Җәйге киемнәрне дөрес саклыйбыз

Елга ике тапкыр бик мөһим эшебез бар безнең. Яз җитсә – кышкы киемнәрне, көзен исә җәйге киемнәрне саклауга кую. Быел яратып кигән матур күлмәкләрегез киләсе елге да сөендерсен өчен, киемнәр саклауның берничә гади генә кагыйдәсен үтәү мөһим.

Беренче һәм төп кагыйдә – кыш көне киелми торган киемнәрне көздән үк яхшылап юып калдыру. Хәтта бер генә тапкыр киелгәннәрен дә юмыйча шкафка тыгарга ярамый. Быел беленмәгән кечкенә генә тап киләсе язга инде тукымага сеңеп, сез аннан гомердә дә котыла алмаячаксыз.

Икенче кагыйдә – юылган киемнәрне яхшылап киптерү. Урамда, җиләс җилдә киптерсәң, бигрәк тә яхшы. Аз гына дымлы булса да, язга кадәр киемгә бурсыган ис сеңәчәк.

Өченче кагыйдә – өзелгән сәдәфләрне, сүтелгән җөйләрне көздән үк тегеп калдыру. Беренчедән, язга кадәр ул сәдәф югалырга мөмкин. Икенчедән, яз көне тиз генә алып киим дигәндә, киемне тәртипкә китерер вакытыгыз булмавы да ихтимал.

Дүртенче кагыйдә – трикотаж һәм стрейч тукымадан тегелгән киемнәрне, шулай ук шифон яки челтәр күлмәкләрне төрелгән килеш кенә саклау. Элгечкә элсәң, трикотаж сузыла. Башка киемнең каптырмасына эләгеп, нәфис тукымадан тегелгәненең җепләре чыга.

Шакмаклап төргәнгә караганда, киемнәрне бөтереп – рулет сыман төреп саклау отышлырак. Болай урынны да күп алмый, бөгәрләнүе дә азрак. Кирәк  булганда эзләп табуы да җайлырак.   

Көя күбәләге кортының йонны гына түгел, ефәкне яратканын да онытмагыз. Чын ефәктән булган киемнәрне кышка алып куйганда шулай ук көядән саклый торган препаратлар кулланырга кирәк.

Сатуда вакуумлы пакетлар бар. Кием-салымны тутырып, махсус нипель аша һавасын чыгаргач, капчыкның күләме бик нык кими. Андый капларның эченә тузан да, көя күбәләге дә, яман ис тә үтеп керә алмый. Юка булганга, берсе өстенә икенчесен куеп, өске киштәдә саклавы уңай.

Киемне бурсыган исләрдән саклау өчен, араларына киптерелгән лаванда яки тимьян салынган кечкенә генә янчыклар кыстырып калдырыгыз. Лаванда исе көядән дә саклый.

Аяк киеме һәм сумкаларның рәвешләре бозылмасын өчен, эченә йомарланган кәгазь тутыралар. Сумка эченә рулонлап төрелгән җәйге яулык, шарфларны  да салырга була. Сумкаларны элеп түгел, тартмада сакласаң яхшырак. Җиңелрәкләрен элеп куеп та сакларга була.

Җәйге эшләпәләрне саклау – шулай ук актуаль тема. Эшләпә бөгәрләнмәсен өчен, аларны берсе эченә берсен кидереп, торттан бушаган зур тартмада сакларга мөмкин. Киләсе сезонда тартмасыннан чыгаргач, бөгәрләнгән кырларын үтүкләп җибәрергә була.

Рамкага:
Шарф, каеш ише җиңел әйберләрне саклар өчен уңайлы элгечне үзегез дә ясый аласыз. Моның өчен гап-гади кием элгече һәм ванна пәрдәсен элә торган пластмасса боҗралар гына кирәк. Элгечнең аратасына тагылган боҗраларны ябабыз да менә дигән лайфхак була.

Кием элгеченең аратасына уртача калынлыктагы һәм 40–50 сантиметр озынлыктагы берничә сүс бау бәйләп куйсаң, эшләпәләрне саклар өчен менә дигән җайланма килеп чыга. Гап-гади кер кыстыргычы белән баш киемнәрен бауга каптырып кына куясың.

