Тирамису – итальян десерты


Бөтен дөньяга билгеле әлеге итальян десертын күпләрегезнең авыз иткәне бардыр, бәлки. Итальян теленнән турыдан-туры тәрҗемә иткәндә, «мине өскә күтәр» дигәнне аңлата ул. «Кәефемне күтәр, дип әйтү дөресрәк булыр», – дип шаярта укучыларыбызга яхшы таныш аш-су остасы Венера Арсланова. Ярты ел дәвамында әлеге рубрикабызның хуҗабикәсе булды ул, тәмледән-тәмле рецептлары белән бүлеште. «Һәркем әзерли алсын, кирәкле азык-төлекне ерактан эзләрлек булмасын, тәме бөтен кешегә ошасын», – дип, үз тәҗрибәсендәге иң затлы ризыкларны пешерү серләрен ачты. Венера ханым тәкъдим иткән бу десерт белән аның осталык дәресләре циклын әлегә төгәллибез. Халкыбыз да кунак табынына иң ахырдан чәй белән баллы тәм-том чыгара бит. Итальяннар ризыгы дисәк тә, тирамису бик җиңел әзерләнә икән. Әйдәгез әле, бергәләп әзерлик!

Кирәк (печенье өчен)
120 г он;
100 г шикәр оны (пудра);
4 йомырка;
1 кап ванилин;
1 стакан куе итеп пешерелгән кара кофе.

Крем өчен
4 йомырка;
500 г маскарпоне (аны куе авыл каймагына алыштырырга була);
150 г шикәр оны;
20 г желатин (ансыз да әзерли аласыз).

Бизәр өчен шоколад вагы яки какао порошогы.

1. Йомыркаларның агын сарысыннан аерабыз. Агына бер генә чеметем тоз кушып, миксер белән күпертәбез. Тизрәк күперсен өчен, моның үзенә күрә кечкенә генә сере бар. Беренчедән, йомыркалар салкын булырга тиеш. Икенчедән, савыт коры булсын. Өченчесе – башта акрын тизлектә күпертә башлап, бераздан арттырабыз. Дүртенчесе – шикәр онын азлап-азлап кына куша барабыз. Күбек кирәкле куелыкта булсын өчен, кимендә 5 минут күпертергә кирәк. Әзерлеген белү өчен савытны әйләндереп карагыз, күбек савыттан кубарга тиеш түгел. 

2. Икенче савыттагы йомырка сарысын да агарганчы һәм күләме икеләтә артканчы миксер белән күпертәбез. Аннары онның өчтән бер өлешен кушып, төерләре калмаслык итеп кашык белән туглыйбыз. Күпертелгән йомырка агының да өчтән берен салып, сак кына болгатабыз. Он белән күбекне шулай өлешләп сала-сала, барысын да кушып бетерәбез, ванилин өстибез. 

3. Таба төбенә пергамент кәгазе җәеп, җиңелчә генә майлыйбыз. Әзер камырны кондитер капчыгына салып, табага бармак калынлыгыннан чак кына киңрәк һәм бармак озынлыгында итеп тезеп чыгабыз. Кондитер капчыгы булмаса, гадәти целлофан капның бер почмагын кыйгачлап кисеп, камырны шуның белән дә кысып чыгара аласыз. Күбекле камыр тиз шиңә, шунлыктан табаны алдан әзерләп куярга кирәк. 

4. Печеньены 180 градуска кадәр кызган мичтә 15 минут чамасы пешерәбез. Өсте алланганны көтәргә кирәкми, шырпы батырып карагач, коры чыкса, димәк, әзер. Печенье пешкән вакытта мичне ачмый торырга кирәк. Пешеп чыккач, табада килеш кенә өстенә шикәр оны сибеп, берәр тәлинкәгә тезәбез. Әлегә суына торсын. Кибеттә тирамису өчен махсус печенье да сатыла. «Савоярди» дип атала ул. Вакытыгыз чикле булса, шуннан да әзерләргә мөмкин.

5. Крем ясау өчен йомыркаларның агын сарысыннан аерабыз. Агын – аерым, сарысын аерым савытта күпертәбез. Сарысын күперткәндә шикәр онын кушабыз. Мөһим искәрмә: крем термик эшкәртү узмаганлыктан, йомыркаларны башта яхшылап юарга кирәк.

6.Желатинны кайнаган салкын суга салып җебетергә куябыз.

7. Маскарпоне сырын берәр савытка бушатып, кашык белән генә туглыйбыз, аннары күпертелгән йомырка сарысына өлешләп кенә кушабыз. Төерләре калмаслык итеп сак кына болгаткач, күпертелгән йомырка агын да өстибез. 

8. Бүрткән желатинны микродулкынлы мичтә яки кайнар сулы савытка куеп, эретеп алабыз да әкренләп кенә кремга кушабыз.

9. Әзер кремны 20 минутка суыткычка тыгып торабыз.

10. Тирамисуны төрлечә җыярга була. Дүрткырлы пыяла стаканнарда яки тирән касәләрдә дә матур булачак. Без исә артык зур булмаган тирән пыяла савыт (форма) кулландык.
Форма төбенә бер-ике кашык крем ягып, бер кат итеп печеньеларны тезеп чыгабыз. Тезгән вакытта һәр печеньены аскы ягы белән кофега манып алабыз. Икенче кат итеп тагын крем ягыла. Өченче кат – кофега манылган печеньедан гыйбарәт. Иң өскә крем ягып, өстен тигезлибез, какао яки вак угычтан уылган шоколад сибәбез. Десертның өстен кремнан чәчәкләр ясап та бизәргә була. 

11. Табынга куйганчы тирамисуны берничә сәгатькә суыткычка куеп торсаң, аның тәме тагын да яхшыра. Ашларыгыз тәмле булсын, кадерле укучыларыбыз! 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7193
    7
    65
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4471
    0
    43
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2944
    4
    36
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    4831
    0
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9636
    6
    35
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда