Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСәхнә арты → Айгөл Бариеваның улы көлә, Зөлфәт Зиннуровның кызы елый

Айгөл Бариеваның улы көлә, Зөлфәт Зиннуровның кызы елый

24 мая 2018
746 карау
Бу көннәрдә мәктәпләрдә Соңгы кыңгырау чыңлый. Хәер,
мәктәпләрдә генә дию дөрес булмас. Кыңгыравы ук булмаса да,
балалар бакчаларында да чыгарылыш кичәләре үтә. Артистлар да,
балаларының чыгарылыш кичәләрендә катнашып, социаль челтәргә
бер-бер артлы фотолар, матур теләкләр кертә.




Татарстанның атказанган артисты Айгөл Бариеваның улы
Камил быел 11 классны тәмамлады. Соңгы кыңгырау кичәсенә
Айгөл Бариева да барган. Инстаграмына видеолар, фотолар кертте
ул. Әлеге видеоларда Камил дә, башка классташлары да шат
елмаялар, көләләр, җырлыйлар. Ә менә җырчы үзе күз яшьләрен
тыеп тора алмаган. Соңрак ул инстаграмына улы белән төшкән
фотосын куеп: «Бүген бездә дулкынландыргыч көн! Э-э-х... Әле
кичә генә беренче класска озаткан идек, бүген инде Соңгы
кыңгырау яңгырады. Ничек тиз үтә бу гомер. Балаларның үсеп
җиткәнен дә сизми калабыз. Былтыр кызыбызны олы юлга озаттык.
Ә бүген инде улыбызны... Аллаһка тапшырып, зур, олы юлга. Алда
– имтиханнар. Бар да яхшы булсын, балакаем! Үзең теләгән вузга
кер, исән-сау булып яшә, бар хыялларың тормышка ашсын!» дип
язып кертте.

Ә менә яшь җырчы Лия Шәмсина үзе быел гына мәктәпне
тәмамлый әле.



Ул да интернетка «Чыгарылыш-2018» дип язылган
тасма тагып төшкән фотосын кертте. Йөзендә – гаҗәпләнү
чалымнары. Нәрсәгә гаҗәпләнүен үзе үк язып та куйган: «Нәрсә,
мин мәктәпне тәмамладым мәллә?» Мәктәп укучысы гына булуына
карамастан, Лия Шәмсина өч тапкыр TMTV премиясе алырга
өлгерде инде.

Җырчы Зөлфәт Зиннуровның кызы Зәлия исә яңа уку елында
беренче класска барачак.



Балалар бакчасындагы чыгарылыш
бәйрәмендә Зәлия күз яшьләрен тыеп тора алмый. «Бакчадан
китәсең килмиме, шуңа елыйсыңмы?» – дип сорый әтисе, Зәлия
«әйе» дигәнне аңлатып баш кага. Хәер, Зөлфәт Зиннуров үзе дә чак
еламый, күзләре яшьле. Шулай кызын: «Хәзер мәктәпкә барасың
инде, кызым», – дип юата. Бәйрәм ахырында һәр бала кәгазьгә
теләкләрен язган һәм шуны шарга бәйләп очырганнар. Зәлия: «Мин
яхшы укырга телим, әти-әни миңа Алэн 6 lol (курчак) алсын, әти-
әни исән-сау булсын», – дигән теләкләр язган.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com