Слайдер

  • 19 февраль 2021 - 12:32
    Укучыга таба яңа адым: «Сөембикә»нең февраль санын тәкъдим иттек 
    <p><span style="font-size:14px;">Кичә Татарстан милли китапханәсенең яңартылган бинасында Сөембикә» журналының февраль санын тәкъдим итү кичәсе булып узды. </span></p> <p><span style="font-size:14px;">Җылы, ихлас кичә булды ул! </span></p> <p><span style="font-size:14px;">Кунаклар итеп журналның февраль санын бизәүче геройларыбыз чакырылды. Алар арасында «Хатлар йорты» проекты авторы Энҗе Садыйкова, шагыйрә Шәмсия Җиһангирова, Г. Камал исемендәге Татар дәүләт академия театры артисты Илдус Әхмәтҗановлар бар иде. </span></p> <p><span style="font-size:14px;">Февраль саны белән укучыларыбызга бүләк – открытка килде. Әлеге уңайдан, «Сөембикә» журналының бу айдагы тышлыгын бизәгән Энҗе Садыйкова: «Журналның тарихи саны чыкты дияргә була, чөнки әлегә кадәр журнал эчендә конверт белән тәбрикләмә-хат килгәне юк иде. Бу безнең өчен дә зур вакыйга, журнал индустриясе өчен дә яңа сулыш», – диде. Әлеге тәбрикләмә күпләрне хат язышуга этәрер, илһамландырыр дип өметләнә ул. </span></p> <p><span style="font-size:14px;">Кунаклар арасында редакциябезнең күптәнге дусты, җырчы һәм җәмәгать эшлеклесе, Татарстанның халык артисты Гөлзадә ханым Сафиуллина да бар иде. Ул үзенең иҗаты һәрвакыт «Сөембикә» битләрендә яктыртылып килүе турында әйтте. Сүз уңаеннан, 2021 елның тышлыклар галереясен аның кызы, галимә Резеда Сафиуллина башлап җибәрде. </span></p> <p><span style="font-size:14px;">Тәкъдим итү кичәсенә килүчеләр Шәмсия Җиһангированың шигырь укуын, җырлавын, яшь, өметле җырчы, Халыкара бәйгеләр лауреаты, Г. Тукай исемендәге татар дәүләт филармониясе солисты Илгиз Мөхетдинов чыгышын, Татарстанның атказанган җырчысы, фестивальләр лауреаты Гөлшат Имамиеваның җырлавын яратып тыңладылар. Илдус Әхмәтҗанов укыган шигырьләр һәрвакыттагыча йөрәкләргә үтеп керерлек булды. <br /> Февраль санының тагын бер герое – җырчы Илсөя Бәдретдинова белән кунаклар экран аша очрашты. </span></p> <p><span style="font-size:14px;">Фикер алышулар вакытында сүз кабат бу санның төп темасына – хатларга әйләнеп кайтты. Редакциябездә ике дистә елдан артык эшләгән язучы Марат Әмирханов үзе алган беренче хатны искә төшерде. Аны барыбыз да елмаеп тыңладык: </span></p> <p><span style="font-size:14px;">Беренче класста укыган чагым иде, – диде ул. – Сыер сакларга барган җирдә күрше кызы кулыма хат тоттырып китте. Өйгә кайткач, ачып укыдым. «Мин сине яратам!» – дип язган. Чәчәкләр ясаган... Миннән дә бәхетсез кеше булмагандыр бу минутта. Оятын кая куясың – кызлар хат язсын әле... Инде бу хатны кая куярга дип аптырадым. Утын әрдәнәсенә чыгарып яшердем, аннан башка җиргә күчердем. Ахырда әнкәй күрмәгәндә утка яктым...</span></p> <p><span style="font-size:14px;">Шагыйрә Гөлзадә Бәйрәмова да кичәгә килер алдыннан көне буе хатлар укыган – хәтирәләр белән яшәгән:</span></p> <p><span style="font-size:14px;">– Әнинең үземә язган хатларын саклыйм, – диде ул. – Бүген шул хатларны кабат укыдым. Сагынулар яңарды... Әнинең миңа бүләк иткән брошкасы бар. Күптәнге инде ул. 70-80 еллар бардыр аңа... Шуна тагып килдем әле...