Ике куллы һәм дүрт куллы

Сөмбел Гаффарова

Иремә чүп пакеты тоттырдым. Ул чыгып киткәндә генә почта әрҗәсе ачкычын да суздым.  Анысын да ачып карале, янәсе. Берничә минуттан фатирга әйләнеп керде. «Нәрсә, газета-журналлар юк идеме әллә?» – дип кухнядан башымны сузам. Пауза. 

«Ой… Ни… Ә кайда соң... Син ачкычны биргән идеңме соң?.. Мин аны югалтканмын бугай…» Шул сүзләрне ишетүгә шарга әйләнгән күзләрем җиһанны шартлата, сүзсез авыз кыймылдатуларым һаваны яра. Ничек шулай була инде?! Ничек?! 

– Мин бер вакыт берәмлегендә фәкать бер биремне генә башкара алам! Минем ике кулым гына бар! – дип аңлатма керткәндәй булды. 

 

Ирем шундый, әйе. Берничә мәсьәләне хәл итеп, вак-төяккә чәчелми. Алдына бер бурыч куя да, шуны профессиональ югарылыкта башкарырга тырыша. Энәсеннән җебенә кадәр өйрәнеп.  Бу эшкә ул артык тирән кереп китеп, тирә-юнендәгеләрнең  тәмам җелеген суыра хәтта! Әмма төбенә тоз коймый туктамый инде! 

 

Безнең өйдән чүп чыгарып ташлау биременең никадәр югары дәрәҗәдә үтәлүен шуннан аңлагыз инде. Биремгә почта ачкычы да тыгылдымы – бетте. Булды, таралышырга мөмкин. 

 

Әгәр дә ирем шакшука, болоньеза әзерләгәндә берәр кызыклы вакыйганы искә төшереп сөйли башласа, кулындагы пәке, кашыклар һавада эленеп кала, пешерү паузага куела, бар осталык сөйләүгә күчә. Бер үк вакытта тәмле пешерүне дә,  тәмләп сөйләүне дә колачларга тырышу  – мөмкин булмаган эш ул! Берсен генә  сайлыйсы һәм шуны югары дәрәҗәдә башкарасы! 

 

Бер вакыт берәмлегендә мөмкин кадәр күп биремнәр башкару остасы – мин ул. Яки, ирем сүзләрем белән әйткәндә, бөтен күргән нәрсәгә ябышып, койрыгына ут капкан сыман чабып йөрүче. Үтүклим, аш пешерәм, савыт-саба юам, кер юу машинасын тутырам, шуның белән беррәттән, Көлсылу кебек дөгедән карабодай ярмасын аралыйм һәм дә инде Шива алиһәсенең дүртенче кулы ярдәмендә бала белән шакмаклардан манара күтәрәм. Дүрткуллысы бездә – мин. 

 

Кайсы бүлмәгә керсәм дә – анда муеннан эш көтә мине. Тегене урынына урнаштырырга, боларын таслап куярга, монысын юарга, кайсыларын чыгарып атарга… Ягъни мин шундук берничә йөз эшкә күчәм дә куям. Ә ирем сүзләре белән әйткәндә – кабаланам-бөтереләм, әйләнәм-тулганам – мең эшкә тотынам… 

 

Шулай кабаланганда, башланып ташланган эшләргә абына-сөртенә йөрим. Юылып бетмәгән аш, үтүкләнеп бетмәгән савыт-саба, пешерелеп бетмәгән кер… Әлбәттә инде, идәндә араланмаган дөге белән карабодай ярмалары чәчелеп ята… 

 

Әмма берникадәр вакыттан соң әйтерсең лә могҗизалы шапалак сирпелгән: тирә-юнь ялтырый, хуш ис тарата, чыкка манылган иртәнге гөлчәчәк таҗлары белән шыбыр-шыбыр килә башлый… Күп биремнәр остасыннан менә шушындый фокус-покус, ахалай-махалай! 

 

Берзаман ирем белән машинада барабыз һәм сөйләшәбез шулай. Әйе-әйе, мин берьюлы машинада бара да, сөйләшә дә алам. Ә аның бу ике эшне кушу гамәле начаррак килеп чыга. Бәлки, рульдә булуы комачаулыйдыр… Хәер, сүз башым бит шүрәле дигәндәй, бу хакта сөйлисе тугел идем лә, ераклаштым. Кыскасы, мин күтәргән теманы актара башладык. 

– Бер эшне тәмамламыйча, башкасына тотынма! – ди ул. 

– Ә бу ике-өч-дүрт-мең эш шушы вакытта ук башкарылырга тиеш булганда, ничек сайлыйсың инде! Параллель рәвештә эшләми кая барасың! Берьюлы ике-өч китапны укып барган сыман: монысын укый башласаң, тегесе нәүмизләнеп кала кебек бит! – Мин үз сүземне бирмим һаман. 

– Син әле берьюлы ике-өч китап та укыйсыңмыни? Оһо! Син кем?! Мин сине беләмме соң?! – Ул көлә башлый. 

 

Уртак фикергә килә алмадык. Шунысы хак икән: ирләр белән хатыннар төрле туфрактан. Җенес белән генә аерылып тормыйбыз. Без, гомумән, төрле «вид»лар. Шуңа күрә дә күп очракта бер-беребезнең гамәлләрен аңлый алмыйбыз. Менә шуны истә тотсак, нервылар сау калыр. 

 «Ул бит хатын-кыз», «ул бит ир-ат» димәскә өйрәтәләр бүген. Күп кенә гамәлләр нәкъ аның төрле җенестәге кешеләр тарафыннан башкарылуы белән аерыла түгелме соң?.. 

 

Сез моның белән килешәсезме? 
 

Поделиться:
Комментарийлар (2)
Cимвол калды:
  • 19 июнь 2021 - 09:10
    Без имени
    Ирегез чүп түгә, почта ящигын карый, аның өстенә ашарга пешерүдә дә катнаша икән, тагын сез ни көтәсез аңардан?!Эшлидер бит?! Иртән жыенып документ-телефоннарын онытмыйча чыгып китә алсалар бик рәхмәтле булырсың ирләргә, аларны табигать шулай яраткандыр күрәсең.
  • 19 июнь 2021 - 07:00
    Без имени
    Бик килешәм
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7192
    7
    65
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4469
    0
    43
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2942
    4
    36
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    4830
    0
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9636
    6
    35
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар