Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»

Ноябрь, 2017

18 октября 2017
187 карау
Кучкар. Киләчәккә планнар кору, тормышны үзгәртү өчен менә дигән вакыт. Егәрегез дә җитәрлек, фикерегез дә ачык. Ниятләрегезне әлегә беркемгә дә белдерми торыгыз: көнләшеп, аяк чалмагайлары. 

Үгезбозау. Максатыгызга ирешү өчен бераз гына кыюрак һәм тәвәккәлрәк булырга кирәк. Эшегезнең нәтиҗәсен шунда ук күрергә хыялланмагыз, уңыш көттереп киләчәк. Ниндидер очрашуга җыенасыз икән, бармый кала күрмәгез. 

Игезәкләр. Нәрсәнең мөһимрәк булуын ачыклап, көчегезне шуңа багышлагыз. Башыгызга гениаль идеяләр килер, көчле һәм егәрле булырсыз. Талантыгыз ачыла торган вакыт. Эш һәм гаилә белән бәйле мәсьәләләр булса, уңышлы хәл ителәчәк.

Кысла. Тормышыгызны үзгәртер өчен, беренче чиратта, фикерегезне үзгәртергә кирәк. Нәтиҗәләр ясар һәм элек җибәргән хаталарны төзәтер өчен яхшы вакыт. Көчегезне алучылар белән вакытлыча гына булса да араларны суытыгыз.

Арыслан. Бөтен игътибарны гаиләгезгә багышлагыз. Тормышның һәр өлкәсендә уңыш елмаячак. Сездән бераз түземлек, тырышлык кына сорала. Кемдер ярдәм тәкъдим итә икән, баш тартмагыз, аның язмыш бүләге булуы бар.

Сөмбелә. Мәшәкатьләрне авыр кабул итә торган гадәтегез бар. Чынлыкта, бар да алай начар түгел. Бәхәсләргә кермәскә тырышыгыз. Килешми торган нәрсәләр булса да, иң яхшысы – елмаеп кына кую. Әлегә рухи тынычлыгыгыз барысыннан да мөһимрәк. 

Бизмән. Намусыгыз һәм омтылышларыгыз белән тулы килешүдә булырсыз. Барысына да җитешим дип, үзегезне көчләмәсәгез иде. Үтә мөһим мәсьәләләрне хәл итүне яхшырак вакытка калдырып торыгыз. Тирә-юнегездә бара торган вакыйгалар рухи көчегезне киметергә мөмкин. 

Чаян. Айга бер генә көн булса да үз рәхәтегезгә яшәп карагыз әле. Сезнең өчен бик тә мөһим бу. Театрга яки концертка барып кайтыгыз. Кышка әзерләнү өчен сезгә якты хисләр, күңелле кичерешләр кирәк. Яңа кием-салым алу, кая да булса барып кайту өчен дә яхшы вакыт.

Укчы. Эшегез күп, барысына да җитешүе кыен. Шуңа да якыннарыгызның ярдәменнән файдаланырга кыенсынмагыз. Айның беренче яртысында көтелмәгән кеше белән очрашуыгыз яки сәфәргә чыгуыгыз ихтимал. Моның бәхетегезгә таба илтүче юл булуы мөмкин.

Кәҗәмөгез. Уңышлы ай. Әмма язмыш бүләге белән ятлар алдында мактанмагыз, күз тидерүләре ихтимал. Ирешкән уңышларыгыз рухыгызны ныгытып, яңа эшләр башларга көч бирер. Моңарчы хыялланып кына йөргән нәрсәләрне чынга ашырыр өчен җай килеп чыгар.

Сукояр. Ияләнгән тормышыгызга үзгәрешләр килеп керер. Айның беренче яртысы күңелле вакыйгалар, истәлекле очрашулар белән хәтердә калыр. Ниятләрне чын итәр чак бу. Мөмкинлекләрне вакытында күреп алып, кулдан ычкындырмасагыз иде. 

Балык. Алдыгызга олы максатлар, зур бурычлар куюдан курыкмагыз. Хәтта мәңге тормышка ашмаслык булып тоелсалар да. Язмыш сезгә бүләк әзерли – нинди генә эшкә тотынсагыз, да җиңел генә башкарылачак. Шуңа күрә форсаттан файдаланып калырга кирәк. 

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy