Кызларым каршы булса да, кияүгә чыгаргамы?

Күңелнең мөлдерәмә тулган чагы... Түгеләм-түгеләм дип кенә торам. Соңгы вакытта берәрсе эштә ялгыш карап куйса да, кычкырып елап җибәрүдән, бөтен кеше алдында көлке хәлдә калудан куркам. Мин аларның берсенә дә нинди утлар эчендә янганымны сөйли алмыйм бит. Сөйләргә теләмим дә. Чөнки беләм, мине аңлаучысы аз булачак. Синең бәхетсезлегең кешеләргә, нигәдер, шатлык кына китерә бит, шуңа күрә аларның берсен дә сөендерергә теләмим. Ә монда сезгә язып, күңелдәген бушатып була. Берегез дә мине танымаячак. Минем кебек хатыннар адым саен бит алар. Мондый проблема белән очрашканы да шәт аз түгелдер. 
Ирем юл фаҗигасенә очрап вафат булганда миңа 35 яшь тә тулмаган иде әле. Хатын-кызның иң матур чагыдыр бу, тулышып пешкән чагы... Иремә сыенып, иркәләнеп кенә яшисе вакытта ялгыз калдым шул. Нишләтәсең, язмышка үпкәләп булмый – шулай язган булган. Кулымда ике бала. Никадәр генә авыр булса да, аларны үстерергә, укытырга, кеше итәргә кирәк иде. Беркайдан ярдәм көтмичә, берәүгә дә зарланмыйча тормыш итәргә тырыштым. Иремнең җеназасы вакытында ук үз-үземә сүз бирдем: кызларны аякка бастырып бетермичә, бер ир-атка да күз салмаячакмын. Әтиләре аларны бик ярата иде, аны алыштырыр кешене бик теләсәм дә таба алмаячакмын. 
Яшермим, күз төшергән кешеләр булгалады. Кемнәрдер белән таныштырырга да тырыштылар. Барысына да «юк» дип кенә җавап бирдем: «Минем балаларым бар. Аларны үстерергә кирәк», – дидем. Берсендә хәтта кайнанам каршысына утыртып сөйләште. «Кызым, сораучы барында чык кияүгә, – диде ул миңа. – Улымны инде кайтарып булмый. Ә сиңа яшәргә кирәк. Балалар дип торма, алар бик тиз үсәләр дә, яныңнан китеп баралар. Менә ул чакта бөтенләй үзең генә каласың, әйтте диярсең, кыен булачак», – диде. Мин аның бу сүзләренә бик озак үпкәләп тә йөрдем әле. Ничек шулай әйтә ала инде ул, дип. Бик акыллы, зирәк хатын иде шул ул. Мондый сүзләрне миңа әйтү аңа да рәхәт булмагандыр, әмма мине бәхетле итәсе килгән, күрәсең. Хәзер аны менә бик аңлыйм да... Терсәк якын да, тешләп кенә булмый шул. 
Без Фәрит белән (әйдә, исемен шулай дип языйм әле сезнең өчен) юлда таныштык. Ялга авылга кайткан идем, кире киткәндә «попутка»га гына чыктым. Салкын җилле көн иде ул, үземне туктап утыртучыны бик озак көтәргә туры килде. Өс-башымда да юка иде – шактый туңдым. Аннары яныма Фәрит туктады... 
Мин аны бер күрүгә охшаттым бугай. Хәер, соңыннан ул да шулай диде... Бик туңган булуымны күреп, шунда ук арткы утыргычтан алып иңемә плед япты.  Үзе белән термоста кайнар чәе бар икән – шуны салып бирде. И-и, ул чәйнең тәмлелеге... Эчемә, ниһаять, җылы керде. Тәнемә генә түгел бугай, җаныма да. Үзеңне кайгыртуларын тою шулкадәр дә рәхәт икән бит. Фәрит әллә ничә тапкыр: «Йә, ничек, җылындыгызмы?» – дип сорады. «Утырганда кулыгыз боз кебек иде», – дип үрелеп кулымны да тотып карады. Сумкамны багажникка урнаштырган иде – шунда кагылган булган, ахрысы, анысын сизмәдем. Ә монысы... Ул кулыма кагылуга бөтен тәнем аша ток узгандай булды. Үзем белән мондый хәл кайчандыр булганын хәтерләмим дә... Минем үзгәреп китүемне күреп, ул ошатмады дип уйлады бугай, «гафу итегез», дип, ашыгып кулын кире алды. 
Аның белән сөйләшү шундый рәхәт иде. Казанга килеп җиткәнче, өч сәгать эчендә без нәрсә хакында гына сөйләшмәдек. Мин үземнең тол икәнемне әйттем. Ул – аерылган булуын. Ун ел элек хатыны беренче мәхәббәтен очраткан да, аның янына китеп барган икән. «Бик авыр кичердем. Дөньяда яшисем килмәде. Әнине хәсрәткә салам дип кенә үз-үземә кул салудан тукталдым», – дип сөйләде. «Яшермим, бер көнлекләр булмады түгел, булды. Әмма берәү белән дә озаклап аралашмадым», – диде.
Фәрит мине өемә кадәр кайтарып куйды. Сузган акчамны да алмады. 
Ә икенче көнне көтмәгәндә фатир ишеген шакыды. Сүз арасында кайсы этажда торуымны әйткән булганмын икән – ул хәтерләп калган. Шаккаттым! Чәчәкләр алып килгән. Ир-ат чәчәк бүләк итмәгәнгә мең ел иде инде! Ваннада краннан су тама иде – кул юарга кергән җирдән үк шуны төзәтеп чыкты. Рәхәт булып китте. Аны хәтта аңлата да алмыйм. 
Без танышканга инде ярты ел була. Фәрит: «Никах укытыйк, бергә тора башлыйк», – ди. Ул мине үзе янына күчеп килер дип көтә – үз йорты белән яши.  Моны мин дә бик телим. 
Икегез дә теләгәч, кавышыгыз соң, дисезме? Их, дөнья без теләгәнчә генә барса икән?! 
Минем Фәрит белән очрашуыма кызлар башта ук каршы булдылар. Бигрәк тә кечесе. Авызымны да ачтырмый: «Әни, сиңа бу яшьтә нигә кирәк ир?» – ди. Кияүләр дә бу хакта белә, алар, билгеле, кысылмый. Ләкин кечесенең ире, үзем генә булганда: «Лилиянең сүзенә карамагыз, ничек телисез, шулай эшләгез», – диде. 
Яшьләргә илледән узгач дөнья бетә кебек тоела, күрәсең. Ир-ат та кирәкми, ярату да. Аларның мәшәкате белән генә яшә. Кечкенәсе шулай ди дә: «Менә ике айдан бала табам, буш вакытың бик күп булса, миңа бала карашырсың», – ди. 
Ничек бу кадәр эгоист балалар тәрбияләдем икән дип, үз-үземә шаккатам. Үпкәлисем дә килә  хәтта аларга. Ничекләр азапланып үстергәнемне күреп тордылар бит. 
Фәриттән дә яхшы түгел. Дөрес, ул: «Барысын да аңлыйм, син аларга игътибар итмә, соңыннан алар барыбер килешәчәк моның белән», – ди. Минем аны бер дә югалтасым килми. Бу яшьтә дә ярату була икән ул. Тик кызларым белән дә араны бозасым килми бит. Аларсыз бәхетнең бер чите, ни дисәң дә, китек булачак. 
Кичә олы оныкның туган көне иде. Кызыма: «Без котларга Фәрит абыең белән икәү киләбез», – дидем. Ә ул: «Алай булгач, бөтенләй килеп йөрмә!» – дип, трубканы ташлады. 
Кич буе елап чыктым. 