<br /> «Сөембикә» журналының баш мөхәррире Лариса Маликова кичәне башлап җибәргәндә үк: «Мондый очрашулар хәзер даими булыр, дип өметләнәбез, – диде. – 1970 елларда «Азат хатын» журналы редакциясе каршында «Кызыклы очрашулар клубы» эшләп килгән. Аны журналның ул чактагы баш мөхәррире Асия Хәсәнова оештырган. Казанның һәркемгә билгеле кафеларның берсендә узган ул. Без шул традицияне яңартырга телибез». </span></p> <p><span style="font-size:14px;">Гөлнур ХӘСӘНШИНА</span></p> <p><span style="font-size:14px;">Фото: Анна Арахамия</span></p>
  • 29 декабрь 2020 - 16:03
    Венера Ганиеваның ире, тавыш режиссеры Камил Фәйзрахмановны соңгы юлга озату
    <p>фото: Салават Камалетдинов</p> <p> </p> <p>Венера Ганиеваның ире, танылган тавыш режиссеры Камил Фәйзрахмановны бүген Курган зират комплексында  җирләделәр. </p> <p> </p> <p>Аның белән хушлашу Мәрҗани мәчете ишегалдында узды.  Хушлашу сүзләре әйтелгәннән соң Венера Ганиева ирен озатырга килүчеләрнең барысына да рәхмәтләрен җиткерде. </p> <p> </p> <p>Венера ханымга килгән югалтуның зурлыгын аңлау авыр түгел... Ходай аңа сабырлыкның да зурысын бирсә иде. Кайгысын чын күңелдән уртаклашабыз...</p> <p> </p>
  • 30 октябрь 2020 - 13:45
    Беренче дулкын. Өмет, курку, хисләр
    <p>«COVID– 19». Узган ел без мондый сүзне белми идек әле... Илләр, кыйтгалар ачык иде. Килер бер көн, ниндидер күзгә күренмәс вирус аркасында чит илләргә түгел, күршедәге паркка чыгып керү дә тыелыр дигән уй башыбызга да килмәде. Вирусның алга таба да таралуына юл куймас өчен, хөкүмәт әнә шундый кискен чаралар кабул итәргә мәҗбүр иде. Күпләр моны аңлады. Ул көннәр, яман төш кебек, инде үткәнгә күчә бара. Авырлыклар узар, ләкин күзгә күренмәс бу дошман белән алгы сызыкта торып көрәшкән табибларга булган ихтирам, аларның фидакарьлеге онытылмасын иде. <br /> Бүген «ТАТМЕДИА» акционерлык җәмгытенең галереясында ачылган фотокүргәзмә безгә шул көннәрдә кичергән курку һәм өмет турында, алгы сызыктагыларның биниһая батырлыгы турында сөйли. Әлеге фотоларның авторлары – «Татар-информ» мәгълүмат агентлыгы фотографлары. </p>
  • 7 август 2020 - 15:16
    Татарстан журналистикасы тарихы – фотоларда
    <p>Казансу елгасын чыккач та, тәрәзәләрендә кояш чагылган бер биек бина бар. Бүген ул «ТАТМЕДИА» дип атала Совет елларында әлеге комплекс «Татар гәзит-журнал нәшрияты» дип  йөртелде. Полиграфия-нәшрият комплексы үз ишекләрен рәсми рәвештә 1971 елда ача. Беренче гәзит-журналлар исә 1972 елның 1 гыйнварыннан басыла. Шул көннән башлап бүгенгәчә монда эш гөрли. Редакцияләрдә кызыклы язмалар туа, типографиядә станоклар шаулап эшләп  тора: республика халкы гына түгел, илебезнең төрле почмакларына, хәтта чит илләргә үк барып җитүче газета-журналлар шушында дөньяга килә. Үзгә мохит монда. Гомумән, журналист халкы үзгә халык. Сезгә тәкъдим итәсе бу фотолар – совет Татарстаны журналистлары турындагы фотопоэма. ТАССР медиасына Эдвард Хәкимов, Фәрит Гобәев һәм Рамил Галиев күзе белән багыйк әле. Бүген «ТАТМЕДИА» бинасында ачылган фотокүргәзмә үзе дә шулай атала:«Фотопоэма о журналистах советской Татарии».</p>
  • 29 май 2020 - 09:37
    Бу – безнең уртак тарихыбыз
    <p lang="ru-RU"><font size="4">Журналистикага ул 33 ел гомерен багышлый. Дистәләгән еллар дәверендә аның фоторәсемнәре бик күп күргәзмәләрдә урын ала, төрле бәйгеләрдә җиңүләр яулый. 1986 елдан алып 2016 елга кадәр ул Россия һәм чит ил матбугат чараларында эшли. </font></p> <p lang="ru-RU"><font size="4">Сүзнең кем турында баруын, бәлки, аңлагансыздыр. Ул – Россия һәм Татарстан фоторәссамнар берлекләре әгъзасы, Татарстан Республикасының Атказанган матбугат һәм массакүләм коммуникацияләр хезмәткәре, «Татар-информ» мәгълүмат агентлыгы фотокорреспонденты Рамил Гали. </font></p> <p lang="ru-RU"><font size="4">«Татмедиа» бинасында бүген аның чираттагы күргәзмәсе ачылды. Уникаль аклы-каралы фотосурәтләрдә үзгәртеп коруның катлаулы чоры чагылыш тапкан: суверенитет һәм дин тоту иреге өчен көрәш, икътисадый кичерешләр, «Казан феномены»... Аның фоторәсемнәрендә тирән фәлсәфи мәгънә ята. Әлеге фотолар ТАССРның шул чор портретын сурәтли.</font></p>
  • 27 май 2020 - 13:23
    Журналыбыз архивыннан
    <p>Бүген «Татмедиа» бинасының беренче катында ачылган күргәзмә  – «Сөембикә» тарихында беренче: тамашачы игътибарына шушы архивта сакланучы журнал тышлыкларыннан экспозиция тәкъдим итәбез. Бу әлеге архивның бик аз өлеше генә. Күргәзмә ТАССР төзелүгә 100 ел тулу уңаеннан оештырыла.<br /> «Сөембикә» журналы (1927–1991 елларда – «Азат хатын») 1913 елда хатын-кызлар өчен һәм хатын-кызлар турындагы журнал буларак нәшер ителә башлый. Журналның тышлыгын бизәүче татар хатын-кызлары портретлары галереясы саннан-санга тулылана, байый барган. Без бу яктан бәхетле: редакциядә әлеге уникаль архив бар, саклана, һәм без аңа әледән-әле мөрәҗәгать итеп торабыз. Бүген «Татмедиа» бинасының беренче катында ачылган күргәзмә исә – «Сөембикә» тарихында беренче: тамашачы игътибарына шушы архивта сакланучы журнал тышлыкларыннан экспозиция тәкъдим итәбез. Бу әлеге архивның бик аз өлеше генә. Күргәзмә ТАССР төзелүгә 100 ел тулу уңаеннан оештырыла: безнең тышлыкларда авыл хезмәтчәннәре, республиканың «Оргсинтез», «Мэлита», «Чистай сәгать заводы» кебек зур предприятиеләре эшчеләре, КАМАЗ төзүчеләр... Мәгүбә Сыртланова кебек Советлар Союзы Геройлары... Республикабыз үсеше өчен зур өлеш керткән күркәм затлар! Күргәзмәнең 8 Март – хатын-кызлар бәйрәме алдыннан ачылуы да юкка түгел, әлбәттә. Кем генә булсалар да, героиняларыбыз бит иң элек хатын-кызлар. Нәкъ менә көчле хатын-кызлар! Нинди генә көчле булсалар да, алар һәрвакыт чибәр һәм аларның көченең сере – көчсезлектә.</p> <p>P. S. Сез ул чорның сулышын тагын да яхшырак тойсын дип, рәсем асларындагы орфография һәм пунктуацияне үзгәртмичә бирәбез.</p>
  • 23 ноябрь 2019 - 17:58
    «Объективта – әни»
    Затлы кунаклар, якын дуслар, фото һәм шигырь сәнгате атмосферасында «Объективта – әни» фотокүргәзмәсе ачылды! «Казан Кремле» музей-тыюлыгының «Манеж» Күргәзмәләр залын баласын әле генә кулына алган, саллы тормыш юлы узган, нигездә ялгыз калган, нәни улына сыенган, кечкенә кызлары белән серләрен бүлешкән, якты, матур, уйчан, дөньяны назга күмгән Әниләрнең фотосурәтләре бизи хәзер. Аларның һәрберсе янында озак тукталып, әниләр турында аерым бер әсәр укып буладыр сыман. Бу күргәзмә – «Казан Кремле» музей-тыюлыгы, «Татарстан хатын-кызлары иҗтимагый оешмасы һәм «Сөембикә» журналының уртак проекты. Ул ноябрь аеның соңгы якшәмбесендә билгеләп үтелә торган Әниләр көне уңае белән оештырылды. Күргәзмә ачылышында РФ Дәүләт Думасы депутаты Ольга Павлова, Татарстан Президенты каршындагы мәдәниятне үстерүгә ярдәм фонды җитәкчесе Нурия Һашимова, «Татмедиа» республика матбугат һәм массакүләм коммуникацияләр агентлыгы җитәкчесе Айдар Сәлимгәрәев, «Казан Кремле» музей-тыюлыгы директоры Зилә Вәлиева, күргәзмәнең спонсоры, Inwells компаниясе җитәкчесе Радик Даешев һәм башкалар катнашты. Әлеге күргәзмәбез 12 декабрьгә кадәр эшли. Рәхим итегез, дуслар! Язма:
  • 23 август 2019 - 19:19
    Кешелек хакында фәлсәфи уйланулар, робот София һәм ипи
    Фото: Дмитрий Дудин Кичә «Казан-Арена» стадионында «Киләчәк синең кулыңда» шигаре белән һөнәри осталык буенча WorldSkills 45 нче дөнья чемпионаты ачылды.  Татарстан халкы мондый дөнья-күләм чаралар узуга өйрәнеп бетте бугай инде. Чемпионат ярышы ачылышына да зур шоу булуга өметләр баглап, тагын нинди мөгез чыгарырга була икән дип кызыксынып бардылар. Билгеле булганча,  Россия, бигрәк тә Татарстан үзенчәлекле булырга, шаккаттырырга ярата. Казан халкы мондый зур чараларда үзен тотарга да өйрәнеп бетте. Универсиада  ачылышында, кысыла-кысыла, халык агымы уртасында йөргән хәтердә.  Быел  исә бөтенләй башкача булды. Кешеләр стадионга җайлап, әкренләп кенә  тартылды. Әле рәсми рәвештә башлангач та  стадионда бик күп буш урыннар  бар иде. Чыгу да әллә ни авырлык тудырмады, чөнки халык рәсми чыгышлар вакыты җиткәндә таралыша башлаган иде инде. Килгән кунакларны  утыргычларда сюрприз көтә иде.  Һәр кеше үз кулы белән кәгазь тартма ясап, анда кечкенә генә бүләкләрен салды. Яктырткыч җиһазлар шул ук вакытта интерактив пульт та булды. Тамаша кылган  кешеләрнең фикерләрен белешер өчен сораштыруга да корылган иде.  Кызганыч, әлеге таякларны волонтерларга биреп калдыруны сорадылар, чөнки ул стадионнан читтә эшләми дип аңлаттылар. Ачылыш ярышка килгән ил командалары йөреше белән башланды.  Шунысы кызык: башка ярышлардан аермалы буларак, чемпионатта илләр генә  түгел, аерым провинцияләр дә катнашу хокукына ия.  Мәсәлән, Кытайдан  берничә төркем бар иде.  WorldSkills хәрәкәте киң таралган Татарстанга аерым төркем тупларга мөмкинлек ник бирмәделәр икән дигән сорау туды. Югыйсә Россиянең җыелма командасына күпме лаеклы кызларыбыз-егетләребез керми калды.  Гомумән, чемпионат ачылышында  Татарстан WorldSkillsның суррогат анасы хәлендәрәк калды кебек тоелды миңа. Чөнки ачылышта халыкара чемпионатның нәкъ менә Татарстанда үтүенә бөтенләй басым ясалмады.   Стадион уртасындагы  әйләндереп куелган өчпочмаклы корылма торгызылган. Аның әйләнәсендә – сәхнә. Тамашада өчпочмак элементлар күп иде. Әлеге төп пирамиданы америка психологы Маслоу өчпочмагы белән дә чагыштырдылар.  Аның исәбенчә, кешенең иң беренче ихтыяҗы –  ашау, соңгысы – эчке потенциалны ачу. Күрәсең,  чемпионат ачылышын куючы  режиссерлар  кешенең эчке потенциалын ачу мөһимрк дигән фикерне алга сөрде. Ул тамаша буена кызыл җеп булып сузылды. «17 яшемдә мин дөньяны үзгәртергә теләдем һәм кондитер булдым», – дип сөйләде спикерларның берсе.  Потенциалны ачу өчен мотивация кирәклеге ассызыкланды. Ә бу яраткан эшең белән шөгыльләнгәндә генә була ала. Ни дәрәҗәдә уңыш казануың  да тырышлыктан тора. Ачылышта кешенең җирдәге урыны һәм юлы турында фәлсәфи фикерләр бик күп яңгырады.  Тамашада мотивацион рух белән сугарылган чыгышлар күп булды. Мәсәлән,  Samsung  компаниясенең вице-президенты Пранав Мистри да шундый зур дәрәҗәгә җитәр өчен ике компьютер тычканын  сүтеп, жестлар тану буенча  җиһаз ясаудан башлаган хезмәт юлын. Спикерлар чыгышы җыр-бию белән үрелеп барды. Ёлка, Панайотов, Ян Гэ кебек Россия йолдызлары җырлады. Эшче һөнәрләрнең кәттәлеген ассызыклар өчен  яңа технологияләр дә кулланылды  тамашада. Әйләнеп торган сәхнәдән кала, телефоннарга махсус  кушымта йөкләргә кирәк иде. Әлеге кушымта виртуаль чынбарлык тудырырга мөмкинлек бирде. Стадионга телефон экраннары аша карасаң, йөзеп йөрүче китлар,  арена буйлап сибелгән алсу таҗларны күрергә мөмкин иде. Тамашаның иң кульминацион ноктасы,  мөгаен,  сәхнәгә робот Софиянең чыгуы булгандыр. Кытай робот-андроиды кешеләр белән әңгәмә кора ала. Ясалма интеллектлы роботның паспорты да бар.  Ул да фәлсәфи уйларга бирелә. «Кеше эмоцияләрен камилләштереп бетереп, акыллырак булсам да, сезне миннән нәрсә аерып торачак?» – дип сорый ул.  Шунда ук җавап бирә: «Мин беркайчан да кеше була алмаячакмын. Сез хыяллана беләсез, ә мин юк.  Сездә тумыштан килә торган иҗади потенциалны үзебездә булдыра алмыйбыз, чөнки яңа кызыклы әйберләргә кешеләрдән өйрәнәчәкбез».  Ә кешелеккә роботларга юл куймас өчен нишләргә кирәклеген  тамаша ахырында күрсәтелде. Пирамида ачылып, аннан  инструментлар җыелмасы тоткан кеше чыкты: «Сезнең инструмент – камиллеккә ачкыч», – диде пирамида телгә килеп. Тамашада безнең халыкның бер матур алым традициясе күрсәтелде. Ачылыш башында стадионга комбайн чыкты.  Ул әйләнеп йөргән арада, кешеләр, он тарттырып, ипи пешерде. Шул рәвешле,   Татарстан җиренә аяк баскан кунакларны ипи-тоз белән каршы алдылар.   Фәлсәфә белән сугарылган тамаша уйланырлык җирлек бирде, тик шоу Универсиада ачылышыннан күпкә кайтышрак иде. Эшче һөнәр ияләре бездә әле һаман да күбрәк  кул белән эшләгән кебек,  халык та шоуга килеп,  уйларга бирелеп утырырга әзер түгел иде бугай. 
  • 13 июнь 2019 - 20:02
    Балачак – уйнар чак...
    Ихлас, эчкерсез, самими... Балалар йөзендәге бу елмаюларны тасвирларга тагын нинди сүзләр табарга була икән? Җылы, ягымлы... Тагын – шаян, шук, хәйләкәр... Алар шундай төрле! Фотосурәтләрдәге малай-кызларны әйтәм. Берәүләр – зуррак, икенчеләргә әле үсәсе дә үсәсе. Мавыгулар бер-берсенә ошамаган: кемдер пластилиннан ниндидер яңа уенчык әвәли, кемдер сәхнәгә тамашачы алдына чыгарга әзерләнә, ә кемдер туп тибеп арып, ял итәргә туктаган... Аларга карыйсың да, үзеңне күрәсең. Бер гамьсез, бер уйсыз бәхетле балачагыңны... Таганына кадәр канатлы булган балачагыңны... Күкләр биек һәм зәңгәр, кояш – якты, җилләр – җылы, дуслар – күп һәм тугры... «Татмедиа» галереясында бу юлы «Салават күпере», «Ялкын» һәм «Сабантуй» журналларында иҗат итүче фоторәссамнар – Илназ Мөхәрләмов, Ринат Нәҗметдинов, Анна Арахамия һәм Владимир Васильев эшләре куелды. Якты, көләч фотосурәтләр! Фоторәссамнар тотып алган бу мизгелләрдә балаларның барысы да – бәхетле. Гел шулай булсын дип телисе килә: балалар һәм бәхет сүзләре янәшә торсын! Күргәзмә 31 майдан 10 июльгә кадәр эшләячәк.
Хәзер укыйлар
  • Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
    7746
    1
    106
  • Хәшәрәт – Әни, без Фәридә белән өйләнешергә булдык. Син каршы түгелсең бит, әйеме? Зөлфия, улының бу хәбәренә күптән әзер булса да, каушап калды. Бу минутта теленнән нинди генә сүз төшсә дә, ничектер урынсыз, ялгыш булыр кебек тоелды.
    6182
    1
    95
  • Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
    4965
    4
    76
  • Гомернең ике яры Бездә бүген – дебют! Гөлнур Сафиуллинаның дебюты! Ниһаять!.. Аның хикәяләр яза башлавын бик көткән идек без. Хәер, Гөлнурның журналист язмалары ук чын хикәя итеп кабул ителә: йә елмаеп, йә күз яшьләрен тыярга тырышып укыйсың... Ә геройлары үзенә охшаган: тыйнак, акыллы, сизгер күңелле, серле... Кечкенә генә бер сүзе, карашы, хәрәкәте белән дөньяларны үзгәртә, гап-гади тормышны ямьгә төрә белгән... Менә шулай! Хикәяләрендә – фәлсәфә, хисләр, сизгер хатын-кыз йөрәге, тагын әллә ниләр – кыскасы, өр-яңа халәт!
    4130
    5
    46
  • Карындашым – көндәшем  Язын чәчәк аткан алмагачның чәчәкләре ап-ак, бик матур. Ләкин нигә соң алмаларының тәме бертөрле түгел? Берсе баллы, ә икенчесе, карар күзгә матур булса да, эчендә – корт. 
    7377
    1
    43
Реклама
Соңгы комментарийлар