Эссе дә ярамый, салкын да. Бозын әйтмим дә... Бакчачыга киңәшләр

 

Һава торышы безнең теләк белән сирәк килешә. Аның үз законнары. Яңгыр кирәктә – эссе интектерә, бер ява башласа, туктауны белми, җитмәсә суыта. Әле бозын әйт син – түтәлләрне актарып, утырткан үсемлекләрне теткәләп, сындырып бетерә. Тырышкач, тырышкач, уңышны да күрәсе килә бит. Ничек сакларга бакчаны челләдән, салкыннан, боздан, яңгырдан?

 

Көннәр коры, ләкин суык тора икән, үсемлекләр үсүдән туктый. Салкында яшелчәләргә суны бик сакланып, туфрак кипкәннән соң гына сибәргә кирәк. Салкын һава һәм юеш туфрак – чирләр баш калкытсын өчен менә дигән шарт.

Суны аз сипсәгез дә, туфракны еш йомшартып торыгыз. Ике кат чылатканчы, бер кат йомшарт, диләр бит. Туфрак көпшәк булса, үсемлекләрнең тамырларына һава да, туфрактагы ашламалар да тизрәк үтеп керә, аларны көчле итә.

Салкын җәйне азотлы ашламалар белән мавыкмагыз. Аның урынына комплекслы ашлама куллану яхшырак булыр.

Җылы яратучы үсемлекләрнең өстен лутрасил дигән ак тукыма белән каплый аласыз. Җәй өчен аның «40»лысы әйбәтрәк. Помидор, борычларга оннан бушаган ак капчыклар да кидереп куеп була, ул да җылыны яхшы тота.

 

Икенче катаклизм – челлә эссесе. Суык начар булган кебек, эссе һава торышы да бик әйбәт түгел. Эсседә үсемлекләр чәчәкләрен коя, серкәләнми. Көннәр кызу торганда туфрак кирәгеннән артык җылынып, андагы микроорганизмнар үлә, үсемлек тамырлары пешә. Моны булдырмас өчен, түтәлләрегезне аксыл төстәге әйбер белән мүлчәләгез. Ул салам, кипкән печән (чүп үләннәренең өлгергән орлыклары булмасын), берничә еллык пычкы чүбе (яңа пычкы чүбе кулланырга ярамый, ул азотны юкка чыгара), гәҗит кәгазе булырга мөмкин. Әйтәсе дә юк, эсседә суны күбрәк сибәргә кирәк. Моны кичен, кояшта торып җылынган суны өстән бөркеп сипсәң әйбәтрәк. Теплицага утырткан үсемлекләр эсседән бигрәк тә җәфа чигә. Теплицаның эчке ягына акбур сиптерергә яки өстән тукыма белән капларга була. Алай иткәндә эчтәге температура бераз кими.

Туфракка ашлама кертү алдыннан, башта яхшылап су сибегез.

 

Җәй яңгырлы килсә?

Артык дым – гөмбә чирләре өчен курорт һавасына тиң инде. Алдан ук үсемлекләр арасын ерак калдырып утырткан булсагыз, бик яхшы. Помидор, борчыларның аскы яфраклары юеш туфракка тиеп тормасын. Шулай ук фитофторага каршы да атна саен берәр препарат («Фитоспорин», оеган сөткә йод тамызып, мәсәлән) бөркеп тору зыян итмәс.

Көчле яңгырлар туфракны бик тыгызлый, әледән-әле йомшартып торырга кирәк. Ә менә чүп үләннәренә яңгыр бер дә комачаулый, алар котырып үсә. Яңгырлы елны чүпне күбрәк утыйсы булачак.

Мондый җәйне күбрәк калийлы ашламалар куллану отышлы.

Яңгырлар артыкка китсә, бик дым яратмый торган үсемлекләр өстенә полиэтилен пленка капларга була, аның аша яңгыр үтми. Ә үсемлекләр пешмәсен өчен, баш-башларын ачык калдырыгыз.

 

Боз сукса?

Ямьле җәйнең тагын бер афәте – көннәр эссе торганда боз явып китәргә мөмкин. Кайчак ул түтәлләргә бик зур зыян сала.

Тәүге реанимация чараларыннан: үсемлекләргә җылымса су бөркү. Бу аларны стресс халәтеннән чыгара. Суга «Эпин», «Циркон», «Цитовит» ише берәр препарат кушсагыз бигрәк тә яхшы булыр. Бик зыян килгән, тамырыннан сынып чыккан үсемлекләрне йолкып ташларга туры килер. Алар чир генә таратып утырачак. Комплекслы ашлама кертү дә боз суккан яшелчәләрнең тизрәк тернәкләнүенә китерә. Бер литр сары суга (катык суы) 10 тамчы йод тамызып сибү дә яраларны тизрәк төзәтергә булыша. Һәм иң мөһиме: боз һөҗүменнән соң шакырдап каткан туфракны тизрәк йомшарту, югыйсә берни дә булышмас.

Уңышлар телибез сезгә!
Фото: 
https://pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    11389
    5
    142
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    7004
    1
    92
  • 7971
    2
    53
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    9013
    1
    50
Реклама
Соңгы комментарийлар
  • 25 сентябрь 2020 - 01:53
    Без имени
    Мин Дэ нэкъ шулай 32 яшемдэ 2 кызым белэн ялгыз калдым,ирем бер хатын бн чыгып китте ,1 елдан кире кайтты, гафу итэ алмадым,шартлатып араны оздем.Ул хатыннан-хатынга йореп,45 яшьтэ асылынып улде,чыгып киткэн хатын 10 еллап, психбольницада яши.Э мин ,Аллага шокер ,ирлэр булдыра алмаган ирлэр эшен эшлэп,кызларымны устереп,эле Дэ исэн- сау эшлэп ятам.Хатын-кыз ялкау булмаса,беркайчан да югалмый,аларга АллахеТэгалэ безгэ коч бирэ.
    Бәясен белгән хатын-кыз көчле ул...
  • 25 сентябрь 2020 - 02:10
    Без имени
    Минем кияу Дэ нэкъ шулай качып-посып ,никах укытып,узенен классташы белэн 5 ел инде яшэп ята.10 еллык классташлар очрашуыннан сон айный алмады.Бик тырышып яшерсэ дэ,тэжрибэле кузгэ куренеп тора.Ул да шуннан сон дин юлына кереп китте.Имеш диндэ 4 хатын да рохсэт ителэ.Узлэре бугенге кондэ БИК рэхэт яшэсэлэр дэ,ата-ананын азгынлыгы очен балалар узлэренен авырулары,газаплы тормышлары ,улемнэре белэн жавап бирэ.Чонки рэнжу,куз яшьлэре узенэ тошмэсэ,балаларга тошэ.Хэр кеше шуны онытмасын Иде.Алар бит ойгэ кайтасы акчаны,гаилэнен зур ойлэр салып,иркен тормышта яшисе доходларын илтеп икенче хатынга бирэ.Гаилэдэ беркайчан да артык акча булмый.Ойдэге хатын белэн бергэлэп эшлэп,чит хатынны содержать итэлэр.2 нче хатын булып яшэргэ ризалык бируче хатыннар,акылыгызга килегез,ул ирлэрнен акчасы тозлы куз яшьле,рэнжешле акчалар,беркайчан сезгэ бэхет китермэячэк,авырлык,авырулар белэн корэшу очен тотылып бетэчэк.
    Бәясен белгән хатын-кыз көчле ул...
  • 23 сентябрь 2020 - 15:08
    Без имени
    👍👍👍
    ​ Адашкан шәүләләр
  • 23 сентябрь 2020 - 19:18
    Без имени
    Великовозрастный балаларны карарга жигелергэ кем кушты? Узегез гаепле бит!!!
    Ана рәнҗүе төшәргә дә мөмкин
  • 23 сентябрь 2020 - 15:25
    Без имени
    Шундый тәрбияви әсәрләр иҗат итүчеләр бик сирәк шул.Урының җәннәт түрләрендә булсын иде,Туфан абый
    Сиңа дигәне...
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...