Иртән көч кертә торган җиде ризык

Иртән уянуы кайчак бигрәкләр дә авыр була. Күпләребез, күзен ачуга тизрәк кофега үрелә. Шунсыз хәл керми кебек. 
 
Ләкин чынлап торып көч керсен өчен бер кофе гына җитми. Моның өчен иртәнге ашны да дөрес сайларга кирәк. 
 
Кофе һәм баллы ризыклар энергия бирә кебек тоелса да, аларны кулланганнан соң бераздан киресенчә йокы килә башлый. 
 
Әгәр дә сез иртән көч кертә торган дөрес һәм файдалы ысулны эзләсәгез, иртәнге ашыгызга менә бу җиде төр ризыкны да кертегез. 
 
 
Йомырка 
 
Йомыркада организмга бик тә кирәкле омега 3 май кислотасы һәм аксым бар. Ул шунда ук хәл кертеп җибәрә. 
 
 
 
Солы боткасы 
 
Солы боткасы – катлаулы углеводлар чыганагы. Тиз таркалучы углеводлардан аермалы буларак, мондыйлары энергияне озаграк бирә. 
 
 
Авокадалы тост 
 
Авокадада туендырылмаган майлар күп. Андый майлар шулай ук энергия чыганагы һәм алар йөрәк өчен дә файдалы. Көрпәле оннан пешерелгән ипине тостерда киптереп, өстенә авокадо куйсагыз – менә дигән иртәнге аш була. 
 
 
Лимонлы су 
 
Цитруслыларның исе генә дә энергия бирә дип санала. Көнегезне лимон салынган бер стакан су белән башлап карагыз. 
 
 
Дарчин 
 
Иртәнге ашка бик шәп өстәмә. Дарчинны (корица) солы боткасына сибәргә яки кофега кушарга була. Ул кандагы шикәрне йөгәнләргә булыша. 
 
 
Чикләвек 
 
Май, аксым, углеводлар – чикләвек боларның барысына да бай. Кечкенә генә бер уч мөшкет (миндаль) чикләвеге яисә бер кашык арахис пастасы – энергия запасыгыз шактыйга җитәчәк. 
 
 
Грек йогырты 
 
Гадәти йогыртлардан аермалы буларак, монысында аксым күбрәк. Грек йогыртында иммунитетны яхшырта, көчне арттыра торган пробиотиклар да бар. Шуңа бераз гына җиләк-җимеш өстәгез дә – тәмле сый әзер! 
 
 
 
 
 
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 3 июль 2020 - 13:44
    Без имени
    Бик дорес эшлэгэнсез.Э мин хэзер генэ анладым уземнен зур хата ясаганымны.Балалар этисез усмэсеннэр,ирле булыйм дип яшэлде.Кыланмаганы калмады,туздем.Ат кебек эшлэдем,декретныйда да утырмадым.Тик исэнлек кенэ калмады. Эйтэсе килгэн сузем шул,ана соте белэн кермэгэнгэ,тана соте белэн генэ керми дилэр.Булмаган кеше белэн яшь гомерегезне эрэм итмэгез.Унга чык,унганчы чык диядер иде бер таныш эбием.
    Бәхетле булыр өчен гаилә кирәкме?
  • 3 июль 2020 - 14:36
    Без имени
    Иииии,Голназ,минем этиемнен яраткан сүзе иде инде ул ка-ба хэт,эллэ бөтен эбилэрдэ шулай микэн,саф мишэрсэ сүз тезмэлэр белэн сөйли бит эбиен, безнең яктан икэн,мишэрстан ягвннан
    Әбием
  • 6 июль 2020 - 00:01
    Без имени
    Аерылып дорес эшлэгэнгез. Минем язмышым да нэкь шулай булды. 16 елдан сон, ике бала белэн аерылганыма да 15 ел вакыт узган. Укенмим,авырлыкларны жинеп чыгуыма шатланып яшим.Балалар булу - зур бэхет, тормышка тулылык ости. Сезгэ сэламэтлек, унышлар телим.
    Бәхетле булыр өчен гаилә кирәкме?
  • 3 июль 2020 - 14:37
    Без имени
    Язып бетерэ алмадым эле,исэнлек-саулык бирсен Раббым
    Әбием
  • 3 июль 2020 - 14:39
    Без имени
    Бу язма - хикәя дә, тормыштан алынган кыйсса да. Һәм ул матур, әдәби тел белән язылган. укырга рәхәт. Бал белән май ягылган ипи кебек, рәхәтләрнеп укыйсың да, «йотып» та җибәрәсең. Авторга рәхмәт. Гомумән, Зәрия ханымның язмалары грамоталы, әдәби тел белән язылган була.
    ​ Мин сине шундый сагындым!
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...