эшлэсэдэ мин тугел ди.
  • 27 ноябрь 2020 - 14:17
    Без имени
    Эниегез артык иркэлэнэ, эгоистка дип уйлыйм.
Хәзер укыйлар
  • «Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
    14943
    1
    84
  • «Төшләремдә  ак күлмәктән син...» – «Шевроле круз» машинасында йөри торган малаегыз бармы? – дип сорыйлар Иршат абыйдан. – Әйе. – Авария булган, килегез... Өс-башларына нәрсә туры килә, шуны киеп, кайнанасы Галиябану апага берни әйтмичә өйдән атылып чыгып китәләр...
    11267
    1
    61
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    5525
    3
    48
  • Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
    5036
    3
    41
Реклама
Соңгы комментарийлар
  • 31 гыйнвар 2023 - 16:29
    Без имени
    Дөрес эшләгәннәр, дип язучыга җавап бирәсе килә. Аларны яратмаган кешегә өйләнергә, кияүгә чыгарга кем мәҗбүр иткән? Яратмыйча яшәгәч, нигә шул гомер яшәгәннәр? Нигә баштарак аерылмаганнар? Бу очракта азгынлык бу! Әгәр алар бер-берсе бн очрашканчы мәхәббәтсез яшәү авыр, дип аерылган булсалар, аңлап булыр иде. Ә бу очракта хыянәт бу! Димәк, азгынлык!
     «Мин аны  сыйныфташлар очрашуыннан алып кайттым...» 
  • 31 гыйнвар 2023 - 13:57
    Без имени
    Хыянэт итмэгэн ирлэр бар микэн ул? Мин иремэ шулай дип эйткэч, э ирлэр кемнэр белэн хыянэт итэ сон хатыннарына,хатын-кыз белэн тугелме диде. Монда ирлэрне генэ дэ гаеплэп булмыйдыр, муеннарына асылынгач, постельгэ сойрэп яткыргач, нишлэсен инде алар? Ир-ат табигатьтэ нэсел калдыручы, самец бит инде ул. Э хатын-кыз тотнаклырак булса, хыянэтлэр дэ булмас иде. Уз ирлэре белэн яши алмаган, азып-тузып йоруче хатын-кызлар( хатын-кыз димэсэн, хэтерлэре калыр) этэрэ ир-атларны хыянэткэ. Ойлэнгэн ир икэнен белэ торып, анын белэн очрашып йору бернинди кысаларга да сыймый.
    «Йөремсәк» хатын
  • 31 гыйнвар 2023 - 18:16
    Без имени
    Аллаһ Тәгалә сынауларның ин олысын биргэн,димэк ин яраткан колларыннандыр...Куркэм сабырлык белэн уткэреп жибэрергэ насыйп булсын.Мэрхэмэтле,шэфкатьле иманлы кеше тап итсен.Ялгызлыкка караганда,янэшэндэ яхшы кеше торса,авырлыкны жинэргэ жинелрэк булыр.Балаларның уз юлы. Аллаһ хэерле юлын узе курсэтер ин ша Аллаһ.
    Киләбез дә китеп югалабыз...
  • 30 гыйнвар 2023 - 20:45
    Без имени
    Мин дэ сезнен кебек исерек ирне 18 ел тузеп яшэдем. Хэзер исемэ тошкэн саен, жулэр булганмын дип уйлыйм. Аерылышканыбызга елдан артык, хаман эчэ, эчендэ чыкмаган жаны гына калган инде. Кеше ни эйтер дип тузэбез шул, узебезне уйламыйбыз. Эгэр бер фикергэ килэ алмасагыз, психолог белэн кинэшегез. Мина ярдэме тиде. Игътибарыгыз очен рэхмэт.
    Эчкече иргә сабыр итәргәме?
  • 30 гыйнвар 2023 - 17:52
    Без имени
    Бэхетегезгэ куз тимэсен, матурларым.
    Икесе — бербөтен (видео)
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр