Алтынчы бирем: «Тормыш балансы» 

 

Булыша: Үзебезне кай якка үзгәртергә аңларга. 

Үтәү вакыты: 30-40 минут 

Кирәк: кәгазь һәм ручка. 

Татарчалатып без моны «тормыш балансы тәгәрмәче» дип атыйк инде. Үзегез дә игътибар итәсездер, кешегә тулы бәхет өчен сәламәт яки бай булу  гына җитми. Бәхет төрле факторлардан тора: гаилә, балалар, сәламәтлек, байлык, карьера, дуслык, рухи үсеш...  Менә шуларныңның барысы да җитеш булганда гына без «бар яктан да бәхетле» булабыз.  

Әйдәгез, тормыш балансын тикшереп карыйк. Чиста кәгазь битенә рәсемдә күрсәтелгәнчә түгәрәк ясыйбыз һәм аны секторларга бүләбез. Игътибар белән карасагыз, һәр сектор 1-10 баллга бүленгән. Хәзер һәр өлкәне карап,  үз тормышыгызны анализлап, бәяләп езгә туры килгән баллны әйләндереп алыгыз. Мисал өчен, сәламәтлегегез бераз какшап тора, ди. Ә врачка барырга, тикшеренергә һаман вакыт табылмый. Димәк, без үзебезнең сәламәтлеккә битараф булып чыгабыз. Шуңа күрә, хәлебезгә карап «Сәламәтлек»не 3 яки 4 балл дип билгелибез. Туйганчы йокларга, сәяхәтләргә йөрергә, үзегезгә ял бирергә иренмисез икән – «Ял» өлкәсен 10 балл белән билгели аласыз.  

Карьера баскычы буйлап дөрес юнәлештә хәрәкәт итәсезме? Сәламәтлегегез турында ниләр уйлыйсыз? Рухи яктан үсәргә тырышасызмы? Иҗат белән шөгыльләнергә вакытыгыз каламы?.. Менә шулай һәр өлкәне анализлап тиешле баллар белән билгеләп чыгабыз.  

Ә хәзер кайсы саннарны билгеләдегез, шуларны бер-берсе белән тоташтырабыз. Йә, түгәрәк тәгәрмәч килеп чыктымы, әллә киртле-кортлы йолдызмы? Тормышыгыздагы кайсы өлкәгә игътибарыгыз җитми, ачыклый алдыгызмы? «Тормыш түгәрәк булсын!» дигән әйтем дә, тормыш балансы тәгәрмәче турында түгелме икән әле ул?! 

 

Кадерле укучылар! «Сөембикә» марафоны»нда катнашучылар! Шуның белән биремнәр тәмам! Катнашканыгыз, тырышканыгыз, үзегезнең тормышка битараф булмаганыгыз өчен рәхмәт!  

Вакыт табып, җавап хатлары язсагыз – рәхмәтле булырбыз! 

 

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 23 май 2020 - 21:57
    Без имени
    Фәрит әфәнденең салмак атлап, күзләрен тутырып туры каравын гына күргәнем бар иде. Тирән фикерли ала торган шәхес икән. Эльмир Низамов турындагы фикере белән дә килешәм
    Фәрит Бикчәнтәев
  • 22 май 2020 - 08:29
    Без имени
    Нинди үкенечле хәл... Ә бит бу хәл тормыштан алынган һәм күп андыйлар! Гомерләр бит бер генә, нигә шулай яшибез икән?!
    Бәлкем, соңгы күрешүдер...
  • 22 май 2020 - 11:30
    Без имени
    Балалар дип каршындагы балаларын утырды булып чыга бит ул 😱
    Гомерлеккә...
  • 22 май 2020 - 15:35
    Без имени
    Мин чакырдым син килмэден. Син чакырдын элгермэдем. Тар гурлэргэ инде жэсэден. Гомерем буе сине сагынып бу тормышта. Сине генэ сэеп яшэдем!
    Бәлкем, соңгы күрешүдер...
  • 22 май 2020 - 20:32
    Без имени
    Ох нинди кызганыч
    Серле медальон
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...