Җырчы Идрис Кәлимуллинның никахтан тыш туган "улы" пәйда булган

Татарстанның атказанган, Башкортстанның халык артисты Идрис Кәлимуллин тормыш иптәше, скрипкачы Гүзәл Кәлимуллина белән аерыла, бергә тормыйлар, дигән сүзләр килеп иреште.
Сәбәбе - Идрис әфәнденең никахтан тыш туган баласы пәйда булган. Моның чынмы, юкмы икәнен белү өчен Идрис Кәлимуллин 25 яшьлек "улы" Илдус белән ДНК анализы тапшырган.

- Ул егетнең минем бала түгеленә иманым камил, өйләнгәннән соң хатын-кызлар белән чуалмадым. Әгәр аңа 29-30 яшьләр булса, бераз икеләнүем булыр иде. Гүзәл белән 28 ел яшибез, өлкән кызыбыз Дианага 27 яшь, Кәмиләгә - 17, ә кечкенәбез Мәдинәгә 5 яшь. Гаиләбездә бар да яхшы иде, тик бу хәлләр Гүзәлнең нерв системасын какшатты. Гадәттә, шәхси проблемалар турында сирәк очракта гына сөйләргә тырышам, ләкин бу яңалыкны пәрдә артында калдыра алмадык. Ул безне барыбызны да шок хәлендә калдырды, - диде "Интертат" газетасы хәбәрчесенә Идрис Кәлимуллин. 



- "Улыгыз" барлыгын каян белдегез?

- Гүзәлгә таныш булмаган номердан СМС килде. "Добрый день. Меня зовут Ильдус, я сын Вашего мужа. Хочу встретиться с вами и поговорить", - дигән. Башта моны берәр төрле розыгрыш дип, дуслар, якыннар шаяртадыр дип уйладык. Соңыннан ул Гүзәлгә шалтырата башлады. Гүзәл аптырады, миңа мең төрле сорау яудырды. Ни өчен миңа шалтыратмавын аңламадым. Күрәсең, минем телефон номерымны табу авыр булгандыр. Илдус сүзләренчә, мин аның әнисе Миләүшә белән гастрольләр вакытында танышканмын.

- ДНК анализының нәтиҗәсе нинди булды?

- Анализларны үз хисабыма ясаттым. Нәтиҗәләрен ике атна көтәсе булгач, гаиләмне Төркиягә алып киттем, шунда бераз хәл алдык. Кайтуыбызга шатлыклы хәбәр - бу егет белән бернинди туганлык җепләре дә юк, әтилек проценты "0"не тәшкил итте. Нәтиҗәләрен хәбәр итәр өчен Илдуска шалтыраткан идем, җавап бирмәде, югалды. 


чыганак: http://intertat.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 13 июль 2020 - 21:11
    Без имени
    Бик эчтәлекле хикәя. ✨
    Яңа йорт
  • 13 июль 2020 - 12:45
    Без имени
    Бик охшады👍унышлар сезгэ👏👏👏
    Сынаулар-3
  • 13 июль 2020 - 10:23
    Без имени
    Малайлар алар инэйнен куенында ускэндэ генэ синеке,ойлэнгэч киленнеке була ул Эйе без,инэйлэр малайлар очен жан атып яшибез,ашамасак ашамыйбыз аларга булсын дибез😭картайган конегезне уйлагыз
    Улыммы, иремме?
  • 10 июль 2020 - 15:45
    Без имени
    Ник улынны калдырдын..Ана бит Ана кирэк..узенне генэ кайгырткансын Син..их Син Ага..
    Каты режимлы «никах»
  • 12 июль 2020 - 11:29
    Без имени
    Ходаи урынын жэннэтлэдэ насыип итсен семьясына сабырлык бирсен
    Айдар Фәйзрахмановка олы кайгы килде
Реклама
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...