Яңа саныбыз кояшлы апрельнең үзе шикелле!

5 апрель 2022

1961 елның 12 апреле! Кешелек тарихындагы иң истәлекле көннәрнең берсе – Юрий Гагаринның Җир шары тирәли беренче кат әйләнеп чыккан көн. 10 тулып 55 минутта Саратов өлкәсенең Смеловка авылы янындагы кырга төшкән космонавтны бәләкәй оныгы белән татар апасы каршы ала. Соңыннан бу вакыйганы Гагарин үзенең «Дорога в космос» китабында да яза. Истәлекләрдә телгә алынган Анна Акимовна Тахтарова һәм аның оныгы Рита чынлыкта татар кешеләре – Әнихәят Аким кызы белән, алты яше дә тулмаган Румия була. Румия ханым Нурсканованың хатирәләре «Тормышны үзгәрткән бер көн» язмасында. Авторы Зилә Нигъмәтуллина.
«Качаклар язмышы» – Донецк, Луганск, Горловка якларыннан Казанга кайтырга мәҗбүр кешеләр турында. Атышлар барган җирдән бер сумка белән генә меңнәрчә чакрымлы юлга чыгып китүчеләрнең тарихлары анда. Чулпан Галиәхмәтованың бу язмасы берәүне дә битараф итмәстер.

Әниләр авырмый бит алар, аларга авырырга ярамый... Ә менә авырып китсә?  Балаларны мөстәкыйльлеккә ничек өйрәтергә соң? Ләйсән Рәхмәтуллинаның «Мөстәкыйль тормыш» язмасында әлеге сорауга җавапны бергәләп эзлибез.

Кейтеринг – ризыкны өйгә китерү һәм ресторанча хезмәт күрсәтү дигәнне белдерә.  «Татар кейтерингы» хуҗабикәсе Альбина Фәсхиева оештырган хезмәтнең башкалардан аермасы – аш-суларның милли һәм хәләл булуында. «Иң кайнар ризык» язмасында журналист Гөлнур Сафиуллина Альбина ханым белән әлеге эшнең нечкәлекләре турында сөйләшә.  

Әҗәткә акча биреп торып, соңыннан терсәкне тешләмәс өчен, нәрсә эшләргә? Займ килешүе белән расписканың кайсы ышанычлырак? Финанс белгече Ләйсән Халикова белән финанс белемен өйрәнәбез.

Балалар шагыйрәсе Йолдыз Шәрапованы белмәгән кеше юктыр. Татарның Агния Бартосы диләр аны, ә язганнарын «әниләр шигыре» дип бәялиләр. Эльмира Закированың «Йолдыз» язмасын укыгач, сез үзегез өчен  тагын бер Йолдыз ачарсыз. Шагыйрәнең бөтен язмышы анда.

«Сагыну» – «Килен һәм кайнана» конкурсындагы чираттагы язма әнә шулай атала. 1977-1988 елларда «Азат хатын» журналының баш мөхәррире булып эшләгән Венера Ихсанова турында ул. 30 ел кайнана белән дус-тату яшәү серләрен Венера апаның килене Энҗе Фәйзрахманова яза. Кайнанасын иң җылы хисләр белән искә алып, яратып яза ул...

Бу санда кадерле укучыларыбызга берьюлы ике хикәя тәкъдим итәбез. Берсе – Ләбиб Леронның «Юл читендә»  хикәясе. Икенчесе – «Ак туфлиләр» – Лилия Гыйбадуллинаныкы. Сания Әхмәтҗанованың иҗаты да шигырь сөючеләрнең күңелләренә хуш килер дип ышанабыз.

Гадәттә сәхнә кешеләрен күбәләккә тиңлиләр. Имеш, бер кайгысыз, матур тормышта көн итәләр. Артистларның да шатлык-кайгылары, яшь аралаш елмаеп уйнаган вакытлары бар.  Г. Кариев исемендәге татар дәүләт яшь тамашачы театры актрисасы, Татарстанның атказанган артисты Рәмзия Закирҗанова белән бу хакта ачыктан-ачык сөйләшәбез.

«Зәр-зәр-зәрәгә!
Иртә торып, берсекөнгә – сөрән!
Абыстайлар, түтәйләр,
Чыгарыгыз күкәйләр!» Сезнең якларда да шулай такмак әйтеп, балалар карга боткасына ярма җыямы әле? «Гореф-гадәт» сәхифәсендә халкыбызның борынгы йолаларының берсе – карга боткасы турында.

Быел ураза 2 апрельдән башлана. Ифтар табыннарына куяр өчен, аш-су остасы Венера Арсланова яшелчәле, итле самса рецептын тәкъдим итә. Һичшиксез пешереп карагыз әле, ошар ул сезгә.
Һәм, әлбәттә инде, табиб киңәшләре, матур булу серләре, гөлләр үстерү, гороскоп, нервларның тынычлыгына тест – болар барысы да яңа саныбызда.

Исегезгә төшерәбез, хәзер «Сөембикә» журналын Wildberries, Яндекс.Маркет, «Ozon»«Татмедиа» онлайн кибетләрдән дә сатып алырга була.

Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7195
    7
    65
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4472
    0
    43
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2944
    4
    36
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    4841
    0
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9638
    6
    35
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар