Кияүләрне нишләтергә?

Кияүләрне нишләтергә?
Җәй көне атна азагы җиткәнен калтыранып көтеп тора күршедә яшәүче Нуриҗиһан әби. Кияүләр кайта... Ике кияве берсеннән-берсе яхшы дип мактаныр иде, яхшылыкның теге ягы да була икән. «Кешегә сөйли торганмыни, зарлансаң, шул көнне үк авылда көтү кайтуга «рәхәтенә чыдый алмый» дигән атың чыгасын көт тә тор», – дип, миңа шыпырт кына зарланып ала. Рәхәткә чыдау да сынау икән. Моны бик яхшы аңлый хәзер Нурҗиһан әби.
Җомга җитүгә төпчек кызы белән кече кияве кайтып керәләр. Ике көнлек ялларының кирәген бирәләр авылда. Кече кияү олысы янында ким булмаска дип тырышып эшли. Җомга көнне токмачлы ашын ашап ятып йоклый да, икенче көнне иртәнге биштә торып каралты-кураны әйләнә. Күзенә чалынган бер эш тә эшләнмичә калмый. Койманы терәтәсе бармы, чиләк сабы кителгәнме, кәҗәләрнең тагарагы тишелгәнме – барысына да кулы җитә. Шунсыз булмый да. Икенче көнне олы кияү кайтып төшәчәк. Ә ул инде фәлән кадәр эш эшләдем дип, күкрәк киереп, горур кыяфәт белән аны каршы алырга чыгачак. 
Нурҗиһан әбинең мактау сүзләре генә җитсен – көне буе эшлиләр. Атна саен диярлек кайтып эшләп торган кияүләргә эшен дә әзерләп җиткерергә кирәк бит аның. Ул арада печән дә икенче катын өлгерми, бәрәңге төбен өясе дә юк, кәҗәләр абзарындагы тиресне дә узган атнаны гына чыгарып өйделәр, печәнне дә алып кайтып печәнлеккә урнаштырдылар. Эш әзерләп тормаса, үпкәлиләр. 
Җәй көне атна буе эш әзерләп вакыты уза күршемнең. Бу атнаны нишләтим инде дип уйлап, борчылып, кан басымы да уйный башлый аның. Олы кешенең хуҗалыгы да зур түгел, ялгызы яшәүче әбинең кәҗәдән башка малы да юк, печән күп кирәкми. Кияүләргә эш булсын дип бәрәңгесен күп утырта анысы. Аңа бер авырлыгы да тими ул бакчаның, кияүләр эшкәртеп тора, төбенә өя, күмәкләшеп чүбен утыйлар, ералар, казып алалар. Өен яңартудан ни файда – аңа булганы җитә. Анысының да китек җирләре юк, суын керттеләр, мунчасына бик яхшы ремонт ясадылар, капка-коймаларын профнастилдан яңарттылар. «Эш булмаса, үпкәләп, сөйләшмичә йөриләр», – дип борчыла әби. Икенче киявеңне ныграк яратасың, якынрак күрәсең дип гаеплиләр әниләрен. 
Көзен бакчадан соңгы чөгендерләрне, кәбестәләрне җыеп алганны түземсезлек белән көтеп ала Нурҗиһан әби. Шуннан соң бакча ишеген шапылдатып ябып, эш сезонын да яба ул. Кыш көне кияүләрдән кар көрәтеп, кар ташытып кына котыла. Кышын үзләре дә алай еш кайтмыйлар. 
