Март саныбыз! 

9 март 2022

Март саныбыз! 

Журналның март саны тышлыгын Рәмзия Рафыйкова рәсеме бизи. Ул яшәгән Тәтештә бу эшмәкәр ханымны принцесса Диана дип йөртәләр.  Тышкы кыяфәте белән  принцесса Дианага охшаганга гына түгел. Шундый ук тырыш, булдыклы һәм кешелекле ул. Рәмзия ханым Тәтештә берничә кафе хуҗасы. Җәен көн саен күпләп туристлар килгән шәһәрдә бер генә матур, уңайлы кафе да булмавына борчылып тотына ул бу авыр һәм катлаулы эшкә. Беренче кафены үзенең фатирында ача. Аңа чират тезелүен күреп, дәртләнеп, икенчесенә тотына. Шәһәрне иске ярым җимерек бинадан да коткара, тирә-юнен чәчәкләргә дә күмә. Үз куллары белән матурлык тудыра белә ул. Аның кафелары башка кафеларга охшамаган, үз атмосфералары бар, менюлары стандарт түгел. Аның хакында язылган «Тәтеш принцессасы» дигән язманы һәркем бу ханымга сокланып укыр.
Авторы – Эльмира Закирова. 

«Югалтуны онытып булмый. ӘММА ТОРМЫШТА БУЛГАН ЮГАЛТУЛАР, КЫЛГАН ХАТАЛАР СИНЕ ҖИҢМӘСЕН. Бу хакта һәрвакыт уйлап йөрергә кирәк түгел. 
АТА-АНАЛАР БАЛАЛАРЫ ӨЧЕН ҖАВАПЛЫ. Әгәр ата-ана җаваплылык тоймый икән, мәктәп кенә моны хәл итә алмый.
ХАТЫН-КЫЗЛАРГА КОМПЛИМЕНТЛАР ӘЙТЕРГӘ КИРӘК. Аларга да күңелле, сиңа да рәхәт». 
Татарстан Президенты Рөстәм Миңнехановның тормыш кагыйдәләреннән бу юллар. Март аенда Татарстан Президентының юбилее – аңа 65 тула. Шул уңайдан Чулпан тГәлиәхмәтова, матбугатта төрле елларда чыккан интервьюларыннан файдаланып, аның тормыш кагыйдәләрен әзерләде. Аның тирән мәгънәле фикерләре белән танышу һәркемгә кызык булыр.

Проза-поэзия яратучылар бу санда Ләлә Сабированың «Өлгерәсе иде!..», «Таяныр талларың булмаса» дигән хикәяләре һәм шагыйрә Таңчулпанның шигырьләре белән таныша ала. 

Үсмерлек чоры. Ата-ана өчен иң зур сынау вакытыдыр бу, мөгаен. Сүзеңне тыңлап, һәрвакыт яныңда сырпаланган бала көннәрдән бер көнне бөтенләй үзгәрә дә куя. Аның инде үз дөньясы... Бала белән бәйләнешне ничек саклап калырга? Үсмер белән үзеңне ничек тотарга? Бу сорауларга җавап табар өчен журналыбызда яңа рубрика ачтык. «Гаиләдә – үсмер» дип атала ул.  Безнең геройларыбыз тәҗрибәсе ярдәм итми калмас. Әни кешенең генә түгел, үсмернең фикерен дә тыңлыйбыз.  Бу сандагы кунагыбыз – Г. Камал исемендәге Татар дәүләт академия театры актрисасы, Татарстанның атказанган артисты Алсу КАЮМОВА һәм аның кызы НӘРГИЗ.
 
 60 нчы еллар... Тарихка бик матур вакыйгалар белән кереп калган чор ул. Юрий Гагаринның космоска очуы, яшьләрнең Высоцкий, Окуджава иҗаты белән кызыксынулары, яңарыш, үзгәрешләр... Ә менә СССР белән Кытай чигендә, Казакъстан белән кисешкән урынында барган дулкынлануларны илнең башка почмагында яшәүчеләр сизми дә калгандыр. Ул вакыйганың үзәгендә булганнар өчен алтмышынчы еллар бик күп фаҗига, тетрәндергеч сынаулар алып килгән. 
Шундый кешеләрнең берсе – Руман апа Йосыпова. 1959 елда Кытайның Кургаз шәһәрендә туа ул. Руман апаның әби-бабасы Казакъстанга якын урнашкан Чәүчәк шәһәрендә яшәгән. Кургазга балалары янына килеп-китеп йөргәннәр. Руманга ике яшь ярым чакта әбисе кунакка килә. Көтеп алган олы оныкларыннан бер дә аерылырга теләми әбисе. Үзе киткәндә аны да алып китәргә уйлый – оныгын озак күрмәгән бабасына да күрсәтәсе килә. Әсхәт абый, әнисе белән кызын алып, алар яшәгән Чәүчәк шәһәренә озата китә. Нәкъ шул вакытта Кытайда яшәүчеләр күпләп күченә башлый һәм кинәт чикләрне ябалар: солдатлар беркемне чыгармый... Бу язмышның дәвамын «Чикнең теге ягында» дигән язмадан укырсыз. 
Авторы – Алсу Шакирова.

8 Март – Халыкара хатын-кызлар көне дә килеп җитте. Ир-атлар: «Нәрсә бүләк итик?» – дип баш ватадыр. Сезнең үз кулыгыз белән әзерләгән ризык һәр хатын-кзы өчен иң зур бүләк була ала. Бу санда мастер-класста «Татарстан-Яңа гасыр» телеканалының спорт редакциясе мөхәррире, Алмаз Гафиятов брауни  пешерергә өйрәтә.  Тиз һәм җиңел рецепт.  «Янына чәчәк бәйләме дә өстәсәгез, «Иң яхшы котлау» буенча алтын медаль – сезнеке!» – ди Алмаз. 

Исегезгә төшерәбез, хәзер «Сөембикә» журналын Wildberries, Kazan Express, Ozon, Яндекс Маркетта«Татмедиа» онлайн кибетеннән  да сатып алырга була. 

Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7193
    7
    65
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4471
    0
    43
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2944
    4
    36
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    4833
    0
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9636
    6
    35
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар