Эрос, людус һәм мәхәббәтнең башка стильләре

 

Мәхәббәтнең алты төре бар икән – агапе, эрос, людус, мания, прагма и сторге. Алар йолдызлык буенча да билгеләнә. Кемнең ничек яратуын беләсегез икән,  йолдызнамәгә күз салыгыз.  

 

Агапэ 

Агапе  стиленең төп үзенчәлеге –  сайлаган ярыңны шартларсыз гына ярату, аның мәнфәгатләрен  үзеңнекеннән өстенрәк кую.  Әлеге тип кешеләр – риясыз сөяркәләр, үз ярын назга төрәләр, бик нык кайгыртучаннар. Агапэ стиле Сөмбелә йолдызлыгында туучыларга хас. Алар  иң элек үз ярларының мәнфәгатьләре хакында кайгырта, мөнәсәбәтләрдә перфекционистлар. Бу стиль Үлчәүләргә дә хас. Тик әлеге йолдызлыкта туганнар: «Яраткан кешемә артык күп игътибар күрсәтмим микән?», – дип шикләнүчән. Тик, баланс тапса, назга төрәчәк.  

 

Эрос  

Мөнәсәбәтләрнең бик тиз корылуын, тыйнаксыз дәрт бураннарын яраталар. Аларның натурасы кайнар  мәхәббәт һәм дәрт таләп итә.  

Кучкарлар шундый. Аларга беренче караштан  ук ярату хас. Әлеге йолдызлыкта туганнар бик дәртле, аларның мәхәббәт ялкыннары мәңге сүнмәскә мөмкин. Тик  бик азлар гына Кучкарның мондый дәртен арканлый ала.  

 

Людус 

Мәхәббәт  – уен. Бу уенда яратулары әлеге стильдә булганнар җиңүче булырга тиеш. Алар өчен физик дәрт рухи якынлык һәм тугрылыкка караганда мөһимрәк. Очраклы мөнәсәбәтләр аларның стихиясе.  Әгәр сез Укчы йолдызлыгында тугансыз икән, очраклы маҗараларның үзегезгә идеаль  туры килгәнен беләсез инде. Чөнки һәр яңа кеше  – яңа маҗара, яңа уен. Укчыны үз яныгызда тотасыгыз килә икән, төрле булырга өйрәнегез.   

Әгәр дә инде сез Чаян икәнсез, үч алудан нинди тәм алганыгызны таныйсыздыр. Оныта һәм гафу итә алмаган әйберләр бар. Шуңа күрә дә озак вакытка сузылган мөнәсәбәтләр сезгә авыр  бирелә.  

 

Мания 

Сөюләре әлеге стильгә туры килгәннәр эмоциональ бәйлелектән интегә. Даими рәвештә яраткан кешеләре  хисләрен раслап торырга тиеш. Алар көнләшә, контрольдә тотарга,чикләргә тырыша, хәтта шантаж алымы куллана. Ә чынлыкта алар өчен мөнәсәбәтләрдә үзләрен куркынычсыз итеп хис итү мөһим.  

Кыслалар эмоциональ бәйлелекне ярата һәм бәяли белә. Әлеге романтик кешеләр, хисләрен күрсәтергә курыкмый, үзләре дә шуны ук тәлап итә.  

Тагын бер үтә романтик йолдызлык – Балыклар. Алар шуның хәтле сизгер, мөнәсәбәтләрдәге кечкенә генә бер тайпылышны тиз арада тоеп ала. Яраткан кешеләренең суынуын сизенәләр икән, шунда ук яратуларын раслауны сорыйлар.  

Үгезбозау мәхәббәтен дә мания стиленә кертергә була. Әлеге  йолдызлыкта туучылар өчен яраткан кешесенең ышанычлы, тугры булуы  һәм яратуы мөһим.  

 

Прагма 

Мантыйк – мәхәббәтләре прагма стиленә караган кешеләрнең дусты.  Ярларын сайлаганда төрле аргументлар кулланалар. Юк, аларны хиссез дип әйтеп булмый, шулай да аларда хискә караганда, акыл көчлерәк.  

Игезәкләр шундый. Алар акыл белән эш итә.  

Кәҗәмөгезләр беләләр: ачылып, мәхәббәтләрен күрсәтер өчен вакыт кирәк. Сайлаган ярыгызга сезнең белән янәшә булыр өчен лаеклы булуын да күрсәтергә туры киләчәк.  

 

Сторге 

Мөнәсәбәтләрдә иң мөһим әйберләр – ышаныч, якынлык һәм бердәмлек. Мәхәббәтләре әлеге стильгә туры килгәннәргә кемгәдер тугры булып яшәү ошый. Алар өчен яраткан кеше булу гына аз, партнерының иң якын дусты  да буласы килә.  

 Арысланнар мәхәббәтенең стиле сторге. Бу йолдызлыкта туганнар бик зур йөрәкле. Алар өчен хисләрнең җаваплы булуы мөһим.  

Зирәк Сукоярлар белә: партнерлык – югары казанышларга ирешер  өчен менә дигән схема.  

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 21 апрель 2021 - 07:00
    Без имени
    Бу ситуациядә сез үзегез гаепле бит. Дус кызыгызны гаилә арасында үзегез керткәнсез. Безгә гел әйтер киләләр иде. Кияүгә чыккач ир беренче урында булырга тиеш дип. Дус кызлар читтәрррәк. Ә сез икесен дә бер күргәнсез. Мондый ситуациядә киңәш бирергә бик авыр. Ләкин үзегезгә бикләнеп яту, шулай ук дөрес түгел. Ирегез белән сөйләшкәндә дөрес сүзләр кулланырга тырышыгыз.
    Дус кызымның баласы иремә охшаган...
  • 20 апрель 2021 - 22:40
    Без имени
    Балакаем, Аллах ярдэменнэн ташламасын сине. Минем дэ якын иптэш кызым иремне аздыра башлаган иде. Вакытында сиздем.
    Дус кызымның баласы иремә охшаган...
  • 19 апрель 2021 - 18:53
    Без имени
    Аллакаем бирса булыр без 15ел котэбез онык бердэ булмый диеп кул селтэмилэр хэзер эко бар. Унышлар сезгэ. Выше нос и алга.
    Мин бала таба алмаячакмын….
  • 18 апрель 2021 - 20:50
    Без имени
    Изге Рамазан айларында киткән, авыр туфрагы җиңел булсын.🤲🙏
     Габдерәхим соңгы сулышын намазлык өстендә алган
  • 17 апрель 2021 - 21:42
    Без имени
    Жалко, типсэ тимер озэрлек ир- атлар кырыла гына
    «Акчарлак» газетасы журналисты Габдерәхим вафат
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»