«Татар концертына барасым килми...»

Ризидә Гасыймова

Тавыш юктан чыга бит ул. Беркөнне ирем белән икәү машинада авылдан килгәндә, тигез җирдә эләгешеп киттек.

 

– Кузьмин концерты була икән, әллә барабызмы? – дип тәкъдим иттем мин. – Гел концертка йөргән юк икән бит бу арада, әллә чиратлап бер татар, бер рус концертына йөри башлыйбызмы?

– Татар концертына барасым килми, – дип каршы төште ирем көтмәгәндә.

– Нигә барасың килми?

– Кызык түгел!

– Ничек инде кызык түгел? Син бит машинада гел татар җыры тыңлап йөрисең. Әле пассажирларыңа да татар җырларын махсус тыңлатасың. Руслар дип тә тормыйсың!

– Татар җырларын яратмыйм дип әйтмим бит мин, татар концертларын яратмыйм, – дип сүзне тизрәк тәмамларга ашыкты ирем.

Ул мине подъезд каршына төшереп, «стоянка»га машинасын куярга китте. Мин исә елардай булып басып калдым.

Тик без – хатын-кызлар болай тиз генә бирешәбезме соң?! Йөгереп диярлек өйгә кердем дә, интернеттан үземнең яраткан җырчым – Рафаэль Сәхәбиевның чыгышын эзләп таптым. Шушы очрак өчен махсус әзерләп куйганнар диярсең – искитмәле сүзләр, искитмәле моң! 

 

Диңгезләрне кемнәр кичә

Канатлы кошлар микән?

Диңгезләрнең ике яры

Безнең язмышлар микән?

Диңгезләрдә давыл чыкса

Яшенләп үтәр микән?

Бер мәхәббәт табар өчен

Бер гомер җитәр микән? 

 

Рафаэль Сәхәбиевның үлгән көне иде ул – шуңа күңел йомшарып киттеме, җырның сүзләре күңелгә тидеме, әллә иремнең көтелмәгән фикереме – әллә нишләп күздән яшь ага гына бит... Үзем тыңлыйм, үзем елыйм... 

Кыскасы шул – иремнең кайтуын мин инде җыр белән коралланып көтеп алдым.

– Мин бит Рафаэль Сәхәбиевны күздә тотмыйм, – дип каршы төште ул, җырны тыңлагач. – Хәзерге җырчыларны әйтәм. Рус эстрадасы белән чагыштырганда татар эстрадасының сыйфаты түбән дип әйтәм мин.

– Ә миңа калса, хикмәт беләсеңме, нәрсәдә? Синең рус мәдәниятында тәрбияләнгән кеше булуыңда. Ул сиңа якынрак. Галимнәр шундый бер тәҗрибә үткәргән: ике бокалга нәкъ бер төрле коньяк салып куйганнар. Әмма аларның берсен – өч, икенчесен – биш йолдызлы дип тәкъдим иткәннәр. Һәм биш йолдызлы коньяк кешеләргә, чыннан да, тәмлерәк булып тоелган. Монда да шул! Татар эстрадасы рус яисә чит ил эстрадасыннан кайтышрак дип уйлау безнең үзебезне кимсетү тенденциясе ул!

Иремнең әле бәлки бәхәсләшергә исәбе дә булгандыр, тик мин инде балаларга күчәргә өлгергән идем. Башта олысына шалтыраттым.

– Әни, чынлап та шулай бит инде, – диде улым, минем әтиләреннән зарланганны көлемсерәп (аның көлемсерәгәнен телефон аша да сизәм мин) тыңлагач. – Мәсәлән, рок-җырчылар татарда гел юк! 

– Ничек инде булмасын? Ә Нурминский?

– Алайса, нигә мин аны белмим?

– Чөнки кызыксынмыйсың! Йә, ярый, синеңчә булсын, юк дип алыйк татарда рокны! Әмма нигә юк дигән сорауны кемгә бирергә икән соң? Кемнән сорыйк? Татарлар – менә без бит инде ул, улым.... Без! Син дә... мин!

Инде кечесенә чират җиткән иде, шуны сизептер, күрәсең, ул бүлмәсеннән, җырлап килеп чыкты. 

– И туган тел, и матур тел...

Беләләр бит ә кайчан нәрсә әйтәсен! Бик кечкенә вакытларын исәпкә алмаганда, 17 яшьлек егетемнең ни русча, ни татарча җырлаганын ишеткән юк иде – мин яшь аралаш елмайдым... 

 

Поделиться:
Комментарийлар (1)
Cимвол калды:
  • 24 декабрь 2019 - 12:10
    Ilnaz Fazlutdinov
    Дөресен әйтергә кирәк, Нурминский - ул рок-җырчы түгел, аны, гомумән, җырчы дип атау авыр. Ирегезнең сүзләрендә хаклык бар. Безнең концертлар - һаман да үз эшчән сәнгать (самодеятельность) түгәрәге чыгышына охшаган.
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4109
    10
    111
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    12342
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2512
    9
    86
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    12857
    4
    72
  • Гомерем усал кайнана, исерек ир белән үтте 7 Туасы сабый дөньяга барыбер туа, дип юкка гына әйтмәгәннәрдер. Хәзер узган гомеремне уйлыйм да, җүләрлегемә исем-акылым китеп утырам…
    15867
    1
    69
Реклама
Соңгы комментарийлар
  • 23 сентябрь 2022 - 03:35
    Без имени
    Ати анисе бирган акчагада хужа булмый а, биграк инде. Ул хадаре йыуаш булып ни. Ати анисе, акча бирган е, лучше диваны узларе алып бирсен нар иде дип та уйлап куйдым. Ул бианай оялмыйча шул акчаны алып, узена Яна диван алган что-ли? Ансын анламадым.
    Гомерем усал кайнана, исерек ир белән үтте 11
  • 23 сентябрь 2022 - 11:05
    Без имени
    25 яшендэ кияугэ чыккан, 10 ел баласыз торган, бэхетен 35 яшьтэ тапкан, а Айнурга 30 яшь. Барда дорес язылган бит?)))
    Бәхетле булырга хакым бар!
  • 23 сентябрь 2022 - 11:17
    Без имени
    шулай мыскыл итәләр шул үзләреннән артык уңган, булган киленне. Мине кайната белән кайнана малайлары үлгәнче, малайларыннан мыскыллатып тордылар. Малайларын аракы эчереп миңа каршы котырталар иде. Нормальный кеше малаен аракы эчәргә өйрәтми бит инде?! Малайлары эчеп кайтып тавыш чыгара иде, мин тормышны тартып яшәдем. Мин аллага шөкер, намазлы булып гомеремне дәвам итәм, малайлары үлде. Мин котылдым аллага шөкер, алар баласыз калды.
    Гомерем усал кайнана, исерек ир белән үтте 11
  • 22 сентябрь 2022 - 22:32
    Без имени
    Фагыйлэ остэп тэ жибэрэ ахры, купертеп арттырып жибэргэн урыннары бар.
    Гомерем усал кайнана, исерек ир белән үтте 11
  • 23 сентябрь 2022 - 18:07
    Без имени
    Автор "ыштанга ябышып " узен генэ мэсхэрэлэу тугел, балаларнын да жэллэмэгэн. Балалары кимсетелеп, комплексы булып ускэннэрдер. Авторы жэллэмим, отвращение.
    Гомерем усал кайнана, исерек ир белән үтте 11