Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСөендерер идем... → Татарстан Республикасы Президентының Бөек Ватан сугышында Җиңүнең 74 еллыгы уңаеннан МӨРӘҖӘГАТЕ

Татарстан Республикасы Президентының Бөек Ватан сугышында Җиңүнең 74 еллыгы уңаеннан МӨРӘҖӘГАТЕ

09 мая 2019
151 карау
Хөрмәтле татарстанлылар!

Кадерле фронтовиклар һәм тыл хезмәтчәннәре!

Сезне гомумхалык бәйрәме – Бөек Ватан сугышында Җиңүнең  74 еллыгы уңаеннан чын йөрәктән тәбрик итәм!

Сугыш уты көйдергән җиребездә Бөек Җиңү турында хәбәр алынган шатлыклы көннән бик күп дистә еллар узды. Әмма фаҗигале һәм героик бу чор вакыйгалары буыннар арасында рухи-патриотик бәйләнеш чылбырының какшамас бер өлеше булып хәтеребездә мәңге сакланыр.

Дошман явы безнең ил буйлап дәһшәтле давыл кебек узды, үз юлындагы меңнәрчә шәһәрне, ун меңнәрчә авылны җир белән тигезләде, егерме алты миллионнан артык кеше гомерен өзде. Кешелек тарихындагы иң коточкыч, канкойгыч бу орыш берәүгә дә – балаларга да, хатын-кызларга да, картларга да мәрхәмәт күрсәтмәде, күпмиллионлы халыкның  һәм һәркемнең йөрәгенә төзәлмәслек тирән яра салды.

Бөтен ил бер булып фашизмга каршы изге көрәшкә күтәрелде. Фронтта, рәхимсез ачлык буып алган Ленинград камалышында, тылда – көн-төн тынып тормый торган станоклар артында, колхоз кырларында һәм конструкторлык бюроларында –  һәркайда совет кешеләре мәмләкәтебез азатлыгы өчен үз-үзләрен аямыйча көрәште, шул рәвешчә Җиңү Көнен якынайтуга өлеш кертте.

Татарстаннан гына да җиде йөз меңнән артык кеше фронтка китте, шуларның яртысы диярлек туган нигезенә әйләнеп кайта алмады. Муса Җәлил, Михаил Девятаев, Мәгубә Сыртланова, Петр Гаврилов, Гани Сафиуллин, Николай Столяров, Гази Заһитов һәм язмышлары каһарманлык, хәрби бурычка тугрылык үрнәге булып торган  шундый тагын бик күпләрнең исеме мәңгелек данга күмелде. Муса Җәлилнең тоткынлыкта язган шигъри юлларын моңа мисал итеп китерергә була: «Батыр үлә, үлмәс ат алып, батырлыклар белән макталып. Исмең калсын, үзең үлсәң дә, тарихларда укып ятларлык»!

Бүген без һәлак булган каһарман сугышчыларның якты истәлегенә баш иябез, арабызда яшәүче фронтовикларга һәм тыл хезмәтчәннәренә тиешенчә олылау һәм зурлау күрсәтәбез. Хөрмәтле ветераннар, батыр, хезмәт сөючән, зирәк булганыгыз,  республикабыз тормышында актив катнашуыгыз өчен сезгә бик зур рәхмәт! Озын гомерле булыгыз!

Безнең туган җиребез башка беркайчан да сугыш афәтен күрмәсен, хатыннар  һәм әниләрнең, балаларның кайгы-хәсрәттән күңеле сызмасын! Ватаныбыз, геройлар васыять иткәнчә, хөрлектә һәм тынычлыкта яшәсен!

Сезгә чын йөрәктән  бәхет, игелек һәм иминлек телим! Бөек Җиңү бәйрәме мөбарәк булсын!

Татарстан Республикасы Президенты  Р.Н. Миңнеханов

Фото: http://president.tatar.ru
www.pixabay.com

 
«Сөендерер идем...» дип уйлап йөрү дә әйбәт. Әмма сөендереп әйткән һәр сүз тәрәзәдән очып кергән ак күгәрчен кебек көтелмәгән була бит ул. Бәйрәм яки юбилей белән котлау, хәтта мәхәббәт аңлату, шатлык уртаклашу яки болай гына – җанда җылы булганга күрә генә әйбәт, ягымлы сүз әйтү мөмкинлеге бирә сайтыбыздагы бу тәрәзә.
Сез аның аша җанга якын, кадерле кешеләрегезне сөендерә аласыз. Күңелегездә шундый ниятегез бар икән, моның өчен:
  • Якыныгызны сөендерәчәк сүзләрне язып, редакция адресына юллагыз (котлыйсы кешегезнең исем­фамилиясен төгәл күрсәтергә онытмагыз).
  • Котларга теләгән якын кешегезнең сыйфатлы фотосын да хат белән салсагыз, сайтка котлавыгызны аның рәсеме белән бергә урнаштырырбыз.
  • Хат, фотоны электрон адресыбызга җибәрә аласыз – ssuum@yandex.ru.
  • Элемтәгә керү өчен телефоныгызны күрсәтсәгез бик рәхмәтле булырбыз.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com