Терекөмеш

Сез ничектер, мин үзем бүгенге яшьләргә кызыгам. Нинди кыюлар, тәвәккәлләр! Кызыклы идеяләр белән яшиләр, чит телләр беләләр, илләр гизәләр. Шул ук вакытта нәсел тамырлары, әби-бабадан кал­ган гореф-гадәтләр дә кызык аларга. Санкт-Петербургта яшәүче Рената Байтемирова да шул кавемнән. Әле үзен күреп белгәнче үк, «терекөмеш» дигән аты килеп иреш­кән Рената белән безне Бөтендөнья татар хатын-кызларының III форумы таныштырды.

Рената Ленинград өлкәсендә яшәүче татарларга яхшы ук таныш. Оста оештыручы дигән даны бар аның. 

Зур вакый­галарның уртасында кайнарга ярата ул. Узган ел Мәскәүдә узган Беренче Бөтен­россия «Татар кызы-2014» конкурсы хәтерегездә микән? Россиянең төрле төбәклә­реннән егерме кыз финалга чыккан иде. Бу кызларны финалга әзер­ләүче куратор-остаз итеп Ренатаны чакыралар. Егер­ме кызны хәлиткеч көнгә кадәр бер-берсе белән тәмам дуслаштырып бетерә ул. Югыйсә үзара көн­дәш бит алар! Җиңүче таҗы да тик берсенә генә булачак. Татар халкы киң күңелле, сабыр – әллә шулмы, әллә башкамы – бар да тыныч кына уза. Ул кызлар белән дуслык­лары әле бүген дә дәвам итә, телефон кенәгәләрендә кураторларының номеры «мамуля» дип теркәлгән.

Татар кызы булу да ошый Ренатага. «Сез рус кызы түгелме әллә?» – дип сорасалар, башын тагын да югарырак чөеп, бит уртасындагы мәхәббәт чокырларын тагын да мәхәббәтлерәк итеп: «Мин – татар кызы!» – дип әйтергә ярата ул. Аларның нәсел кушаматы: «Казан». Бабалары Казан төбәгеннән. Татарлыгы җанында Ренатаның. Үзе яшәгән тирәлектә татар рухын ныгыту өчен бар көчен куя ул. Сөйләшүен яхшы сөйләшсә дә, әлегә татарча укуы гына чамалырак менә. Шулай да тырыша ул, сүзлеккә карый-карый булса да укый. Дөнья әдәбиятын бел дә, үз халкыңныкын белмә, имеш. Инде моннан соң тагын да тырышыр. Рухландыручысы татар егете булгач соң! «Диапазон» вокаль-эстрада студиясен җитәкләгән ире Динар Байтемиров белән быел аларның күн туйлары. Кавышуларына өч ел. Санкт-Петер­бургта консерватория тәмамлаган Динар – татар җыр­чысы. Аның белән табышулары – таң яралганда теләгән теләкләренең тормышка ашуы. Үз тиңен табып, гаилә кору уе башына кергән көннән алып, Аллаһы Тәгаләдән үзенә насыйп татар егете белән таныштыруын сорый Рената. Дус кызлары көлә генә: «Санкт-Петербургта сиңа дигән татар егете калмагандыр да инде. Эзләү чикләрен киңәйтергә кирәк». Билгеле, аларга карап кына, өметен өзми ул. Һәм... морадына ирешә. Булачак ире белән юллары «Казан» бию ансамбле концертында кисешә аларның.

Динар – Әстерханнан, Сөембикә ханбикәнең туган туфрагыннан. 2012 елда «Татар моңы» Халыкара телевизион конкурсының җиңүчесе. Гомумән, 2012 ел уңышлы була аның өчен – Россия Федерациясе хөкүмәте-нең грантын отып, яшүсмерләр һәм балалар өчен «Диапазон» вокаль-эстрада студиясен ача, «Җырлагыз» дип аталган альбомын яздыра.

Рената һәрвакыт Динары янында. Кая карасаң да, бергә алар. Бергә концертлар оештыралар, бәйрәмнәр алып баралар. Санк-Петербург Сабантуйлары да алардан башка гына узмый. Хыялый Ренатаның башында идеяләр туып кына тора, тормышка ашырып кына өлгерт.

Менә шундый бәхетле яшь гаилә! «Гаиләмне офыктагы рәшә кебек ниндидер бер карьерага алыштыраммы соң?» «Ак калфак» оешмасының Петербург бүлекчәсе җитәкчесе; татар яшьләре берлеге әйдаманы; «Нева фәрештәсе» хәйриячелек җәмгыятенең хокук һәм икътисад мәсьәләләре белгече, ревизор; Гатчина шәһәрен­дәге «Юлдаш» татар-башкорт җәм­гыяте активисты; Гатчина шәһәрендә узган Рәшит Нәҗметдинов исемендәге Бөтенроссия шахмат фестивале проектының җитәкчесе булган Рената әйтә моны. Шахмат, дигәннән, ул үзе дә корольләр уены белән мавыга. Хәтта өченче разряды да бар. Ни әйтәсең, булганнан бар да була инде. Менә шундый алар татар яшьләре!

«Сөембикә», № 8, 2015.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 8195
    4
    110
  • Яңа йорт Әлфия йокысыннан уянуга, янында яткан иренең чигә чәчләренә саклык белән генә кагылды да, аны уятудан куркып, иреннәре
    9823
    5
    74
  • Син мине гафу ит Экраннарга «Зөләйха күзләрен ача» фильмы чыккач, күпләр андагы кайнана образын кабул итә алмады. Татар карчыклары андый усал булмаган, дигән фикерләр дә ишетелде. Бүген язарга теләгән вакыйгам – геройларымның исемнәре үзгәртелсә дә, тормыштан алынган чын хәл. Арабызда Галимҗан Ибраһимовның Сабирасыдай («Татар хатыны ниләр күрми») усал кайнаналар әле дә бармы дигән сорауга җавап табарсыз сез анда.
    9538
    2
    62
  • Дәва Авылына кайтты. Авыл үзгәрмәгән, ул – үзгәргән. Хәтта исәнләшеп үткән авылдашлары да, танымыйча, артыннан карап калды. Нәфис гәүдәле, сара чәчле хатын ят иде аларга. Ә ул бер ел элек кенә дегет кебек кара чәчле, интегеп яшәгәне йөзенә чыккан Мәрсилә иде бит. Тик аның тормышындагы авырлыклар узды. Ак полосадан бара ул. Чәчен дә шуңа буятты...
    5046
    4
    51
  • 4363
    0
    39
Реклама
Соңгы комментарийлар
  • 6 август 2020 - 11:58
    Без имени
    Бик матур язгансыз Венера !Э чынлыкта бу булган хэл !Фэридэ ул чыннан да бик лаеклы ,хормэтле ,бик чибэр дэ унган да хатын -кыз !Исеме генэ узгэртелгэн .
    Күз яшьләрең булып мин тамам...
  • 6 август 2020 - 15:36
    Без имени
    Сабак алмаган бу хатын
    «Тасма теленә ышанып, аферистка 400 мең акча бирдем»
  • 6 август 2020 - 19:21
    Без имени
    Йозлэтэ чыгар ул аферисттан-узе генж тугел-7 буынына кадэр тошэр лэгьнэте!
    «Тасма теленә ышанып, аферистка 400 мең акча бирдем»
  • 6 август 2020 - 00:58
    Без имени
    Исән - сау Илдар! Тырыша- тырмаша Рузалиясе белән яшәп ята. Сәламәтлеге алга таба түгел, алай да бирешми. Һәр көнгә сөенеп, Аллага шөкер дип яшиләр. Юмористик хикәяләре һәрдаим "Татарстан яшьләре" битендә дөнья күрә. Биш китабы чыкты, алтынчысының табадан төшкәнен көтәләр.
    Мәхәббәт сурәте
  • 5 август 2020 - 20:19
    Без имени
    Ачыктан ачык ирегезгэ эйтегез, без кем сон сина дип. Нармальный хатын яшь баласы булган килененэ булышыр иде, сездэ узем эзерлэп идем дип. Юбилей бит диеп. Э малае аркылы эш йортмэс иде. Или узегез кайнана бн ачыктан ачык сойлэшегез. Акылы булса анлар. Э болай тавыш тын булмагач, сезгэ ошый дип уйлый. Ир кеше ойдэ нэрсэ бар нэрсэ югын белми ул. Тавыш чыга дип тэ курыкмагыз, бер чыгада бетэ ул. Э бала бн берни эйтмичэ, ачуыгвзны эчкэ йотып кайтып китеп, доресен эйтергэ кирэк. Алар ял итэсе килгэндер дип кенэ уйларга может.
    Көйсез кайнана хикмәтләре
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...