Эшләгәннәренә генә түзәр иде әле, ләкин бу узыш-ярыш тормышларына да кагыла. Эштә генә түгел, үз тормышларын да берсеннән-берсе уздырырга теләп яшиләр кебек. Нурҗиһан әбинең ике кызы да шәһәрдә фатир алып яшиләр. Машиналары да чит илнеке. Моның сәбәбе бер генә дип уйлыйм. Нурҗиһан әбинең ике кияве дә район үзәгендә туып-үскәннәр. Күршедә генә диярлек яшәгәннәр, бер класста укыганнар. Аларның үзара ярышуы балачактан килә дип уйлыйм.  Кечкенәдән узыша-узыша уйнап үскән, аннары бер-берсен уздыра-уздыра мәктәптә укыган ике малай балалыгыннан чыгып җитмәгәнме, әллә үзара ниндидер үчләре бармы, билгесез. 
Бу җәйдә ике гаилә дә ял итәргә барып кайттылар (Нурҗиһан әби дә ял итте алардан). Ялдан соң кызлары кайтып зарланган – берсенең дә ял итәргә акчалары булмаган, ләкин баҗайдан уздырыйм дип, икесе дә кредитка акча алып, яхшы ял йортларында ял итеп кайтканнар. Бу кадәр үк әҗәткә батып ял итеп йөрүдән ни файда дип, хатыннары үзләре дә аптырап кайтканнар. Булмаган акчага бит әле ул... 
Яшьлектәге гадәтләре картлыкта нәрсәгә әверелер, олыгайган саен яманрак булыр бит әле ул дип, куркып тора күршем. Бу ярышны ничек туктатырга? Үзе олы яшьтә булса да, бу кияүләрне нишләтергә, ничек акылга кертергә дә белми күршем...

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4108
    10
    111
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    12341
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2511
    9
    86
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    12855
    4
    72
  • Гомерем усал кайнана, исерек ир белән үтте 7 Туасы сабый дөньяга барыбер туа, дип юкка гына әйтмәгәннәрдер. Хәзер узган гомеремне уйлыйм да, җүләрлегемә исем-акылым китеп утырам…
    15866
    1
    69
Реклама
Соңгы комментарийлар
  • 23 сентябрь 2022 - 03:35
    Без имени
    Ати анисе бирган акчагада хужа булмый а, биграк инде. Ул хадаре йыуаш булып ни. Ати анисе, акча бирган е, лучше диваны узларе алып бирсен нар иде дип та уйлап куйдым. Ул бианай оялмыйча шул акчаны алып, узена Яна диван алган что-ли? Ансын анламадым.
    Гомерем усал кайнана, исерек ир белән үтте 11
  • 23 сентябрь 2022 - 11:05
    Без имени
    25 яшендэ кияугэ чыккан, 10 ел баласыз торган, бэхетен 35 яшьтэ тапкан, а Айнурга 30 яшь. Барда дорес язылган бит?)))
    Бәхетле булырга хакым бар!
  • 23 сентябрь 2022 - 11:17
    Без имени
    шулай мыскыл итәләр шул үзләреннән артык уңган, булган киленне. Мине кайната белән кайнана малайлары үлгәнче, малайларыннан мыскыллатып тордылар. Малайларын аракы эчереп миңа каршы котырталар иде. Нормальный кеше малаен аракы эчәргә өйрәтми бит инде?! Малайлары эчеп кайтып тавыш чыгара иде, мин тормышны тартып яшәдем. Мин аллага шөкер, намазлы булып гомеремне дәвам итәм, малайлары үлде. Мин котылдым аллага шөкер, алар баласыз калды.
    Гомерем усал кайнана, исерек ир белән үтте 11
  • 22 сентябрь 2022 - 22:32
    Без имени
    Фагыйлэ остэп тэ жибэрэ ахры, купертеп арттырып жибэргэн урыннары бар.
    Гомерем усал кайнана, исерек ир белән үтте 11
  • 23 сентябрь 2022 - 18:07
    Без имени
    Автор "ыштанга ябышып " узен генэ мэсхэрэлэу тугел, балаларнын да жэллэмэгэн. Балалары кимсетелеп, комплексы булып ускэннэрдер. Авторы жэллэмим, отвращение.
    Гомерем усал кайнана, исерек ир белән үтте 11
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда