Атаклы аш-су остасы Фатыйма Мәҗитовадан корт кайнату рецепты

«Сөембикә» журналының июнь санында без уникаль шәхес – легендар аш-су остасы Юныс Әхмәтҗановның шәкерте – Фатыйма ханым Мәҗитова белән үзенчәлекле мастер-класс уздырдык. Аның үзенчәлеге шунда – Фатыйма ханым кайчандыр үзе уйлап чыгарып, хәзер татар кухнясында бик популяр булып киткән өлеш пешерергә өйрәтте. 
Бу юлы исә сайт укучыларыбызга аш-су остасыннан корт кайнату рецепты тәкъдим итәбез. 

Бик җиңел һәм чыгымсыз итеп корт кайнату

Күпләр корт кайнатуны авыр һәм четерекле дип уйлый. Ә сез Фатыйма Мәҗитова өйрәткәнчә әзерләп карагыз әле.
«Мин суыткычтагы бер генә әйберне дә әрәм итмим. Сөт каламы, катык, сметана яки аз гына эремчекме – барысыннан да корт кайнатырга куям. Хәтта әчи башлаган булсалар да ярый, барыбер тәмле була», – ди Фатыйма ханым. 
Калын төпле таба яки чуенга суыткычта нинди калдык сөт ризыгы бар – барысын да бушатып, өстенә бераз яңа сөт агызабыз да, кайнатырга куябыз. Кайнап чыккач, утны бик нык киметәбез. Ул шулай 8-9 сәгать беленер-беленмәс кенә кайнап утырырга тиеш. Ара-тирә болгаткалап алабыз. Кызара башлагач, тәменчә шикәр комы һәм атланмай өстибез. Шикәрнең балы чыгарлык булса, корт тәмлерәк була. Корт кызара, куера, суы кайнап бетә. Менә шуннан соң гына сүндереп, киңрәк табага киптерергә таратабыз. Шул килеш кенә суытып, туңдыргычта да сакларга була. Туңдыргычтагы корт нәкъ баллы туңдырма кебек, үзен генә ашарга бик тәмле, гөбәдия пешергәндә дә кулланырга ярый. 
Фатыйма ападан берничә сер:
Шикәрне мулрак салсаң, корт тизрәк кызара. 
Әзер корт өстәл өстендәге табада да яхшы кибә. Ара-тирә болгаткалап кына торырга кирәк. 
Корт эре бөртекле булса (эремчектән әзерләгәндә ул, гадәттә, эрерәк бөртекле була), кипкәч аны иттарткычтан чыгарырга яки кофемолкада вакларга мөмкин. 
Гөбәдия әзерләгәндә коры кортка бик аз гына сөт салып, берничә минут пешереп алсаң, ул йомшый, бик тәмле була. 
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Гөр-гөр килеп яшәү «Бар әле...» дигән эш барлыгын беләсезме? Без белми идек, Актаныш районы Пучы авылында аңлаттылар.
    3669
    5
    124
  • Мәмдәлнең катлаулы гаиләсе – Өйдә сигез көн авырып ятты. Температурасы төшмәде... Шул инде, коронавирус. Балалар Казанга алып киттеләр. Сыгылып кына төшеп калдым. Төяп алып кайтсалар дим... Бик курыктым! Аннан ике операция кичерде. Әй, берсе минеке инде аның... Барыбыз да рәхәтләнеп көлешәбез.  Әмма Гөлсия апа ялгышып әйтсә дә хагын әйтте: береңнең тәне авыртканда икенчеңнең җаны авырту шушы була инде. Сулар һаваң кебек кадерлегә әйләнгән кешең бит ул...
    1419
    5
    111
  • Җизнәм Көнозын елап ятам, миндә берәрсенең эше булсачы! Чынында еламыйм да инде хәзер, туйдым, күз яшьләре дә чыкмый, көчәнсәм дә.
    11016
    5
    75
  • Дуслыкның чиге бармы? Искән җил аның күлмәген тәненә сылады да, түгәрәкләнеп килгән корсагы сизелде. Ир моны күреп, тетрәнеп китте. Ул сүз әйтә алмаслык дәрәҗәгә җитте. Хатынының корсагыннан күзен ала алмады.
    6190
    0
    64
  • Көнче киленем Берничә көннән соң Алсу миңа үзе шалтыратты. «Әни, мин өй җыештырыр идем, Булат белән урамда йөрергә килә алмассыңмы», – диде. Ярты сәгать эчендә аларның ишек төбендә идем.
    4462
    1
    50
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан