Хатын-кызның түземлеге беттеме – гаилә җимерелә

Ирләр килешергә дә мөмкиннәр, килешмәскә дә (монысы аларның үз эше!), әмма бер нәрсә хак: хатын-кыз моны тели икән – гаилә яши, «юк, җитте, түземлегем төкәнде» ди икән – ир белән хатын аерылыша. 

Статистика мәгълүматлары шактый кызык (дөресрәге – кызганыч) хәлләр турында сөйли: Россиядә хатын-кызларның 70 проценты аерылышу турында беренче булып үзләре сүз кузгата, бу процессны үзләре башлый. Хәер, халыкара тикшеренүләр дә шуны күрсәтә: дөнья буйлап алганда да, аерылышу турындагы гаризаны беренче булып хатын-кызлар ике тапкырга күбрәк яза. 

Гомер-гомергә гаилә учагын саклаучы булып саналган хатын-кызның гаиләне таркатуга беренче булып тотынуы сәеррәк тоела, әлбәттә. 

Психологлар әйтүе буенча, хатын-кыз гаиләдә булган проблемаларны күпкә авыррак кичерә, йөрәгенә якынрак ала. Ә ир-ат күп вакыт: «Ул моны ничек кабул итәр?» – дигән уйны башына да кертеп карамыйча, хатынын читкәрәк «этеп куеп», үз тормышы белән дә яши ала. Һәм бик әйбәт итеп яши ала!
Ир-ат үз-үзен тотышы турында бик сирәк уйлана, аңа анализ ясамый да. «Мин – ир-ат, миңа ничек тә килешә», – дигән фикер йөртә ул. 

Гомумән, ир-ат белән хатын-кыз гаилә корганда күп вакыт икесе дә иллюзияләр эчендә булалар. Ир-ат хатыны турында: «Ул беркайчан үзгәрмәячәк, гел шундый булып калачак», – дип уйлый. Ә хатын-кыз иренә карап: «Мин аны барыбер үзем теләгәнчә үзгәртәчәкмен», – дип хыяллана. Һәм икесе дә ялгышалар! 

Бер генә пар да гомер буе сөешеп, үбешеп-кочаклашып кына яшәми. Иртәме-соңгы ике арада нинди дә булса проблемалар килеп чыга – мөнәсәбәтләрдә кризис барлыкка килә. Бу – табигый хәл, шуңа да куркыныч түгел. Дөресрәге, аларны акыллы итеп чишә белгәндә куркыныч түгел. Киресенчә, бу сынауларны җиңеп чыгып, үзара мөнәсәбәтләрне яңа баскычка күтәрергә – күпкә яхшыртырга, бер-береңә тагын да ныграк якынаерга да була. 
Бик шулай да бит, тик...

Ир-атларның яртысыннан күбесе, гомумән, үзе берничек тә үзгәрергә җыенмый. Алар хатын-кыз үзгәрергә тиеш дип саный, үзләре исә моңарчы ничек яшәгән, нинди тормыш рәвеше алып барган – шулай дәвам итәргә җыеналар. 
Ни өченме? 

Җавап бик гади – алар ир-ат булганга. Башка сәбәп юк! 
Хатын-кыз табигате белән бик түзем зат ул. Әмма түземлек запасы һәркемнең үзенчә: гаиләнең никадәр озак яши алу-алмавы шуңа бәйләнгән дә инде. 
Гаиләдә кризис килеп туган икән, ир-ат да, хатын-кыз да үзгәрергә, үзләрен башкача тота башларга тиеш. Гомумән, никах икеңнең дә аны саклау өчен тырышуын, моның өчен нидер эшләвегезне сорый. Һәм бу – көндәлек хезмәткә әйләнергә тиеш. Ир-ат үзен дөньяның кендеге дип тоя һәм «мин һәрвакыт хаклы» дип саный икән, гаилә дигән авыр йөкне берүзегез озак сөйри алмассыз. Кызганыч, ир-ат күп вакыт гаиләнең ныклыгы өчен әлләни тырышмый. Начар гадәтләре булуын (тәмәке тартуын, салгалавын), тазарып китүен, өйгә акча аз алып кайтуын, үз-үзен үстерү өстендә эшләмәвен – берсен дә кимчелеге дип санамый. Хатынына: «Синнән чыгып китсәм, миңа бит чиратка тезеләчәкләр», – дияргә дә тартынмый. Шундый ир-атны да кабул итүче хатын-кыз табылырга мөмкин анысы. Әмма аның да сабырлык касәсе төпсез түгел бит...

Психологлар хатын-кызларга: «Әгәр ул берничек тә үзгәрергә җыенмый икән, вакыт уздырмагыз», – дип киңәш итәләр. 
Киңәшне тоту-тотмау исә – һәркемнең үз эше. Кемнең сабырлык касәсе нинди тизлек белән тула инде...

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
    8579
    1
    113
  • Хәшәрәт – Әни, без Фәридә белән өйләнешергә булдык. Син каршы түгелсең бит, әйеме? Зөлфия, улының бу хәбәренә күптән әзер булса да, каушап калды. Бу минутта теленнән нинди генә сүз төшсә дә, ничектер урынсыз, ялгыш булыр кебек тоелды.
    7586
    1
    109
  • Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
    5577
    4
    78
  • Гомернең ике яры Бездә бүген – дебют! Гөлнур Сафиуллинаның дебюты! Ниһаять!.. Аның хикәяләр яза башлавын бик көткән идек без. Хәер, Гөлнурның журналист язмалары ук чын хикәя итеп кабул ителә: йә елмаеп, йә күз яшьләрен тыярга тырышып укыйсың... Ә геройлары үзенә охшаган: тыйнак, акыллы, сизгер күңелле, серле... Кечкенә генә бер сүзе, карашы, хәрәкәте белән дөньяларны үзгәртә, гап-гади тормышны ямьгә төрә белгән... Менә шулай! Хикәяләрендә – фәлсәфә, хисләр, сизгер хатын-кыз йөрәге, тагын әллә ниләр – кыскасы, өр-яңа халәт!
    4672
    6
    50
  • Карындашым – көндәшем  Язын чәчәк аткан алмагачның чәчәкләре ап-ак, бик матур. Ләкин нигә соң алмаларының тәме бертөрле түгел? Берсе баллы, ә икенчесе, карар күзгә матур булса да, эчендә – корт. 
    8104
    2
    48
Реклама
Соңгы комментарийлар
  • 5 март 2021 - 19:29
    Без имени
    Балага 40 конда юк,азырак саклау карактер ул
    Гүзәл Уразова сабые белән хастаханәдә
  • 5 март 2021 - 20:03
    Без имени
    Куз тиядер тугач та фотасын куя башлыйлар бит 40 консез чит кешегэ курсэтмилэр иде бит элек
    Гүзәл Уразова сабые белән хастаханәдә
  • 5 март 2021 - 21:25
    Без имени
    Нинди генә җуләрлекләр эшләми адәм баласы.
    Җиңгәм: «Чибәр ирләр уртак булалар», – диде...
  • 5 март 2021 - 10:20
    Без имени
    Минем кызым да кияүнең беренче хатыны 2 яшьтә ташлап киткәнбаласын тәрбияли (икенче баласын икенче иренә ташлап китте). Ташлап китсә дә интернет челтәрендәге сайтларда "Минем өчен иң кадерле кешеләрем -улларым. Алар өчен генә яшим",-дип яза. Ә үзе бер ирдән икенче иргә йөри. Менә шундый тормыш.
    Әллә?!
  • 5 март 2021 - 11:13
    Без имени
    Мокшы икенче торле эйткэндэ мордва буламы?
    Мокшыларда туйда булдык
Реклама
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...