"Әбиләр булгач, ашларда очрашырбыз, әлегә - Элвин Грей белән "Кызлар Пати"да!"

Татар эстрадасының җырчылары һәм шул өлкәдә кайнаучы кызлар "Кызлар пати" кичәләре оештыра башлады. Гадәттә, бу очрашулар төнге клубларда татар дискотекаларында уза. "Кызлар пати"ның чираттагысында Элвин Грей да бар иде.

Баксаң, Элвин Грей шушы клубка ял итәргә килгән. Билгеле, кызлар бу мөмкинлекне кулдан ычкындырмады, Радик белән фотога төште! "Кызлар мине җылы каршы алды, барысы да шундый ачык", - диде ул. Радик яңа концерт сезонына әзерләнүе турында сөйләде һәм "Кызлар пати" белән очрашуга шат булуын белдерде.

 

"Кызлар пати"да Гүзәл Идрисова, Алинә Сафиуллина, Гөлнара Габидуллина, Ләйсән Мәхмүтова, Айгөл Кыямова, Алсу Фазлыева, Замирә Рәҗәпова, Айгөл Набиуллина, Эльмира Бәйрәмова һәм башкалар бар. Патига нигез салучы - Татарстанның атказанган артисты Айгөл Бариева. 

"Беркөнне "ә нигә әле кызлар белән очрашулар оештырмаска?" дип уйладым. Һәрберебезнең гаиләсе, балалары бар. Эш, кибет, ашарга пешерү, дөнья мәшәкатьләреннән арыну өчен айга бер тапкыр булса да, хатын-кызлар үзара аралашырга, ял итәргә тиеш. "Кызлар пати" идеясе шулай барлыкка килде. "Уеннан уймак" дигәндәй, бүгенге көндә безнең биш очрашу булган. Кызларга ничектер, мин үзем бу очрашулардан соң күп энергия алам, яңа көчләр белән кайтам. Очрашуларыбыз традициягә әверелеп бара. Мин киләсе "Кызлар пати"ны сагынып көтеп яшим", - дип сөйләде Айгөл Бариева.

Айгөл әйтүенчә, "Кызлар пати"га теләгән һәр кеше кушыла ала. "Безнең ватсапта төркемебез дә бар. Барлык кызлар да үзем кебек гади, ачык, ихлас, эчкерсез. Без теләсә нинди темага сөйләшә алабыз. Минемчә, хатын-кыз өчен мондый урын булырга тиеш. Үзенә бикләнеп, эш-гаиләгә чумып яшәргә ярамый. Болай да гомеребезне эш белән гаиләгә багышлыйбыз. Җәй көне, мәсәлән, без ял иттек, очрашулар булмады. Безнең "Кызлар пати" күңел ачып, биеп, җырлап үтә. Еллар узгач, без әбиләр булгач, шушы составта ашларда очрашып, патиларны искә алырбыз дип хыялланам", - диде Айгөл.



сылтама: Интертат

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 8 июль 2020 - 19:05
    Без имени
    Яхшы язылган!👍
    Сынаулар-3
  • 9 июль 2020 - 11:10
    Без имени
    Үзгәрербез, дип бик өметләнәсе килә, ләкин... Ләкин дөнья тынычлангач, бар да үз урынына кайтачак. "Сугышта атеистлар юк", диләр - авыр чакта барыбыз да Аллага ялварабыз, әмма тормыш көйләнә башлауга, доганы онытабыз. Шуның кебек, пандемиядән соң да барысы да элекке һаләткә кайтачак. Һәм иң аянычы - дәүләтнең халыкка мөнәсәбәте дә. 45нче елны да җиңүче-халык җиңеллекләр көткән - тик 47нче ел җиткән. 36нчы елны дөньяда иң гадел "Сталин конституциясе" кабул ителгән - аннан соң 37нче ел булган...
    Пандемия безне үзгәртерме, юкмы?
  • 9 июль 2020 - 13:22
    Без имени
    Кайгыгызны уртаклашам,минем улымда 23 яшендә безнең арабыздан китте.Бик авыр булды,улына 8генә ай иде
    ​Күбәләк булып очты...
  • 6 июль 2020 - 12:00
    Без имени
    Дорес хэлме икэн бу?
    Хыянәтнең исе нинди?
  • 6 июль 2020 - 11:14
    Без имени
    "Ак чэчэклэр" романынын яна варианты!!! Бик зур рэхмэт!
    Гомер – озын ул...(2)
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...