Фәрит әллә ничә тапкыр шалтыратты, алмадым. 
Нишләргә икән миңа? Минем хәлдә калган кешеләр булдымы икән? Балалары соңыннан килештеме бу хәл белән, яңа ирләрен кабул иттеләрме икән? Бик тә киңәшләрегезне көтәм.
Гөлназ (үз исемемне дә үзгәртеп язам). 
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (27)
Cимвол калды:
  • 25 май 2022 - 22:40
    Без имени
    Сез гел балалар дип яшәгәнсез, инде үзегез өчен яшәргә вакыт. Аларның үз тормышы, вакыт узгач алар сезне аңлар дип ышанасы килә.
  • 22 май 2022 - 19:00
    Без имени
    Ике дэ уйламагыз, Сез дэ бэхетле булырга хаклы. Карап устереп урнаштыргансыз, булган. Сайлаган кешегез яхшы булсын.
  • 22 май 2022 - 16:37
    Без имени
    5 оланын булганчы 1 усырак ирен булсын дилэр картлык турында уйлагыз да сезне анлыйм мин ерэгегезне тонлагыз
  • 22 май 2022 - 10:16
    Без имени
    Ирегезнен урыны ожмахта булсын🙏🏻 Ана тугрылык саклап, ярты гомер яшэгэнсез, сынар канат белэн балалар устереп, аларны олы тормыш юлына бастыргансыз, инде узегез очен яши башлар вакыт, ханым! Бэхетле, яратулы картлык насыйп булсын Сезгэ, чын кунелемнэн телим🙏🏻 Олыгайган конегездэ ялгыз калмавыгызга ирегезнен рухы да шат булыр дип уйлыйм! Бэхетегезне кулдан ычкындырмагыз!
  • 21 май 2022 - 08:38
    Без имени
    Бәхетегеҙҙе ебәрмәге ҙ, ҡыҙығыҙ күнер, аңлар һуңлап булһала
  • 20 май 2022 - 19:55
    Без имени
    Эгоистка устергэнсез, чынлап та. Ике дэ уйламагыз. Яхшы кешелэр сирэк хэзер, Аллага тапшырыгыз. Беркемне тынламагыз, тулке уз йорэгегезне тынлагыз. Бэхетле булырга беркайчан да сон тугел. Бэхетле булыгыз!
  • 20 май 2022 - 17:55
    Без имени
    Оч Кон гомерен калса да, сонгы коненне никахта уткэр,сойлэмэ серлэренне, балалар тарафыннан хормэт юк, они эгоисты, жил янгыр тидерми устергэнсез бит инде, Каждая женщина рожает детей для себя, пусть сами и воспитывают . Бэхеттэ шатлыкта муллыкта яшэргэ язсын🤲🤲🤲🤲🤲
  • 13 февраль 2022 - 12:43
    Без имени
    Балалары усэтешкэч сезнен аларга кирэгегез калмый,ул вакытта сын булыр
  • 13 февраль 2022 - 11:49
    Без имени
    Ялгыз яшэмэгез, кызларга бала карашырга нянька кирэк, ул сезнен тормышыгыз, гомер булган хэтле узен очендэ яшэп калырга кирэк.
  • 13 февраль 2022 - 11:30
    Без имени
    Һеҙҙә үҙегеҙ өсөн йәшәргә хаҡлыһығыҙ.Балаларҙы тәрбиәләп ,көтөп үҫтергәнһегеғҙ .Үҙегеҙ өсөндә йәшәргә кәрәк .Йәш ,шәп саҡта зәрә яңғыҙлыҡ беленмәйҙерҙә ,балалар тип йәшәйһең .Оло көндә ауыр яңғыҙлыҡ.Тормошҡа сығып күсһәгеҙҙә ,торлағығыҙҙы бикләап ,йә кеше индереп тороғоҙ .Балаларығыҙға аҡса кәрәк тип ,кеше донъяһына ышанып һатып ҡуймағыҙ. Тормош хәлен белеп булмай .Бәхетле , парлы булыуығыҙҙы теләйем .
  • 12 февраль 2022 - 09:43
    Без имени
    🙏🙏🙏
  • 12 февраль 2022 - 08:23
    Без имени
    Елап ятасы тугел инде, Э каты итеп эйтэсе. Сезне устердем, какмадым, сукмадым. Ойдэ ир кеше балмад. Хэзер сезнен уз семьягыз. Миндэ уземэ тин кеше тапты. Минем яшькэ житкэч анларсыз диясе. И никах укытырга. Килешерлэр эле.
  • 11 февраль 2022 - 14:00
    Без имени
    Бәхетегезне кире какмагыз. Яраткан кешегез белән никах укытып,бәхетле булыгыз. Ирегез әйбәт булса,кызларыгыз аңлар.Алар арасында аңлатып бирүчеләр дә булыр. Гадәттә шулай була бит
  • 11 февраль 2022 - 09:17
    Без имени
    Минем таныш хатыным да кызы аркасында кияуга чыкмады. Кыз имеш риза тугел, хэзэр мине тынламаскае ди. Уйламагыз да никах эшлегез. Балаларнын уз тормошлары. Тапкан баланы узлере карасыннар.
  • 10 февраль 2022 - 19:29
    Без имени
    Әлбәттә,балаларыгыз сезнең бәхетле булганыгызны күргәч,ирегезне кабул итәчәкләр.Балаларыгыз эгоист.Бәхетегездән качмагыз,үкенерсез.Бергә булыгыз!
  • 26 гыйнвар 2022 - 12:46
    Без имени
    Сез балалар кеше булсын дип яшэгэн очен алар шундый эгоистлар. Нишлэптер эчеп йоручелэрнен эти-энисе кадерле була, алар узлэре турында уйлыйлар. Ризалашыгыз, тик узегезнен кайтып керергэ урыныгыз булсын.
  • 25 гыйнвар 2022 - 12:56
    Без имени
    Кызлар алар эгоистрак була,аларны тынламагыз,кунелгэ ошаган кеше булса тэвэкэллэгез.Мин иремнэн 55яшемдэ тол калдым.Улым каршы тугел иде,ошаткан кешен булса риза диде.Кешесе очрамады.Хэзер инде ялгыз яшэргэ иялэндем,яшем дэ 65кэ житэ.Барыбер ялгызлык бик авыр.
  • 25 гыйнвар 2022 - 12:18
    Без имени
    Конечно балаларына хезмэтче кирэк бит,(балаларга)бар диптэ белми алар Сина ничек авыр ялгызлык,хэркемнен уз томышы,йомышлары булса эндэшэ,булса юк,алар сонынан барыбер килешэ,бкрнидэ эшлэмилэр,
  • 24 гыйнвар 2022 - 20:35
    Без имени
    Без сонгы поколение эти- энине дэ,балаларны да рэнжетудэн куркучылар. Балалар хэзер эгоистлар аларны тынларга тугел,узенэ ничек унайлы ,ничек рэхэт шулай яшэргэ вакыт житкэн. Хэзер бары тик узегез турында гына уйлагыз.
  • 24 гыйнвар 2022 - 18:19
    Без имени
    Хичшиксез кияуга чыгыгыз. Кызларыгызнын уз тормышы. Балаларыгыз эгоистлар.
