Яшең җитсә утызга...

Гөлнара Җәлилова

Йолдыз санап йөрү яшьләр өчен пүчтәк әйбер икән хәзер. Аларга бала табарга кирәк. Ә моның өчен – ир...

Инстаграм тормышы белән яшибез бит инде. Күпләр өчен чын тормыш белән виртуале арасында аркылы сызык юк дисәң дә була: кызып китеп, эчке күлмәкләр, түшәкләргә кадәр барып җитүчесе дә табыла. Әмма аның төп бәласе – матур, кыштырдавык тормыштыр. Булмаганны да бар итеп күрсәтүчесе шактый – шуңа да ялтыравык тормышка кызыгучан яшьләр саны арта. Аныкы бар, миңа да кирәк дигән яшьлек максимализмын кая куясың ди. 


Мин картаеп баручы язучылар рәтендәдер инде, еш кына егет-кызлар киңәш сорап яза. Нинди генә гозер, киңәш сорап язылган хатлар килми директка. Аларның берсен дә битараф кына узып китеп булмый. Узып китәргә  дә ярамый! Шуларның берсендә болай дип язылган: «Миңа 26 яшь, Гөлнара апа, гаиләсез-баласыз утырып калам бугай инде. Бала алып кайтырга гына булса да ир табарга кирәк дип уйлыйм. Әгәр сезнең кызларыгыз 26 яшьләренә җитеп, шул сорау белән килсәләр, нәрсә дип киңәш итәр идегез?»


Мин шок хәлендә. 26 яшьтә үк утырып калдым дип уйлыйсың икән, кырыктагыларга нишлисе, илле-алтмышта да чын мәхәббәт, тиң яр турында хыялланучыларга нәрсә диярсең?! Эх, мәйтәм, тәрбия икәнме бу, тормыш шулай хатын-кызны беренче линиягә этеп-төртеп чыгардымы –  кызларның югары уку йортын тәмамлар-тәмамламас көе тормыш арбасына җигелүләренә аптырыйм мин.  Әле  канат та ныгытмаган балаларда шуның кадәр куышу-узышу каян килә икән?! Егерме биштә син – кияүдә, ким дигәндә бер балаң юк икән – икенче сортка калуыңны көт тә тор. Эчке өлгергәнлек-гармония, күкләрдә язылган никах сәгате турында уйлау, яратканыңны ярата белүең түгел... Ярышу мөһим! Әнә тегенеке бар, син дә балаларыңның фотосын куясың, ә күршедәге Тәскирә (синнән бер яшькә кече дә әле ул!) инде ире белән фатирларын алыштыру турында уйлана – ә син, панимаешь, 26 яшеңдә кияүсез-баласыз! Шуңа: «Үгез булмагае, чурт булсын, балаларга сөт булсын», – дип,  берәр ирдән хет бала таба торачаксың. Вакытны контрольдә тотарга кирәк!


«Ә синең яратканың бармы? – дип сорыйм әлеге матур кыздан. – Кич бергәләп йолдыз санап, җитәкләшеп йөргән кешең, аның күз карашын сагынып көткәнең булдымы?»  «Юк, – ди кыз. – Минем андый пүчтәкләр белән шөгыльләнеп йөрергә вакытым да булмады. Уку, уку, менә хәзер өч ел хисапчы булып эшлим, машина алдым... Бала кирәк. Ә аны табар өчен – ир».


Бер нәрсәне аңлыйм – ул кирәкле кешедән киңәш сорамый. Мин мөһерләнгән, кагыйдә-планлы тормыш, салкын-аек хисаплар белән яшәүче түгел. Баланы ирдән алып кайту дигәнне ике бала тугач та аңлап җиткерә алмыйм бугай. Сабыйларымны мәхәббәт җимеше дип кабул итәм лә... Шулай дип яздым да: «Баланы, бәлки, Г., син әйткәнчә, ирдән алып кайтасыдыр, әмма бәхетле бала – мәхәббәттән генә ярала. Бәхетле бала анасы булуыңны телим!..  Җитәкләшеп йолдызлар санап йөрерлек үз кешеңне табуыңны...»

 

Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    8960
    7
    73
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4580
    0
    43
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    6041
    0
    43
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    3091
    4
    37
  • Сыналган мәхәббәт бәхете Язмыштан котылып булмый, язмышыңа язылган булса, тешеңне сындырып керер, диләр. Вәсиләгә Газие белән бәхетле булырга язган булган инде. Урау юллар, яңа гаилә аша узып булса да. 
    3733
    0
    30
Реклама
Соңгы комментарийлар
  • 5 декабрь 2022 - 23:07
    Без имени
    дэвамы булса иде,тормышчан эсэр.Ныклы сэлэмэтлек авторга.
    Гомер бер генә килә-2
  • 5 декабрь 2022 - 09:03
    Без имени
    э оныклар дип торган эбилэр купме???? музей экспонаты булып баралар. Оныклар карашып, эзрэк вакытларын оныкларга багышлаучы эбилэр юк диярлек.
    Без бернәрсә тиеш түгел
  • 2 декабрь 2022 - 11:24
    Без имени
    Көнләшү гөмерлек чир ул.Көнчел кешенең фантазияседә бик бай.Үзе уйлап чыгарган уйдырмаларына ышанып хатын-кыздан көнләшеп яшиләр алар.Минем баштан үтте инде,әледә үтә.Инде яшедә бара бит.
    Үтмә, гомер, заяга!
  • 2 декабрь 2022 - 13:15
    Без имени
    Шулай кылына башлаганнар иде..мин просто алар Килер алдыннан ойдэн баламны ала идем Дэ чыгып ыза идем .. берседэ каршы очрадылар ..типо не знакомые люди уздымда киттем дэшмэдемдэ
    Иремнең туганнары...
  • 2 декабрь 2022 - 19:55
    Без имени
    Елый елый укыдым әби белән бабай өчен шатландым гел шулай кешеләр бер берсен тапсыннар иде
    Әти өйләнә