Дүрт фасыл җәй

Рәсемнәренә беренче юлыккач, туган тойгы: өйгә кайту. Сүз туган нигез, Ватан турында бармый. Җанның вакыт һәм чиксезлек кырыннан ирекле булган яссылыгын, тәңгәл­леген табуы дисәм, дөресрәк булыр. Аның киндерләрендә дүрт фасыл буена Җәй яши. Хәтта кышкы пейзаж, натюрмортларында да. Әйтерсең, киндер түгел, ә куе, кызгылт-сары бал белән тулы кә­рәзләр. Һәм ул бал синең күңелеңдәге кәрәзләргә салмак кына саркыла. Җылыта. Аларда вакыт-вакыт Густав Климт картиналарыннан кубарылып төшкән алтын кабырчыклар да сиземләнә.


Ольга Сушкованың картиналарын фотокәгазьгә төшереп, өемдәге аш бүлмәсе диварларына элдем. Кышкы озын кичләрдә мәтрүшкә, бөтнек, гөлҗимеш, киптерел­гән кура җиләге салып пешергән хуш исле чәйне бизәк­ле юка чынаякларга агызам да, аякларымны бөкләп урындыкка менеп кунаклыйм һәм аның картиналарыннан сирпелгән алтынсу нурда коенам.

Без үзебезнең климатта озын Кышны ярым уяу-ярым йокылы халәттә уздырабыз бит. Җәйне сагынып. Җылыга сусап. «Төш» картинасында нәкъ менә шул күзгә бәрелә: тәрәзә артында бауга элгән керләр, күләгәләр яткан зәңгәрсу кар, салкын буяулар, ә киндер­нең икенче өлешендә – алтынсу-кызыл җылылык.

Аның дөньясы – хатын-кызларның мең төсмерле кичерешләр гаммасыннан торган мозаика. Әби-бабайлардан килгән гадәтләр, йолалар, без акрынлап югалта барган салмак, тыенкы, булганына шөкер итеп яши белгән тор­-
мыш тукымасы бу. Монда ханымнар, Вакытны ашыктырмыйча гына, нарасыен көтә, тирбәтә, имезә: көзгедәге сурәтен барлый, кое янында тукталып, уйларын тәртип­ли. Ачык калган китап-дәфтәр битләрен ефәк җил җил­фер­дәтә. Өстәлдәге гөлсарда тере чәчәкләр кинәнеп утыра. Хәтта «Яңгыр» картинасындагы караң­гы фондагы ялгызлык та чын мәгънәсендә дөм ялгызлык түгел.

Ул ашъяулыкның чуар бизәкләрендә «укылган» өмет, көтү халәтенә һәм гөрләп чәчәккә баткан сирень белән сердәшлеккә манылган.

Россия рәссамнар берлеге әгъзасы Ольга Сушкова Казан сәнгать училищесын кызыл диплом белән тәмамлый, Дрездендагы Югары сән­гать мәктәбендә профессор Ральф Кербах классында дәресләр ала. Эшләре Россия­дәге, Украина, Алма­ния, Швейцария, АКШ, Фран­ция, Австра­лия, Эстониядәге шәхси коллекция­ләрдә саклана.
Аның дөньяга карашында балалык чорыннан калган яктылыкка, самимилеккә, яратуга урын бар.

– Һәркемнең картиналар язар өчен үз сәбәпләре табыла. Алар күп. Минем очракта бу сәбәп – иң беренче чиратта тойгы-кичерешләрне искә төшерергә, кайтарырга омтылу, – ди Оля үзе. – Рәсемнәремә мотивны мин як-ягыма күз ташлауга табам – якты­лык­ның ничек уйнавын күреп, ел фасыллары­ның алмашуына шаһит булып. Һәм һәр утырган саен киндеремне балачак тәэсирләре, кичерешләре белән өртәсем килә. Без са-
бый чакта тирә-юньгә тылсым вәгъдә итүче тынлык җәелгән иде бит. Минем­чә, хәзерге тормыш шаукымында безгә шул тынлык һәм гадилек җитми...

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 8195
    4
    110
  • Яңа йорт Әлфия йокысыннан уянуга, янында яткан иренең чигә чәчләренә саклык белән генә кагылды да, аны уятудан куркып, иреннәре
    9820
    5
    74
  • Син мине гафу ит Экраннарга «Зөләйха күзләрен ача» фильмы чыккач, күпләр андагы кайнана образын кабул итә алмады. Татар карчыклары андый усал булмаган, дигән фикерләр дә ишетелде. Бүген язарга теләгән вакыйгам – геройларымның исемнәре үзгәртелсә дә, тормыштан алынган чын хәл. Арабызда Галимҗан Ибраһимовның Сабирасыдай («Татар хатыны ниләр күрми») усал кайнаналар әле дә бармы дигән сорауга җавап табарсыз сез анда.
    9537
    2
    62
  • Дәва Авылына кайтты. Авыл үзгәрмәгән, ул – үзгәргән. Хәтта исәнләшеп үткән авылдашлары да, танымыйча, артыннан карап калды. Нәфис гәүдәле, сара чәчле хатын ят иде аларга. Ә ул бер ел элек кенә дегет кебек кара чәчле, интегеп яшәгәне йөзенә чыккан Мәрсилә иде бит. Тик аның тормышындагы авырлыклар узды. Ак полосадан бара ул. Чәчен дә шуңа буятты...
    5043
    4
    51
  • 4360
    0
    39
Реклама
Соңгы комментарийлар
  • 6 август 2020 - 11:58
    Без имени
    Бик матур язгансыз Венера !Э чынлыкта бу булган хэл !Фэридэ ул чыннан да бик лаеклы ,хормэтле ,бик чибэр дэ унган да хатын -кыз !Исеме генэ узгэртелгэн .
    Күз яшьләрең булып мин тамам...
  • 6 август 2020 - 15:36
    Без имени
    Сабак алмаган бу хатын
    «Тасма теленә ышанып, аферистка 400 мең акча бирдем»
  • 6 август 2020 - 19:21
    Без имени
    Йозлэтэ чыгар ул аферисттан-узе генж тугел-7 буынына кадэр тошэр лэгьнэте!
    «Тасма теленә ышанып, аферистка 400 мең акча бирдем»
  • 6 август 2020 - 00:58
    Без имени
    Исән - сау Илдар! Тырыша- тырмаша Рузалиясе белән яшәп ята. Сәламәтлеге алга таба түгел, алай да бирешми. Һәр көнгә сөенеп, Аллага шөкер дип яшиләр. Юмористик хикәяләре һәрдаим "Татарстан яшьләре" битендә дөнья күрә. Биш китабы чыкты, алтынчысының табадан төшкәнен көтәләр.
    Мәхәббәт сурәте
  • 5 август 2020 - 20:19
    Без имени
    Ачыктан ачык ирегезгэ эйтегез, без кем сон сина дип. Нармальный хатын яшь баласы булган килененэ булышыр иде, сездэ узем эзерлэп идем дип. Юбилей бит диеп. Э малае аркылы эш йортмэс иде. Или узегез кайнана бн ачыктан ачык сойлэшегез. Акылы булса анлар. Э болай тавыш тын булмагач, сезгэ ошый дип уйлый. Ир кеше ойдэ нэрсэ бар нэрсэ югын белми ул. Тавыш чыга дип тэ курыкмагыз, бер чыгада бетэ ул. Э бала бн берни эйтмичэ, ачуыгвзны эчкэ йотып кайтып китеп, доресен эйтергэ кирэк. Алар ял итэсе килгэндер дип кенэ уйларга может.
    Көйсез кайнана хикмәтләре
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...