  • 24 гыйнвар 2022 - 13:46
    Без имени
    Бэхетле булырга сезнен хакыгыз бар. Тигезлек белэн, донья авырлыгын бергэ кутэрерлек ир белэн камил никахта матур парлар булып, башка иллэрдэ, дингезлэрдэ ял итеп, рэхэт куреп яшэгез. Тормышта балаларнын уз урыны, ирнен уз урыны. Алар берсен берсе алмаштыра алмый. Сез балалар боерыгын утэргэ тиешмени? Балалар очен яшэгэнсез, хэзер узегез очен яшэгез. Кызлар уз гаилэлэре белэн мостэкыйль яшилэр. Кызларыгыз хэзер анламаса соныннан, вакыт житкэч анлар. Донья кыйнап анлата ул. Тэвэккэллэгез. Елап жебеп утырыр вакыт тугел. Узегезгэ бэхетле булырга узегез рохсэт итегез. Кукэй эчендэге сары кебек яшэгэн, донья курмэгэн балалар сузе белэн узегезгэ картлыкта терэк булырлык кешене узегез дэ какмагыз, балалардан да кактырмагыз. Ир кадерен белеп, узегез дэ кадерле булып яшэгез!
  • 24 гыйнвар 2022 - 11:04
    Без имени
    Балалар сүзенә карап, ялгыз калырга ярамый. Алар үзләре сезгә ялгыз калма, әни, дип әйтергә тиеш. Аларның үз тормышы, сезнең үз тормышыгыз булырга тиеш. Бәхетегездән баш тартмагыз.
  • 24 гыйнвар 2022 - 10:28
    Без имени
    Чыгыгыз кияугэ. Ничек кызларыгыз шулай эйтэ ала, ан,ламыйм.
  • 24 гыйнвар 2022 - 09:59
    Без имени
    Эйе, балалар бер дэ дорес эшлэмилэр, акыллы ир булса, яратсан, бер нигэ дэ карамыйча кушылыгыз. Килешерлэр тора-бара, минем бер танышым 70яшендэ чыкты бер бабайка, бик матур, тату яшилэр, соенеп бетэлми, балалары да йорешэлэр, ризалаштылар.
  • 24 гыйнвар 2022 - 09:24
    Без имени
    Балалар диеп ялгыз калмагыз. Анларлар сонрак. Берние дэ юк, озгэлэнмэгез,. Яхшы кеше очраган икэн кушылыгыз. Стенага карап ялгыз чэй эчунен авырлыгын сездэн башка беркем анламаячак. Эле гомернен купме калганын кем белэ. Сокердэшеп Фэритегез белэн бергэ уткэрегез. Балалар алар анлар, узлэре эни булып, авырлык курэ башласыннар эле. Сез барысын да эшлэп тору алар очен бик унай конечно. Узегезне терелэй куммэгез
  • 24 гыйнвар 2022 - 09:14
    Без имени
    Балаларыгызны уз тормышларына бастыргансыз бит инде. Алар сезгэ каршы булырга ничек ? Конечно, вакыт кирэк, риза булачаклар. Яхшы кеше очраткансыз икэн, бэхетле булыгыз!
  • 24 гыйнвар 2022 - 07:35
    Без имени
    Балалар чынлап эгоист, алар сузенэ карап ялгыз калсагыз, картайгач алар сезнен белэн янэшэ булыр дисезме? Юк. Хэзер дэн ук сезне шэхес итеп карамый лар. Бер танышым авырый,, предваряется,, дилэр балалары. Э диагнозы, церроз, диабетикенче дэрэжэ. Узе сап-Сары.
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    7516
    2
    51
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4374
    0
    34
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2268
    0
    33
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    3134
    1
    31
  • Бергә булырга язмаган безгә... Хәзер аңлыйм: мин бик тырыш, яхшы укучы бала булганмын. Һәм шуның өстенә соң өлгергәнмен. Мәктәптә кайберәүләр бишенче класстан ук егетләр белән аралашып, егет сөйгәнгә исләрем китеп карый идем. Артык хисләнеп тормыйча гына дөньяны җигелеп тартучы әти-әни үрнәге дә шул булгандыр. Алар артык мәхәббәт маҗараларыннан башка гына, димләп өйләнешкән кешеләр иде. Егет сөю бер оят эш төсле тоелган миңа.
    2571
    0
    16
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда