Хатын-кыз сәламәтлеге буенча үзегезне кызыксындырган сорауларыгыз булса, языгыз. Сезнең сорауларга ТР Сәламәтлек саклау министрлыгының баш белгече, акушер-гинеколог Гайнанова Наилә Наил кызы җавап бирә.
Җенси якынлык вакытында смазка аз була. Корырак тора. Микрофлораны элеккеге хәленә китерү өчен нинди свеча кулланып карарга икән? (Роза, Казан)
Нинди дару кулланырга кирәклеген белү өчен башта хатын-кызлар консультациясенә барырга, табибка күренергә, аналык җиңсәсеннән мазок тапшырырга кирәк (на степень чистоты и биотоп влагалища). Ул очракта Сезнең аналык җиңсәсендә нинди флора барлыгы ачыклана hәм аны ничек савыктыру, сәламәтләндерү турында табиб җавап бирә алачак.
