Минзәләдән Түтиләр килде

Ризидә Гасыймова

Дөресен әйтим – инде күптән спектакль караган булмаган икән.

Ялгышмасам, узган ел минзәләләрнең «Иблис»ен (азербәйҗан классигы Хөсәен Җәвид әсәре буенча куелган, «Ел вакыйгасы» номинациясендә «Тантана» театр премиясен алган спектакль) кабул итеп бетерә алмый кайтканнан бирле.Иң кызыгы – менә быел тагын шул ук минзәләләргә барып, рәхмәт яугыры, инде театрга яңадан гашыйк булып кайтырга насыйп булды. 

Александр Коровкинның «Түтиләр»ен алып килгән иде Минзәлә театры бу юлы Чаллыга. Рус сәхнәсе өчен ул билгеле әсәр. Ә менә татарда... Татарда мондый тоташ көлкедән генә торган комедия булды микән әле моңарчы? Комедияләрнең дә комедиясе! Җитмәсә, аны минзәләләр бик килешле итеп татарчалаштырганнар: Розадан – Розалия ясаганнар, Гретадан – Гүзәлия. Менә шушы ике түти шәһәр уртасындагы ата-бабаларыннан калган зур йортта, бер-берсен тулыландырып, шулкадәр матур итеп яшәп яталар ки – әле вакыйгалар башланмас борын ук күңелдә ирексездән симпатия уянды.

Хәер, вакыйгалар үзләре дә озак көттермәде. Алдагы көнне генә түтиләрнең өенә карак кереп, көмеш калак-чәнечкеләрен урлап чыгып киткән булган икән – әбиләр, җавап итеп, тәрәзәгә тимер рәшәткәләр куйдырырга ниятләгәннәр. Һәм менә бердән – тәрәзә үлчәүчене, икенчедән – икесе дә үлеп яраткан племянниклары Робертны көткәндә... аларга администрация вәкиле рәвешендә йортларын үзләштерергә йөрүче аферист килеп керде. Теләгенә ирешер – ялган килешү кәгазьләренә кул куйдыра алыр идеме-юкмы бу алдакчыбыз, анысы билгесез, тик әбиләргә нәкъ вакытында тычканнарга дип куелган мышьяклы пирожки ярдәмгә килде....

Әкәмәт сюжет. Читтән караганда, гел криминал: аферист-«вәкил»нең гәүдәсен кая яшерергә белмәгән түтиләр, кредитларга баткан продюсер-онык һәм аның төрмәдән качкан абыйсы... Бу исемлеккә милиционерны кушып караганда та хәтта, без тамаша кылган дөньяда бер рәтле кеше дә юк сыман инде. Әмма әсәрнең авторы белән мөхтәрәм режиссер бу персонажларны шулкадәр яратып тасвирлаганнар-тудырганнар ки, аларга ирексездән рәхимле күз белән карап утырасың бит!

Әсәрнең, әйткәнемчә, татарчалаштырылуы да башка очраклардагы сыман йә урынсызлыгы, йә килешсезлеге белән җанга тими. Тәрҗемә – шәп! Ә әбекәйләрнең без күрергә гадәтләнгән ак яулыклы авыл карчыклары булмавы хәтта кызыграк та. И, без генә бит ул татар әбиләрен сәхнәдә, һичшиксез, яулыклы итеп күрергә өйрәнгән. Ә тормышта аларның ниндиләре генә юк! 

Кыскасы, әсәр – соклангыч, режиссер хезмәте (Дамир Самерханов) – бишлелек, ә актерларныкы... хәтта алтылылык диясе килә инде бу урында. Кайсыдыр артистның уенын гына аерып алу мөмкин дә түгел хәтта, чөнки «йомшак звено» юк (мин, һәрхәлдә, күрмәдем), спектакльне сәхнәгә куйган иҗат төркеме бу очракта чып-чын ансамбль барлыкка китергән кебек.

Соңгы вакытта татар театр сәнгатенә бик күп эксперименталь проектлар килеп килде. Мин яңа алымнар кулланып, режиссер Туфан Имаметдинов сәхнәгә куйган «Әлиф», «Дәрдмәнд»ларны да күздә тотам, башка театрларда нигездә (махсус) бәйге-фестивальләр өчен әзерләнә торган, әлеге дә баягы Минзәләләрнең «Иблис»е кебек тирән фәлсәфи мәгънәле, катлаулы драма әсәрләрен дә. Тәҗрибәләрсез һәм тирәнлексез, югары идеяләрсез, билгеле, театр дөньясын үстереп булмыйдыр. Әмма, миңа калса, минзәләләрнең шушы матур комедиясе – «Түтиләр»е дә темасы, мохите, эчтәлеге, куелышы белән безнең өчен ачыш ул. Без театрны күбрәк уйландыру, сискәндерү, елату урыны дип санап, хәтта бераз ялгышабыз да кебек тоела миңа. Бүген татарга трагедия җитә, ә менә көлү...

Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    8971
    7
    74
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4582
    0
    43
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    6047
    0
    43
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    3093
    4
    37
  • Сыналган мәхәббәт бәхете Язмыштан котылып булмый, язмышыңа язылган булса, тешеңне сындырып керер, диләр. Вәсиләгә Газие белән бәхетле булырга язган булган инде. Урау юллар, яңа гаилә аша узып булса да. 
    3733
    0
    30
Реклама
Соңгы комментарийлар
  • 5 декабрь 2022 - 23:07
    Без имени
    дэвамы булса иде,тормышчан эсэр.Ныклы сэлэмэтлек авторга.
    Гомер бер генә килә-2
  • 5 декабрь 2022 - 09:03
    Без имени
    э оныклар дип торган эбилэр купме???? музей экспонаты булып баралар. Оныклар карашып, эзрэк вакытларын оныкларга багышлаучы эбилэр юк диярлек.
    Без бернәрсә тиеш түгел
  • 2 декабрь 2022 - 11:24
    Без имени
    Көнләшү гөмерлек чир ул.Көнчел кешенең фантазияседә бик бай.Үзе уйлап чыгарган уйдырмаларына ышанып хатын-кыздан көнләшеп яшиләр алар.Минем баштан үтте инде,әледә үтә.Инде яшедә бара бит.
    Үтмә, гомер, заяга!
  • 2 декабрь 2022 - 13:15
    Без имени
    Шулай кылына башлаганнар иде..мин просто алар Килер алдыннан ойдэн баламны ала идем Дэ чыгып ыза идем .. берседэ каршы очрадылар ..типо не знакомые люди уздымда киттем дэшмэдемдэ
    Иремнең туганнары...
  • 2 декабрь 2022 - 19:55
    Без имени
    Елый елый укыдым әби белән бабай өчен шатландым гел шулай кешеләр бер берсен тапсыннар иде
    Әти өйләнә