Зифаларга – солы коймагы 

Яңа уку елы башланганын истә тотып, бу юлы балаларыгыз, үзегез өчен дә файдалы һәм туклыклы солы коймагы рецептын бирергә уйладык. Менә дигән иртәнге аш ул. Гадәттә, мондый коймакны эре бөртекле солы лачавы белән йомыркадан әзерлиләр. Ә Камилә ДИМӨХӘММӘТОВА аны солы көрпәсеннән әзерләргә тәкъдим итә. 

 

Солы көрпәсе – бөртекне эшкәрткәннән калган кабык ул. Элек көрпә кушып пешергән икмәк ярлылар ризыгы гына булып саналган. Ләкин XX гасыр диетологлары аның никадәр файдалы һәм кыйммәтле булуын ачыклады инде. 

Башка бөртеклеләр белән чагыштырганда, солы көрпәсе иң файдалысы. Ул А, F, D, C, H һәм 
В төркеменә кергән витаминнарга бай; калий, йод, күкерт, магний, фосфор, кальций, тимер, хлор, бакыр, цинк, бор – болар солы көрпәсендә булган микроэлементларның барысы да түгел әле. 

Солы көрпәсе тупас җепселле булганга, ул эш-кәртелми. Эчкә кергәч, бүртеп, үзенә барлык токсиннарны, шлакларны сеңдерә һәм шушы сыйфаты белән эчәклекне дә бик шәп чистарта. 

Коймагыбызны менә шундый файдалы ризыктан әзерләрбез дә. 

 

Кирәк: 

- 50 г көрпә (көнлек норма – 30–50 г); 

- 130 г су яки сөт; 

- 1 йомырка; 

- бераз гына тоз. 

 

Эш барышы: 

Көрпәне 5 минутка суга яки сөткә салып бүрттерәбез. Шушы вакыт эчендә ул куерып, тыгызланып китәргә тиеш. Аннары бер йомырка өстәп, яхшылап туглыйбыз. Шушы күләмнән ике зур коймак чыга. Коймакны аз гына май салынган табада кыздырабыз. 

Эчлекнең төрлесен әзерләргә була – баллысын да, тозлысын да. Без сезгә берничә вариант тәкъдим итәбез: 

- балык белән эремчекле сырдан әзерләнгән эчлек тә бик тәмле була; 

-тсырны уып, кайнар коймак өстенә салабыз да икенчесе белән каплыйбыз. Коймакны табада җиңелчә генә кыздырып алсаң, сыр йомшабрак китә; 

-тбалык белән авокадо; 

- шикәрсез арахис пастасы белән банан; 

- эремчек һәм үзегез яраткан берәр төрле җиләк-җимештән әзерләнгән эчлек тә ошамый 
калмас. 

 

Ашларыгыз тәмле дә, сихәтле дә булсын! 

 

Фото: Камилә Димөхәммәтова 

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 3 июль 2020 - 13:44
    Без имени
    Бик дорес эшлэгэнсез.Э мин хэзер генэ анладым уземнен зур хата ясаганымны.Балалар этисез усмэсеннэр,ирле булыйм дип яшэлде.Кыланмаганы калмады,туздем.Ат кебек эшлэдем,декретныйда да утырмадым.Тик исэнлек кенэ калмады. Эйтэсе килгэн сузем шул,ана соте белэн кермэгэнгэ,тана соте белэн генэ керми дилэр.Булмаган кеше белэн яшь гомерегезне эрэм итмэгез.Унга чык,унганчы чык диядер иде бер таныш эбием.
    Бәхетле булыр өчен гаилә кирәкме?
  • 3 июль 2020 - 14:36
    Без имени
    Иииии,Голназ,минем этиемнен яраткан сүзе иде инде ул ка-ба хэт,эллэ бөтен эбилэрдэ шулай микэн,саф мишэрсэ сүз тезмэлэр белэн сөйли бит эбиен, безнең яктан икэн,мишэрстан ягвннан
    Әбием
  • 6 июль 2020 - 00:01
    Без имени
    Аерылып дорес эшлэгэнгез. Минем язмышым да нэкь шулай булды. 16 елдан сон, ике бала белэн аерылганыма да 15 ел вакыт узган. Укенмим,авырлыкларны жинеп чыгуыма шатланып яшим.Балалар булу - зур бэхет, тормышка тулылык ости. Сезгэ сэламэтлек, унышлар телим.
    Бәхетле булыр өчен гаилә кирәкме?
  • 3 июль 2020 - 14:37
    Без имени
    Язып бетерэ алмадым эле,исэнлек-саулык бирсен Раббым
    Әбием
  • 3 июль 2020 - 14:39
    Без имени
    Бу язма - хикәя дә, тормыштан алынган кыйсса да. Һәм ул матур, әдәби тел белән язылган. укырга рәхәт. Бал белән май ягылган ипи кебек, рәхәтләрнеп укыйсың да, «йотып» та җибәрәсең. Авторга рәхмәт. Гомумән, Зәрия ханымның язмалары грамоталы, әдәби тел белән язылган була.
    ​ Мин сине шундый сагындым!
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...