Син – алсу, мин – зәңгәр?! 

Халисә Ширмән

...Татарның танылган ир-ат җырчысы диңгездә су коенганда башка бер ир белән иңгә-иң кочаклашып төшкән фотосын инстаграммга куйган.

Шунда ук комментарийларда бер ханым үзен чәнчеп тә алган: «Ичмаса, янында кызлар булса иде. Бик сәер...» Җырчы куркыбрак аклана: «Кадр артында алар...» 

Чыннан да, сәер. Ханымның тиктомалдан юк нәрсә күрүе, җырчының аклануы сәер. «Зәңгәрлек» – гомосексуализмның татар менталитетында бу рәвештә курку барлыкка китерүе сәер. Татар гомер-гомергә ир-ат һәм хатын-кыз ягына бүленеп яшәгән бит инде ул. Ир-атлар үзара, хатыннар үзара аралашканнар. Хәтта элеккеге баерак йортларда хатыннар ягына ир-ат керә алмаган, ир балаларны, 10-12 яшь тулуга, олырак ир туганнары ягына чыгарып җибәргәннәр. Ярлылар чаршау, чыбылдык белән булса да, ике якны бүлеп куйганнар. Белем алу, һөнәрчелек, аш мәҗлесләре, мунча керү, күңел ачу һ.б. көнкүреш гамәлләренең җенескә карап бүленүе гадәти булган. Аңа карап кына татар «зәңгәрләшмәгән». Ир-атларның үзара аралашуы, якын итеп, бер-берсен кысып кочаклап алуы, дөп-дөп арка кагуы, иңсәгә кадәр ике куллап күрешүе без үскәндә гаеп саналмый иде. Дөрес, ил башлыгы Брежневның чуп-чуп үбешүләрен халык күрәләтә өнәмәде. Тик ул вакытта «зәңгәрлек» дигән зәхмәт турында күреп түгел, ишетеп тә белми идек. Ә хәзер шул зәхмәт тормышыбызга үтеп кереп, күңелләрдә, күрәсең, курку – фобия барлыкка китерде: «Тукта, кочакламыйм, йә «тегенди» дип уйларлар... Тукта, бергә фотога төшмик, кеше нәрсә әйтер...»  

Шунысы кызык: җәмгыятьтә яшүсмер йә җитү кызларның «алсулыгы» ул кадәр гаепләнми, самими шаяру буларак кабул ителә, хәтта вакыт-вакыт «Тату» төркеменә иярү яңара. «Казан игезәк кызлары» «алсулык» моделе буларак, бөтен Россиягә танылды. Яшь кызларның күрешкәндә иренгә-ирен үбешүләре, кулга-кул тотышып йөрүләре, исем янына тартым кушымчасы ялгап, «Алсуым», «Гөлназым» дип атаулары нормаль кабул ителә кебек шикелле... Һәрхәлдә, күпләр, бигрәк тә ир-атлар, «мыек астыннан елмаеп», сабый шуклыгына караган кебек, теләктәш карый.  

Әлбәттә, бер яктан, халыкның «зәңгәрлек»тән куркуы әйбәттер инде ул, сүз дә юк. Димәк, кеше әле ояла белә, гасырлар буе салынган әхлак, әдәп нигезләре бөтенләй үк югалып бетмәгән. Шулай да бер чиктән икенчесенә ташлану дөрес түгел. Һәр гамәлдә начарлык күрәсе килми бит. Иңгә-иң кочаклашып төшкән ирләребездән дә әшәке гадәтләр эзләмик инде. Дуслыктан кер эзләмик. Ир-атларыбыз дус-тату булсыннар, хатын-кыз итәгенә тагылмыйча, үзара аралашсыннар, ир-атларча чын дуслыктан курыкмасыннар! Куркытмыйк! 

Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 16 гыйнвар 2021 - 07:36
    Без имени
    Ярты гомереннэн артыгын яшэгэнсен, купкэ тузгэнне , азга гына түз инде, беребез дэ белми күпме яшэячэгебезне, бары Аллахы гына белэ, курэ, ишетэ кунелдэ нилэр барын, гонах кылмый гына яшэсэн жанын тынычрак була, э иреннен бу гадэте кешегә яла ягу була. Бу бик зур гонах. Күңел тынычлыгы намазда. Сабырлыгын өчен савабы ахирэттэ булыр.
    Ирем гомер буе, «кыз түгел идең», диде
  • 16 гыйнвар 2021 - 09:02
    Без имени
    Эйе эби(без дэу эни дип эйтэ идек) бн ускэн балалар барыбер башкачарак шул,тэуфикьлырак дип эйтимме инде.безнен чор балалары башка торлерэк иде шул,хэзергелэр бик эбилэрне тынламыйлар,кыз бала эле эзерэк колак сала сузлэренэ.э малайлар алай тугел икэн.
    Якын ерак әбекәем
  • 16 гыйнвар 2021 - 09:58
    Без имени
    Сабыр итэ белергэ Иде эти энидэн урнэк булмаган сезгэ
    Байлар да елый
  • 16 гыйнвар 2021 - 09:16
    Без имени
    Төрмэ, тэкэ дилэр, Башкортостан, Илеш районы.
    Булат Бәйрәмовны кызык иткәннәр
  • 16 гыйнвар 2021 - 09:42
    Без имени
    Бездэ дэ эбекэй дилэр. Минзэлэ ягы. Эбилэр урамда була ул ди иде курше эби. Минем эбекэйлэр дэ нэкь шундый иде. Гел башта Алла бирса дип сойлэшергэ, бисмилла дип йокларга ятарга, Аллах тагалэнен барлыгына ышандырып устерделэр. Урыннары ожмахта булсын. Икеседэ минем беренче баламны куреп калдылар. И 1ел аралыгы бн китептэ бардылар. Кирэк чакта соеп, кирэк чакта сугеп. Эшкэ ойрэтеп устерделэр. Мен рэхмэт
    Якын ерак әбекәем