Яран үссен дисәгез...

Безгә яран буларак таныш гөлнең чын исеме пеларгония икән. Тәрәз төпләребездә, гадәттә, аның «зональная», эре чәчәкле (королевская) һәм хуш исле төрләре үсә. Шау чәчәкле яран гөле үстерү серләре белән алга таба бүлешәбез.

Кайда үстерергә?
Яран гөле яктылык ярата. Мәсәлән, көньякка караган  тәрәз төбе бер дигән урын булачак. Төньякка карап торган тәрәз төпләрендә гөл яктылык җитмәүдән интегеп үсәчәк. 
Зональная һәм хуш исле пеларгония бүлмә температурасында үзләрен яхшы хис итәләр. Аларны кышлату таләп ителми. Ә менә эре чәчәкле яран көзнең соңгы айларыннан февральгә кадәр салкынча һавада (10–15 градус) тынычлыкта кышларга ярата. Бу киләчәктә чәчәкләрнең куе булып үсүенә йогынты ясый.
Яз һәм җәй айларында төнге температура 16 градустан ким булмаганда яранны балконга яисә лоджияга чыгарыгыз. Саф һавада гөл яхшырак үсә, чәчәкләре дә куерак була. Салкынайтканда гөлне кире бүлмәгә кертегез. 

Күпме су сибәргә?
Моны бик җиңел белеп була: бармак белән туфрагын тикшереп карагыз. Бер сантиметр тирәнлектә балчыгы коры булса, димәк, су сибәргә вакыт. 
Гөлгә тондырылган йә кайнатылган бүлмә температурасындагы су сибегез. Салкын су тамырларга зарар китерергә мөмкин, ә краннан агызылган судан туфракта ак төстәге элпә барлыкка килә. 
Елның кайсы фасылы булса да, суны бер ешлыкта сибегез. Озак вакыт коры торганнан соң күп итеп су сибү гөл файдасына булмаячак.
Су сибәр өчен нәзек борынлы сусипкеч кулланыгыз. Суны гөл савыты кырларыннан әкренләп агызыгыз, яфракларына су тимәсен.
Яран гөле өстенә су сипкәнне яратмый. Янәшәдә үскән башка гөлләргә су бөркегән вакытта да яранны сакларга тырышыгыз.

Яранны ничек күчереп утыртырга?
Яранны бик еш күчереп утыртырга ярамый. Савытта тамырларга тыгын булган очракта гына эшләргә була моны. Иң кулай вакыт – яз.
Савыты зур булмасын. Тамырлары сыйганнан соң, янында 1-2 сантиметр урын калырлык булса, шул җитә. Савытның нинди материалдан булуы мөһим түгел, төбендә дренаж өчен тишекләр булганын сайлагыз. Алар аша артык су тәлинкәгә агып чыгачак. Бу тамырларны черүдән саклый. 
Яран өчен махсус туфрак кулланыгыз. Шулай ук 3/4 универсаль грунт белән 1/4 төрле кушылмаларны бергә кулланырга була: елга комы, торф, перлит, вермикулит. Савыт төбенә бер сантиметр тирәсе дренаж салыгыз. Ул керамзит йә кирпеч ватыклары булырга мөмкин. 
Күчереп утыртканда яранны җайлап кына иске савытыннан алып, тамырлары тирәсендәге туфрагы белән бергә дренаж һәм бераз балчык салынган яңа савытка күчерегез. Тамыр тирәләрендә буш урын калмасын өчен, яңа туфрак өстәгез. 
Күчереп утырткач, яранга 3-4 көн су сипмәгез.

Ашлама кулланыргамы?
Яздан көзгә кадәр үсемлекне 2-3 атна саен ашларга  кирәк.
Моның өчен комплекслы минераль ашламалар кулланыгыз. Нигезен калий, фосфор, азот тәшкил иткәннәрен сайлагыз. Алар пеларгонияне ныгыта һәм гөлне шау чәчәктә утырта. 
Кыш көне гөлгә ашлама кирәкми.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    7518
    2
    51
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4377
    0
    34
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2269
    0
    33
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    3138
    1
    31
  • Бергә булырга язмаган безгә... Хәзер аңлыйм: мин бик тырыш, яхшы укучы бала булганмын. Һәм шуның өстенә соң өлгергәнмен. Мәктәптә кайберәүләр бишенче класстан ук егетләр белән аралашып, егет сөйгәнгә исләрем китеп карый идем. Артык хисләнеп тормыйча гына дөньяны җигелеп тартучы әти-әни үрнәге дә шул булгандыр. Алар артык мәхәббәт маҗараларыннан башка гына, димләп өйләнешкән кешеләр иде. Егет сөю бер оят эш төсле тоелган миңа.
    2572
    0
    16
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда