Тәрәзә юуның 10 ысулы

 

 

Менә тагын тәрәзә юар чак килеп җитте. Һичшикчез, һәркайсыгызның үзе генә белгән тәрәзә юу сере бар. Әмма, без сезгә тагын  10 ысул тәкъдим итәбез... 

 

№1 Йод 

Тәрәзә пыялалары ялт итеп торсын өчен, 1 литр суга 5 тамчы йод тамызып болгатасың да, персик төсенә кергән җылымса су белән башта эчке яктан, аннары тыштан юасың. Микрофибралы тастымал белән корытасың. Ахырдан кәгазь сөлге яки туалет кәгазе белән пыяланы ялтыраганчы сөртергә кирәк. (Газета белән сөртүчеләр дә бар, шулай ук чистарта, ләкин кулга, тәрәзә рамнарына газета буявы йога.) Йодның судагы эремәсе теләсә нинди тапларны, пычрануларны бетерә. 

 

№2 Уксус 

Бу рецепт буенча күп функцияле тәрәзә чистарткыч әзерләү модада. Беренчедән,  пыяладагы тапларны бетерә, икенчедән, тәрәзәләрне пычратучы бөҗәкләрне куркыта. Бу эремәне ясау өчен 1 стакан җылы суга 50 мл уксус кушып болгатасың. Аннары пульверизатор ярдәмендә пыялага сиптереп, тәрәзәне йомшак чүпрәк яки салфетка белән корытып сөртәсең. 

 

№3 Лимон яки лимон кислотасы 

Уксус исе бар кешегә дә ошамаска мөмкин. Шуңа күрә аны лимон кислотасы белән алыштыра аласыз: ул да нәкъ шул ук үзлекләргә ия. Бу юл белән чистартканда, өегездә лимон исе килеп торыр. 

Башка төрле итеп тә ясап була. 1 литрлы банкага лимон кабыклары тутырабыз да, шуңа  9% лы уксус эремәсе салабыз. Эремә 1,5–2 атна торганнан соң, аны сөзәбез. Килеп чыккан сыеклыкны суга кушып, тәрәзә, идәннәр юганда файдаланабыз. Пычракны да ала, дезинфекцияли дә. 

 

№4 Нашатырь спирты 

Шулай ук чистарта да, дезинфекцияли дә. Дөрес, исе бик куәтле, шуңа күрә тәрәзәләрне югач, бүлмәләрне җилләтергә кирәк. Сулыш органнарына зыян салып, агуланмас өчен саклану битлекләре киеп эшләү хәерлерәк. 

Эремә ясар өчен 2 аш кашыгы нашатырь спирты 2 стакан суга салып болгатырга кирәк. Аннары инде тәрәзәләрне стандарт схема буенча юсаң да була. Ул шулай ук көзгеләрне, хрусталь савытларны чистартканда кулланыла. Сүз уңаеннан, кибетләрдә сатыла торган тәрәзә юу сыекчаларының составында да шул ук нашатырьлы спирт бит. 

Әгәр пыяла бик нык пычранган булса, аңа уксус та өстәргә кирәк. 1 стакан суда 1 аш кашыгы нашатырь спирты, 1 аш кашыгы уксус эретергә кирәк. Уксус урынына техник спирт та кулланырга ярый. 

 

№5 Крахмал 

Ул бик тузанлы тәрәзәләрне юганда яхшы, таплар да калдырмый. Нигезендә халык рецептлары ята. Иң гади эремә болай ясала: 1 аш кашыгы крахмалны 1 литр суга саласың. Шул катнашманы пыялага сылап, губка белән сөртеп, кибәргә калдырасың. Аннары коры чүпрәк белән сөртеп кенә аласың. 

Чи бәрәңге белән дә шулай чистартып була. Бәрәңгене ярып, бүлбеләре белән пыяланы сөртәсең. Тәрәзә кипкәч, крахмал калдыкларын сөртеп аласың. Тәрәзә ялт итеп торачак. 

Крахмалның нинди сере бар соң? Пыяла беренче карашка гына тигез һәм шома күренәчәк. Чынлыкта анда сыдырылулар җитәрлек. Ул урыннарга су бик тиз эләгеп, кипкәч таплар кала. Ә крахмал водород кушылуларны йомшартып, таплар барлыкка килүне киметә. 

 

№6 Марганцовка 

Халык телендә марганцовка дип йөртелгән калий перманганаты төрле өлкәләрдә кулланыла. Аның белән тәрәзә дә юалар. Моның өчен суда 1-2 кашык марганцовканы эретәләр, ул алсу төскә керә. Бөтен кристалларның да эреп бетүе кирәк – алар пыялага эләкмәсен. 

 

№7 Аш тозы 

Тоз шулай ук пычракларны юып төшерә, пыяланы ялтырата. 1 стакан суда 2 аш кашыгы тозны эретәсең дә шуның белән тәрәзәләрне юасың. 

 

№8 Сода+уксус 

Хуҗалыкта киң кулланыла торган бу катнашма тәрәзә юганда да ярап куя! Тәрәзәгә балалар ясаган рәсемнәрне яхшы ала ул. 2 литр җылымса суда чирек стакан сода һәм 100 мл уксусны эретергә кирәк. Сода кристаллары эреп бетәрлек булсын, юкса пыяланы кыруы бар. Әлеге эретмә белән пычрак өслекне губканың каты ягы ярдәмендә юып, соңыннан кәгазь сөлге белән корыталар. 

 

№9 Чәй 

Чәй төнәтмәсе шулай ук пычракны яхшы ала. 1 чынаяк каты чәй төнәтмәсенә 3 аш кашыгы уксус кушарга кирәк. Бу сыекчаны пульверизатор ярдәмендә пыялага сиптереп, чүпрәк белән сөртеп чыгасың. Аннары инде газета белән корытырга да була. 

 

№10 Глицерин 

Монысы инде юар өчен түгел, пычрак тапларны бетерер өчен кулланыла. Пыяла идеаль дәрәҗәдә юылып, ул чисталыкны мөмкин кадәр озаграк саклыйсың килсә, әлеге состав бик булыша. 

 Рецепт гади генә. 40 мл суны 60 мл глицерин белән бутыйсың, 2-3 тамчы нашатырьлы спирт тамызасың һәм шул катнашма белән тәрәзәләрне сөртәсең. Ул пыяланы бозланудан да саклый.                 

  

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Качу Туйды Гөлнара! Башка болай яшәргә теләге дә, көче дә юк. Үзе эшләп алган бердәнбер мөлкәте – кызыл төстәге ике ишекле генә машинасына утырды да, өстенә кигән киеме белән чыгып китте. Башка кайтмаска дип...
    12294
    2
    181
  • Юлдаш Бүген – 2 гыйнвар. Алиянең генә туган шәһәрен инде өч ел күргәне юк. Күңел ярасы өч ел буе төзәлмәде... Төне буе елап чыкканнан соң кисәк кенә җыенды да, өч ел элек Мәскәүгә чыгып китте ул...
    6797
    1
    65
  • Яңа ел төне сере – Сәлам! Тагын бер ел үтеп китте. Очрашу төне җитте...  Телефон экранында көтелгән һәм таныш сүзләрне күрүгә Ләйлә  елмаеп куйды. Онытмаган! Быел да үзе беренче яза... Яңа ел төнен каршы алганда нәкъ төнге өчтә... Менә инде унынчы ел шулай...
    8086
    2
    61
  • Ефәк яулык – Апам, менә сиңа тапшырырга куштылар, амәнәт диделәр. – Амәнәт? Марат үтә дә зәвыклы төргәкне Илсөягә сузды.
    6089
    2
    56
  • Тапкыр малай Әнисе тиз генә кайтмады. Ул, гомумән, кайтмады. Хәбәре дә юк, үзе дә. «Суга төшкәндәй югалды», – дип пошынып, елап-сыктап йөрде Фатиха апа. Әтисен госпитальдән кабат фронтка җибәргәннәр. «Хәдичә килеп җитә алмады», – дигән ул хатында. Ризык төягән Хәдичә, мөгаен, ач гидайлар кулыннан кичкәндер дигән уйда тукталдылар. 
    5217
    2
    53
Реклама
Соңгы комментарийлар
  • 21 гыйнвар 2022 - 10:12
    Без имени
    Куп язалар инде берсенен ире ташлаган да башка хатынга киткан. я инде егет жебеган анисе сузе белан яши. гел ирлардан зарлану да зарлану. Бу язма ичмасам балачакны, яшь чакны иска алдырды. кызык итеп, матур итеп язылган. авторга рахмат. Ату гел ир-егетларне гаеплау турында язылганнар туйдырган иде.
    Бутый, итек һәм... итек кенә дә түгел
  • 21 гыйнвар 2022 - 12:29
    Без имени
    Бу хәлгз тарыган кешеләргә холай түземлек бирсен.Зур рәхмәт авторга.
    Кулга-кул тотынса...
  • 20 гыйнвар 2022 - 15:40
    Без имени
    Э ник хатыны больниста улде?! Ан,ламадым...
    "Алтын таулар вәгъдә итмим..."
  • 20 гыйнвар 2022 - 12:00
    Без имени
    Бешергэнем бар, тэмле була!
    Лимон бәлеше
  • 21 гыйнвар 2022 - 06:35
    Без имени
    Бик матур хикая
    Туй балдагы
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда