Август саны! 

3 август 2022

Бу саныбызның тышлыгын Рәзинә ханым Хисаметдинова бизи. Буа картлар һәм инвалидлар интернат-йортының директоры ул. «Мондагы әби-бабайларны күргәч, күзгә яшьләр килә иде. Хәзер дә шул ук мохит, ләкин без үзебезне башкача тотарга өйрәндек. Аларга күз яшен күрсәтергә ярамый. Шуңа күрә елыйсы килсә, урамда елап бетерәбез, алар янына елмаеп керәбез», – ди ул. Гомерләрен менә шулай хөкүмәт йортында үткәрергә мәҗбүр булган әби-бабайлар янында елмаеп кына йөргән директорның эчендә исә нинди утлар яна, интернат-йортта адым саен туып торган проблемаларны чишү өчен ул кайдан көч ала, эш белән гаиләне тигез итеп алып баруга ничек ирешә – «Диңгез күзле ут Рәзинә» дигән язма әнә шул хакта. 

«Түбәтәй» кафесында булмаган, аларның ризыкларын авыз итеп карамаган кеше сирәктер. Бу санда «Түбәтәй» заманча хәләл туклану челтәренә нигез салган эшмәкәр Солтан Сафинның тормыш кагыйдәләре белән танышырга мөмкин. Аның сезнең күңелгә дә ошаган фикерләрен тапмый калмассыз. Менә берсе: «Елмаю да сәдака. Кешегә елмайдыңмы, ул инде әҗер-савап булып тора. Чөнки ул – ихласлык. Миллионлап акча бирүең ихлас булмаска мөмкин, ә елмаюның кыйммәте күбрәк тә булырга ихтимал», – ди Солтан. Килешәсездер бит?! 

Актаныш районы Киров авылында яшәүче Венера һәм Алмас Сабитовларга 13 (!) бала әти һәм әни дип дәшә. Юк, алай гына да түгел, «әтием» һәм «әнием» дип! Чын күңелдән әйтәләр! 13 баланың өчесе – үзләре табып үстергәне, калганнары... Алары да үзләренеке! Балаларның һәркайсы белән сөйләшеп, иң бәхетле көннәре турында сораштык. Кайбер олылардан да күбрәкне кичерергә өлгергән бу малай һәм кызлар кайсы көнне «бәхетле» дип атый? Ә әниләренең – Венера ханымның бармы андый көне? «Иң бәхетле көнем...» дигән язма шул хакта.

Күпләр намазга басмауларын: «Күрәсең, миңа әле вакыт җитмәгән», – дип аңлата. Мондый кешеләргә үз-үзләрен вакыт җиткәнгә ничек инандырырга? Гомумән, намазга басу-басмауның вакыты җитү кешенең үзенә генә бәйләнгәнме, әллә юкмы? Бу сорауларга җавап эзләүчеләр, мөгаен, сезнең арада да бардыр. Әгәр шулай икән, журналыбызның август саныннан «Туган авылым» мәчете имам-хатыйбы Илнар хәзрәт Зиннәтуллинның җавабын эзләгез. 

«Нинди гаиләгә килен булып төшүемне бусагадан ук аңладым: кайнанам үзенә бер кояшлы утрау, сүнмәс учак шикелле тоелды миңа». «Гыйльфановлар килене мин!» дигән язма шулай башлана. Матур, җылы язма! Гыйбрәтләр белән тулы язма... «Килен һәм кайнана» дигән бәйгебез дәвам итә. Аңа әле сез дә катнашырга өлгерәсез. Иреңнең әнисе үзеңнекеннән тары ярмасы кадәр генә ким булырга тиеш, диелгән динебездә. Ә сез моңа ничек ирештегез? Нинди сынаулар, нинди юллар аша уздыгыз – бүлешегез әле. Хатларыгызны көтәбез! 

Хәдичә хәзрәтләре үлем түшәгендә ятканда, Мөхәммәд пәйгамбәребез аның янына килә һәм хәл-әхвәлен сораша, аннан болай ди: «Хәдичә! Анда баргач, синең кыямәттә көндәшең булачак – фиргәвен кызы Асия белән Мәрьямне күрерсең... Аларга миннән сәлам әйт!» 
Хәдичәне соңгы юлга озатканнан соң, кызы Фатыйма әтисеннән:
– Нигә инде үләр алдыннан әнинең күңелен шулай рәнҗеттең? – дип сорый. 
– Анаңның изгелек дәфтәрендә һәр яхшылыкны күрдем, ләкин көндәшкә сабыр итте дигәне булмады – шул юлны да тутырыр өчен әйттем, – дип җавап бирә пәйгамбәребез.
Көндәшкә сабыр итү... 
«Ай-һай, аның ачысына түзү бик авыр шул», – дияр башыннан кичергәннәр. Ә бит түзгәннәр дә бар. Гөлия апаның әнисе – шундый сабыр хатыннарның берсе. «Ә мәхәббәт гомерләрдән озын...» дигән язма ул кичергән сынаулар турында. Аның ире гомер буе башка берәүне – Галия исемле беренче мәхәббәтен сагынып яши... 

Август ае – алма ае. Бакчаларда алма исе генә! Бу санда Резеда Мусина сезне алмадан бик тәмле крамбл пешерергә өйрәтә. Тормышка ниндидер үзгәрешләр кертү өчен, без – хатын-кызлар гел ниндә булса бер яңалыкка өйрәнергә тиеш бит. Бу юлы ул, әйдә, алмалы крамбл булсын әле! 

Исегезгә төшерәбез! «Сөембикә» журналын Wildberries, Kazan Express, Ozon, Яндекс Маркетта, «Татмедиа» онлайн кибетеннән дә сатып алырга була. 

Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4111
    10
    111
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    12345
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2515
    9
    86
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    12862
    4
    72
  • Гомерем усал кайнана, исерек ир белән үтте 7 Туасы сабый дөньяга барыбер туа, дип юкка гына әйтмәгәннәрдер. Хәзер узган гомеремне уйлыйм да, җүләрлегемә исем-акылым китеп утырам…
    15871
    1
    69
Реклама
Соңгы комментарийлар
  • 23 сентябрь 2022 - 03:35
    Без имени
    Ати анисе бирган акчагада хужа булмый а, биграк инде. Ул хадаре йыуаш булып ни. Ати анисе, акча бирган е, лучше диваны узларе алып бирсен нар иде дип та уйлап куйдым. Ул бианай оялмыйча шул акчаны алып, узена Яна диван алган что-ли? Ансын анламадым.
    Гомерем усал кайнана, исерек ир белән үтте 11
  • 23 сентябрь 2022 - 11:05
    Без имени
    25 яшендэ кияугэ чыккан, 10 ел баласыз торган, бэхетен 35 яшьтэ тапкан, а Айнурга 30 яшь. Барда дорес язылган бит?)))
    Бәхетле булырга хакым бар!
  • 23 сентябрь 2022 - 11:17
    Без имени
    шулай мыскыл итәләр шул үзләреннән артык уңган, булган киленне. Мине кайната белән кайнана малайлары үлгәнче, малайларыннан мыскыллатып тордылар. Малайларын аракы эчереп миңа каршы котырталар иде. Нормальный кеше малаен аракы эчәргә өйрәтми бит инде?! Малайлары эчеп кайтып тавыш чыгара иде, мин тормышны тартып яшәдем. Мин аллага шөкер, намазлы булып гомеремне дәвам итәм, малайлары үлде. Мин котылдым аллага шөкер, алар баласыз калды.
    Гомерем усал кайнана, исерек ир белән үтте 11
  • 22 сентябрь 2022 - 22:32
    Без имени
    Фагыйлэ остэп тэ жибэрэ ахры, купертеп арттырып жибэргэн урыннары бар.
    Гомерем усал кайнана, исерек ир белән үтте 11
  • 23 сентябрь 2022 - 18:07
    Без имени
    Автор "ыштанга ябышып " узен генэ мэсхэрэлэу тугел, балаларнын да жэллэмэгэн. Балалары кимсетелеп, комплексы булып ускэннэрдер. Авторы жэллэмим, отвращение.
    Гомерем усал кайнана, исерек ир белән үтте 11