Пенсия турында ялган хәбәр

Телефонга хәбәр килде: «Пенсионерлар, паспортларыгызны алыгыз да, тиз генә үзегез яшәгән урыннардагы пенсия фондларына барыгыз. Пенсиягә 720 сум акча өстәлергә тиеш. Пенсия фонды хезмәткәрләренең бу хакта бик әйтәселәре килми. Барыгыз, таләп итегез!»

Бу хәбәрне ишетүгә шундук – танышым Яшел Үзән районының Пенсия фонды бүлеге җитәкчесенә шалтыратам.

Ялган хәбәр, ул минем телефонга да килде. Ышанмагыз! – диде.

Ә менә эшләүче пенсинерларга индексация мәсьәләсендә ул тынычланырга кушты. Эшләүче пенсионерларның пенсияләре дә индексацияләнеп барыла. Эшләгәндә түләнми, эштән киткәч, җыелып барган индексация акчасы пенсиягә өстәләчәк. Гыйнвар аенда тагын индексация көтелә.

фото: https://pixabay.com

Следите за самым важным и интересным в Telegram-каналеТатмедиа