Махсус элмәге булмаган итәкләрне, чалбарларны кер кыстыргычы белән элгечкә каптырып кую бик уңай.

Җәйге аяк киемнәрен саклар өчен, уңайлы органайзерны аз гына энә тота белгән  кеше үзе дә тегә ала. Моның өчен киңлеге – 30 см, озынлыгы 60 см булган ике кисәк тыгыз тукыма кирәк. Тукыма кисәкләрен бер-берсенә уң ягы белән салып, өстән һәм астан тегеп тоташтырабыз. Ачык калган ике кырые сыпылмасын өчен, бөкләп, тегеп чыгарга була. Өске яктан 15–20 см чамасы төшеп (туфлиның биеклегеннән тора), аркылыга җөй салабыз. Анысыннан 20 см төшеп, тагын бер җөй салына – өч бүлемнән торган «капчык» барлыкка килде. Өске ягына ике элмәк ясап, кием элгеченә беркетәбез. Һәр бүлемгә берәр пар аяк киеме сыя.   


 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Качу Туйды Гөлнара! Башка болай яшәргә теләге дә, көче дә юк. Үзе эшләп алган бердәнбер мөлкәте – кызыл төстәге ике ишекле генә машинасына утырды да, өстенә кигән киеме белән чыгып китте. Башка кайтмаска дип...
    12283
    2
    180
  • Юлдаш Бүген – 2 гыйнвар. Алиянең генә туган шәһәрен инде өч ел күргәне юк. Күңел ярасы өч ел буе төзәлмәде... Төне буе елап чыкканнан соң кисәк кенә җыенды да, өч ел элек Мәскәүгә чыгып китте ул...
    6785
    1
    65
  • Яңа ел төне сере – Сәлам! Тагын бер ел үтеп китте. Очрашу төне җитте...  Телефон экранында көтелгән һәм таныш сүзләрне күрүгә Ләйлә  елмаеп куйды. Онытмаган! Быел да үзе беренче яза... Яңа ел төнен каршы алганда нәкъ төнге өчтә... Менә инде унынчы ел шулай...
    8075
    2
    61
  • Ефәк яулык – Апам, менә сиңа тапшырырга куштылар, амәнәт диделәр. – Амәнәт? Марат үтә дә зәвыклы төргәкне Илсөягә сузды.
    6082
    2
    56
  • Тапкыр малай Әнисе тиз генә кайтмады. Ул, гомумән, кайтмады. Хәбәре дә юк, үзе дә. «Суга төшкәндәй югалды», – дип пошынып, елап-сыктап йөрде Фатиха апа. Әтисен госпитальдән кабат фронтка җибәргәннәр. «Хәдичә килеп җитә алмады», – дигән ул хатында. Ризык төягән Хәдичә, мөгаен, ач гидайлар кулыннан кичкәндер дигән уйда тукталдылар. 
    5213
    2
    53
Реклама
Соңгы комментарийлар
  • 21 гыйнвар 2022 - 10:12
    Без имени
    Куп язалар инде берсенен ире ташлаган да башка хатынга киткан. я инде егет жебеган анисе сузе белан яши. гел ирлардан зарлану да зарлану. Бу язма ичмасам балачакны, яшь чакны иска алдырды. кызык итеп, матур итеп язылган. авторга рахмат. Ату гел ир-егетларне гаеплау турында язылганнар туйдырган иде.
    Бутый, итек һәм... итек кенә дә түгел
  • 21 гыйнвар 2022 - 12:29
    Без имени
    Бу хәлгз тарыган кешеләргә холай түземлек бирсен.Зур рәхмәт авторга.
    Кулга-кул тотынса...
  • 20 гыйнвар 2022 - 15:40
    Без имени
    Э ник хатыны больниста улде?! Ан,ламадым...
    "Алтын таулар вәгъдә итмим..."
  • 20 гыйнвар 2022 - 12:00
    Без имени
    Бешергэнем бар, тэмле була!
    Лимон бәлеше
  • 21 гыйнвар 2022 - 06:35
    Без имени
    Бик матур хикая
    Туй балдагы
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда